پاکستان سپر لیگ( پی ایس ایل) 11 کے 22 میچز اس بار کراچی کے مشہور نیشنل اسٹیڈیم میں کھیلے جائیں گے۔

پی ایس ایل کے نئے شیڈول کے مطابق لاہور اور کراچی 39 روز میں 44 میچز کی میزبانی کریں گے اور کراچی کے مشہور نیشنل اسٹیڈیم میں اس بار 22 میچز کھیلے جائیں گے۔

پہلے مرحلے کے میچز لاہور کے قذافی اسٹیڈیم میں شیڈول ہیں جبکہ دوسرے مرحلے میں 8 اپریل سے 19 اپریل تک کے 15 میچز کراچی میں رکھے گئے ہیں  اس کے علاوہ 6 مزید میچز  بھی کراچی میں کھیلے جائیں گے۔

پی ایس ایل 11 کا کوالیفائیر کراچی کے نیشنل اسٹیڈیم میں 28 اپریل کو کھیلا جائے گا جبکہ لیگ کا فائنل لاہور کے قذافی اسٹیڈیم میں شیڈول ہے۔

نیشنل اسٹیڈیم جو سرکاری طور پر نیشنل بینک اسٹیڈیم کے نام سے جانا جاتا ہے، پاکستان میں ایک بین الاقوامی کرکٹ گراؤنڈ ہے جو پاکستان کرکٹ بورڈ کی ملکیت ہے۔ یہ پاکستان سپر لیگ اور سندھ کی دیگر ڈومیسٹک کرکٹ ٹیموں میں کراچی کنگز کی فرنچائز کا ہوم گراؤنڈ ہے۔

 



Source link

کراچی پولیس نے فینسی اور غیر منظور شدہ نمبر پلیٹس والی گاڑیوں کیخلاف 30 مارچ سے سخت کریک ڈاؤن کا فیصلہ کیا ہے۔

ترجمان کراچی پولیس چیف کے مطابق ایڈیشنل آئی جی کراچی آزاد خان کی ہدایات پر 30 مارچ سے گاڑیوں اور موٹرسائیکلوں کیخلاف سخت کریک ڈاؤن کیا جائے گا۔

ترجمان کراچی پولیس چیف کی جانب سے جاری بیان میں شہریوں کو آگاہ کیا گیا ہے کہ وہ اپنی گاڑیوں پر حکومت کی منظور شدہ نمبر پلیٹس لازمی طور پر نصب کریں، پرائیویٹ، فینسی یا غیر منظور شدہ نمبر پلیٹس کا استعمال قانوناً ممنوع ہے۔

اعلامیے میں کہا گیا ہے کہ جعلی نمبر پلیٹس سے نہ صرف شناخت میں مشکلات پیش آتی ہیں بلکہ سیکیورٹی خدشات بھی بڑھ جاتے ہیں۔

اعلامیے کے مطابق شہر میں قانون کی عملداری کو یقینی بنانے کے لیے 30 مارچ 2026 سے پولیس کی جانب سے باقاعدہ کریک ڈاؤن مہم کا آغاز کیا جا رہا ہے، جس کے دوران پرائیویٹ /فینسی نمبر پلیٹس استعمال کرنے والوں کے خلاف بلا امتیاز قانونی کارروائی عمل میں لائی جائے گی۔

کراچی پولیس نے عوام سے اپیل کی ہے کہ کسی بھی پریشانی سے بچنے کے لیے فوراً اپنی چھوٹی اور بڑی گاڑیوں کی نمبر پلیٹس درست کروا لیں اور صرف سرکاری نمبر پلیٹس ہی استعمال کریں۔



Source link

Source link