پاکستانی ڈرامہ شائقین اس وقت بحث میں مصروف ہیں کہ اسکرین پر دکھایا جانے والا ’’صحت مند محبت‘‘ کا تصور آخر کیسا ہونا چاہیے۔ ایسے میں ڈرامہ سیریل ’’میری زندگی ہے تو‘‘ اپنی کہانی اور کرداروں کی وجہ سے شدید تنقید کی زد میں ہے۔

سیریل میں مرکزی کردار بلال عباس اور ہانیہ عامر ادا کر رہے ہیں کہانی ایک بااصول میڈیکل اسٹوڈنٹ آئرا کے گرد گھومتی ہے، جس کی زندگی میں ایک امیر اور بااثر نوجوان کامیار داخل ہوتا ہے۔ کامیار محبت کو اختیار اور ضد کے امتزاج کے طور پر دیکھتا ہے، جہاں انکار کو چیلنج سمجھا جاتا ہے۔

ناظرین کی بڑی تعداد کا کہنا ہے کہ ڈرامے میں وہی پرانا فارمولا دہرایا گیا ہے: ایک طاقتور اور مالدار مرد مسلسل کسی خاتون کا تعاقب کرتا ہے، اس کے انکار کو نظرانداز کرتا ہے، بغیر اجازت اس کی زندگی میں مداخلت کرتا ہے، مگر کہانی اسے رومانوی رنگ میں پیش کرتی ہے۔ وقت کے ساتھ آئرا کی مزاحمت کمزور پڑتی دکھائی جاتی ہے اور وہ آہستہ آہستہ کامیار کی طرف مائل ہوجاتی ہے، جس سے یہ تاثر ملتا ہے کہ ضد اور مسلسل دباؤ ہی محبت کا ثبوت ہیں۔

سوشل میڈیا پر تنقید کرنے والوں کا مؤقف ہے کہ مسئلہ صرف ایک کردار کے رویے تک محدود نہیں بلکہ ڈرامے کی تحریر اور آئرا کے کردار کی محدود نشوونما بھی سوالیہ نشان ہے۔ ان کے مطابق سیریل نہ صرف زہریلے رویوں کو دکھاتی ہے بلکہ انہیں معمول اور قابلِ قبول بنا کر پیش کرتی ہے۔

کچھ ناقدین کا کہنا ہے کہ کہانی میں ایک ایسے شخص کو، جو جارحانہ مزاج اور نشے کی عادت کا حامل دکھایا گیا ہے، کسی نہ کسی انداز میں جواز فراہم کیا جاتا ہے۔ یہاں تک کہ بعض مناظر میں مذہبی حوالوں کو بھی اخلاقی برتری ثابت کرنے کے لیے استعمال کیا گیا، جس پر بھی اعتراض اٹھایا جا رہا ہے۔

’’میری زندگی ہے تو‘‘ نے ایک بار پھر یہ سوال کھڑا کر دیا ہے کہ کیا ہمارے ڈرامے غیر صحت مند تعلقات کو محبت کا نام دے کر نئی نسل کے ذہنوں میں غلط تصورات کو تقویت دے رہے ہیں؟



Source link

سابق کپتان شاہد آفریدی کا آئی سی سی مینز ٹی ٹوئنٹی ورلڈ کپ 2026 میں کھلاڑیوں کی ناقص کارکردگی پر جرمانے لگائے جانے کی خبروں پر ردعمل سامنے آگیا۔

ایک مقامی نیوز چینل کو دیے گئے انٹرویو میں شاہد آفریدی نے مشورہ دیا کہ کم کارکردگی دکھانے والے کھلاڑیوں کو فرسٹ کلاس کرکٹ میں واپس بھیجنا اور انہیں مناسب آرام کی اجازت دینا مالی جرمانے عائد کرنے سے زیادہ موثر جواب ہوگا۔

شاہد آفریدی نے کہا کہ وہ چھوٹا سوچ رہے ہیں، سوچ رہے ہیں کہ 50 لاکھ سے کیا ہوگا، آفریدی نے کہا کہ میرے خیال میں یہ واقعی کوئی جرمانہ نہیں ہے۔

جن لوگوں نے پرفارم نہیں کیا انہیں فرسٹ کلاس کرکٹ میں بھیجنا چاہیے، کچھ کھلاڑی ایسے ہیں جن کے بارے میں مجھے یقین ہے کہ کم از کم 2 سال تک واپس نہیں آنا چاہیے، انہوں نے کہا کہ میری نظر میں یہ سزائیں کافی ہیں۔

واضح رہے کہ ٹی ٹوئنٹی ورلڈ کپ 2026 میں ناقص کارکردگی دکھانے پر پی سی بی نے پاکستانی کرکٹرز پر  50، 50 لاکھ روپے کا جرمانہ کر دیا جس کا فیصلہ بھارت سے شکست کے بعد ہی ہوگیا تھا۔



Source link

ڈاکٹرز نے اڈیالہ جیل پہنچنے کے بعد بانی پی ٹی آئی کی آنکھ کا معائنہ کیا اور چیک اپ کے بعد ٹیم واپس روانہ ہوگئی۔

اڈیالہ جیل کے ذرائع کے مطابق پمز اور الشفاء ٹرسٹ آئی اسپتال کے ڈاکٹرز کی مشترکہ ٹیم اڈیالہ جیل پہنچی جن میں الشفاء آئی ٹرسٹ آئی اسپتال کے ریٹینا اسپیشلسٹ ڈاکٹر ندیم قریشی اور ماہر امراض چشم ڈاکٹر عارف، ڈاکٹر اوصل بھی شامل تھے۔

میڈیکل ٹیم کے ہمراہ  جدید طبی آلات سے لیس گاڑی بھی جیل پہنچیں اور جیل ہسپتال کے ڈاکٹرز و عملے سے بھی معاونت حاصل کی۔

ذرائع کے مطابق ڈاکٹرز کی ٹیم بانی پی ٹی آئی کا فالو اپ چیک کے بعد واپس روانہ ہوگئی۔



Source link