ایک نئی تحقیق میں بتایا گیا ہے کہ قدرت اور انسانی اعضا میں مائیکرو پلاسٹکس کی موجودگی کی جو مقدار سمجھی جا رہی تھی، وہ ممکنہ طور پر سائنس دانوں کے لیبارٹری دستانوں میں موجود ایک مرکب کی وجہ سے بڑھا چڑھا کر پیش کی گئی ہے۔

حالیہ برسوں میں تشویشناک رپورٹس سامنے آئی ہیں جن کے مطابق مائیکرو پلاسٹکس (یعنی پانچ ملی میٹر سے چھوٹے ذرات) دریاؤں، مٹی، انٹارکٹکا کی برف، خون، پیشاب اور ماں کے دودھ میں پائے گئے ہیں۔

ایک رپورٹ میں تو یہاں تک کہا گیا کہ انسانی دماغ میں ایک چائے کے چمچ کے برابر پلاسٹک بھی پایا گیا ہے۔

تاہم یونیورسٹی آف مشیگن کے سائنس دانوں نے یہ امکان ظاہر کیا ہے کہ نمونے دراصل لیبارٹری کے دستانوں پر موجود نہایت باریک مرکبات سے آلودہ ہو سکتے ہیں۔

یہ تحقیق رائل سوسائٹی آف کیمسٹری کی جانب سے شائع کی گئی.

تحقیق کے مطابق دستانوں سے خارج ہونے والی نہایت معمولی باقیات، جنہیں اسٹیریٹ سالٹس کہا جاتا ہے، آسانی سے مائیکرو پلاسٹک پولی ایتھائلین سمجھ لی جاتی ہیں۔



Source link

سوشل میڈیا پر حالیہ دنوں ایک دعویٰ تیزی سے گردش کر رہا ہے کہ سابق وزیراعظم عمران خان کے صاحبزادے قاسم خان نے جنیوا میں اقوامِ متحدہ کی انسانی حقوق کونسل کے اجلاس کے دوران پاکستان کا جی ایس پی پلس (GSP+) اسٹیٹس ختم کرنے کا مطالبہ کیا۔

یہ تاثر اس وقت پھیلا جب 25 مارچ کو سوشل میڈیا پر ایک مختصر ویڈیو شیئر کی گئی، جس میں کہا گیا کہ قاسم خان نے یورپی یونین سے پاکستان کا جی ایس پی پلس اسٹیٹس معطل کرنے کی بات کی ہے۔ اس دعوے کو بعض سیاسی شخصیات، بشمول وزیر دفاع خواجہ آصف اور رکنِ اسمبلی حنا پرویز بٹ کی جانب سے بھی تقویت ملی۔

حقیقت یہ ہے کہ قاسم خان نے جنیوا میں دو مختلف تقریبات سے خطاب کیا، جن میں سے ایک اقوامِ متحدہ کی انسانی حقوق کونسل کا باضابطہ اجلاس تھا۔ اس اجلاس کی مکمل ویڈیو، جو یونائیٹڈ نیشنز ویب ٹی وی پر دستیاب ہے، کے جائزے سے واضح ہوتا ہے کہ انہوں نے اپنی تقریر میں انسانی حقوق اور اپنے والد عمران خان کی قید سے متعلق بات کی، تاہم جی ایس پی پلس اسٹیٹس ختم کرنے کا کوئی مطالبہ نہیں کیا۔

اسی طرح ایک سائیڈ ایونٹ میں بھی انہوں نے پاکستان کے جی ایس پی پلس اسٹیٹس کی معطلی کا مطالبہ نہیں کیا بلکہ اس فریم ورک کے تحت انسانی حقوق کی ذمے داریوں کا حوالہ دیتے ہوئے تنقید کی۔ ماہرین کے مطابق سوشل میڈیا پر وائرل ہونے والی ویڈیو کو سیاق و سباق سے ہٹا کر پیش کیا گیا، جس سے غلط فہمی پیدا ہوئی۔

مزید برآں، قاسم خان نے اپنے سوشل میڈیا بیان میں بھی واضح کیا کہ انہوں نے اپنے خطاب میں پاکستان کے جی ایس پی پلس اسٹیٹس کی برقراری کی حمایت کی تھی۔

یاد رہے کہ جی ایس پی پلس یورپی یونین کی ایک اہم تجارتی سہولت ہے، جس کے تحت پاکستان سمیت ترقی پذیر ممالک کو یورپی منڈیوں تک ڈیوٹی فری رسائی حاصل ہوتی ہے، اور یہ ملک کی برآمدات اور روزگار کے لیے نہایت اہم سمجھا جاتا ہے۔

دستیاب شواہد سے یہی ثابت ہوتا ہے کہ قاسم خان کی جانب سے جی ایس پی پلس اسٹیٹس ختم کرنے کا دعویٰ بے بنیاد اور گمراہ کن ہے۔



Source link

مشرقِ وسطیٰ میں جاری کشیدگی کے اثرات اب براہِ راست عام شہریوں کی زندگی پر پڑنے لگے ہیں، جہاں بھارت میں ایل پی جی کی قلت نے صورتحال کو غیر معمولی بنا دیا ہے۔ اسی پس منظر میں ایک ایسی ویڈیو سوشل میڈیا پر تیزی سے وائرل ہو رہی ہے جس نے سب کو چونکا کر رکھ دیا ہے۔

وائرل ویڈیو میں ایک بھارتی شخص کو گیس سلنڈر کی پوجا کرتے دیکھا جا سکتا ہے۔ صارفین اس عمل کو محض عجیب حرکت نہیں بلکہ بڑھتی مہنگائی، ایندھن کی کمی اور عوامی بے بسی کی علامت قرار دے رہے ہیں۔ کئی افراد کے مطابق یہ ویڈیو دراصل اس شدید بحران کی عکاسی کرتی ہے جس نے روزمرہ زندگی کو متاثر کر دیا ہے۔

رپورٹس کے مطابق بھارت اس وقت ایل پی جی کی سنگین قلت سے دوچار ہے، جس کی بڑی وجہ عالمی سپلائی چین میں رکاوٹیں ہیں، خاص طور پر آبنائے ہرمز جیسے اہم راستوں میں مسائل نے گیس کی ترسیل کو متاثر کیا ہے۔ اس کے نتیجے میں ملک بھر میں گیس کے حصول کے لیے طویل قطاریں، ذخیرہ اندوزی اور بلیک مارکیٹ جیسے مسائل شدت اختیار کر چکے ہیں۔

بھارتی میڈیا کے مطابق لاکھوں نہیں بلکہ کروڑوں گھرانے اس بحران سے متاثر ہو رہے ہیں اور کھانا پکانے جیسی بنیادی ضرورت بھی مشکل بنتی جا رہی ہے۔ ماہرین خبردار کر رہے ہیں کہ اگر عالمی سطح پر سپلائی کے مسائل جلد حل نہ ہوئے تو یہ صورتحال مزید بگڑ سکتی ہے اور توانائی بحران مزید سنگین شکل اختیار کر سکتا ہے۔
 



Source link