محکمہ موسمیات نے کل بلکی جبکہ جمعرات کو گرج چمک کے ساتھ تیزبارش اور اس دوران آندھی چلنے اور ژالہ باری کی پیش گوئی کی ہے، ہواؤں کے جھکڑ چلنے کے سبب بجلی کےکھمبوں، بل بورڈز، سولر پینلز اور کمزور ڈھانچےکو نقصان پہنچنےکا اندیشہ بھی ظاہر کیا ہے جبکہ بارش کا نیا نظام کراچی سمیت دیہی سندھ کےمختلف اضلاع پر29 مارچ تک برقراررہ سکتا ہے۔

محکمہ موسمیات کےمطابق بدھ کو مغربی ہواؤں کا نیا سلسلہ بلوچستان کےجنوب مغربی علاقوں میں داخل ہوگا، جو ملک بھر میں پھیلے گا، اس کے زیر اثر شہر کا مطلع جزوی ابرآلود رہنے اور ہلکی بارش کاامکان ہے۔

بیان میں کہا گیا کہ جمعرات کو گرج چمک کے ساتھ تیز بارش ہونے کی توقع ہے، جس کے دوران تندوتیز ہوائیں اور آندھی چلنے کے علاوہ کچھ مقامات پر ژالہ باری بھی ہو سکتی ہے۔

محکمہ موسمیات نے بتایا کہ طاقت ور مغربی سسٹم کی وجہ سے بارش کے دوران آسمانی بجلی گرسکتی ہے اور ہواؤں کے جھکڑ چلنے کے سبب بجلی کے کھمبوں، بل بورڈز، سولر پینلز سمیت کمزور املاک کو نقصان پہنچ سکتا ہے۔

محکمہ موسمیات کے مطابق سندھ کے دیگر علاقوں گھوٹکی، لاڑکانہ، قمبر شہدادکوٹ، شکارپور، جیکب آباد، سکھر، جامشورو، نوشہروفیروز، شہیدبےنظیرآباد، دادو، حیدرآباد، عمرکوٹ، میرپورخاص، ٹھٹہ، سجاول اور بدین 25 مارچ تا 26 مارچ بعدازاں 28 مارچ سے 29 مارچ کے درمیان وقفے وقفے سے تیز ہواؤں اور گرج چمک کےساتھ بارش کاامکان ہے اور مذکورہ اضلاع میں کہیں کہیں ژالہ باری کی توقع بھی ہے۔



Source link

Source link

پاکستان سپر لیگ( پی ایس ایل) 11 کے 22 میچز اس بار کراچی کے مشہور نیشنل اسٹیڈیم میں کھیلے جائیں گے۔

پی ایس ایل کے نئے شیڈول کے مطابق لاہور اور کراچی 39 روز میں 44 میچز کی میزبانی کریں گے اور کراچی کے مشہور نیشنل اسٹیڈیم میں اس بار 22 میچز کھیلے جائیں گے۔

پہلے مرحلے کے میچز لاہور کے قذافی اسٹیڈیم میں شیڈول ہیں جبکہ دوسرے مرحلے میں 8 اپریل سے 19 اپریل تک کے 15 میچز کراچی میں رکھے گئے ہیں  اس کے علاوہ 6 مزید میچز  بھی کراچی میں کھیلے جائیں گے۔

پی ایس ایل 11 کا کوالیفائیر کراچی کے نیشنل اسٹیڈیم میں 28 اپریل کو کھیلا جائے گا جبکہ لیگ کا فائنل لاہور کے قذافی اسٹیڈیم میں شیڈول ہے۔

نیشنل اسٹیڈیم جو سرکاری طور پر نیشنل بینک اسٹیڈیم کے نام سے جانا جاتا ہے، پاکستان میں ایک بین الاقوامی کرکٹ گراؤنڈ ہے جو پاکستان کرکٹ بورڈ کی ملکیت ہے۔ یہ پاکستان سپر لیگ اور سندھ کی دیگر ڈومیسٹک کرکٹ ٹیموں میں کراچی کنگز کی فرنچائز کا ہوم گراؤنڈ ہے۔

 



Source link