ٹک ٹاکرز سمیع رشید اور سحر حیات کی شادی ایک شاندار تقریب کے ساتھ ہوئی تھی، تاہم یہ رشتہ زیادہ عرصہ نہ چل سکا۔

دونوں کے ہاں ایک بیٹی کی پیدائش بھی ہوئی، لیکن جلد ہی علیحدگی ہو گئی اور پھر سوشل میڈیا پر دونوں کے درمیان بیانات اور الزامات کا سلسلہ شروع ہو گیا، جو طلاق تک جا پہنچا۔

حال ہی میں سحر حیات نے اپنی طلاق سے متعلق کچھ چونکا دینے والے انکشافات کیے، جو سوشل میڈیا پر تیزی سے وائرل ہو گئے۔ سحر کا دعویٰ تھا کہ سمیع رشید انہیں اکثر طلاق کی دھمکیاں دیتے تھے اور اہلِ خانہ کے سامنے ان کے ساتھ بدسلوکی بھی کی جاتی تھی، جس کے باعث انہوں نے خلع لینے کا فیصلہ کیا۔

دوسری جانب سمیع رشید نے ان الزامات پر ردعمل دیتے ہوئے ایک مختلف مؤقف پیش کیا ہے۔ ان کے مطابق دونوں کے درمیان علیحدگی کی اصل وجہ ایک معمولی جھگڑا تھا جو ان کی بیٹی کی سالگرہ کے موقع پر پیش آیا۔

سمیع کا کہنا ہے کہ ان کے والدین بیٹی کے ساتھ تصویر بنوانا چاہتے تھے، تاہم سحر کو یہ بات ناگوار گزری اور انہوں نے سمیع سے کہا کہ وہ اپنے والدین کو اسٹیج سے ہٹا دیں۔

سمیع کے مطابق اسی بات پر دونوں کے درمیان تلخ کلامی ہوئی جو بڑھتے بڑھتے علیحدگی اور بالآخر طلاق تک جا پہنچی۔ انہوں نے دعویٰ کیا کہ یہی وہ وجہ تھی جس کی بنیاد پر سحر حیات نے خلع کے لیے درخواست دی۔

اس معاملے پر سوشل میڈیا صارفین بھی کھل کر اپنی رائے کا اظہار کر رہے ہیں۔ کچھ صارفین کا کہنا ہے کہ دونوں کو اب ایک دوسرے کو تنقید کا نشانہ بنانے کے بجائے اپنی زندگی پر توجہ دینی چاہیے، جبکہ بعض نے اس وجہ کو انتہائی معمولی قرار دیتے ہوئے حیرت کا اظہار کیا کہ اتنے چھوٹے معاملے پر رشتہ ختم ہو گیا۔

سنا ہے دنیا میں ایک ہی چہرے کے سات افراد ہوتے ہیں، کچھ ایسا ہی ایک دلچسپ منظر سوشل میڈیا پر دیکھنے کو ملا ہے!

نیپال کے ایک وزیر اور پاکستان کے کرکٹر ابرار احمد کے درمیان حیران کن مشابہت نے سب کو چونکا دیا ہے۔ تصاویر دیکھ کر تو کئی لوگ واقعی کنفیوز ہوگئے کہ کون کون ہے!

سوشل میڈیا پر وائرل ہونے والی تصاویر میں نیپال کے وزیر سسمت پوکھریل اور ابرار احمد کے چہرے کے خد و خال، آنکھیں اور تاثرات اتنے ملتے جلتے ہیں کہ پہلی نظر میں پہچان مشکل ہو جاتی ہے۔

صارفین اس مشابہت پر دلچسپ تبصرے کر رہے ہیں۔ کوئی اسے ’ڈوپل گینگر‘ کہہ رہا ہے تو کوئی کہہ رہا ہے کہ کرکٹ اور سیاست کا انوکھا ملاپ ہوگیا!

سسمت پوکھریل نیپال میں تعلیم و کھیل کے وزیر ہیں، تاہم اصل توجہ ان کی شناخت سے زیادہ ان کے چہرے کی حیران کن مماثلت پر ہے۔ کئی لوگوں نے تو یہاں تک کہا کہ اگر دونوں ایک ساتھ کھڑے ہو جائیں تو پہچاننا کسی چیلنج سے کم نہیں ہوگا۔

یہ تصاویر مختلف پلیٹ فارمز پر تیزی سے وائرل ہو رہی ہیں، جہاں صارفین نہ صرف حیرت کا اظہار کر رہے ہیں بلکہ مزاحیہ تبصروں اور میمز کے ذریعے اس دلچسپ مماثلت کو خوب انجوائے بھی کر رہے ہیں۔ کچھ نے اسے ’’انٹرنیشنل جڑواں‘‘ قرار دیا تو کچھ نے اسے قدرت کا دلچسپ کھیل کہا۔

وفاقی دارالحکومت  اسلام آباد کے  پوش علاقے میں ڈاکوؤں کی فائرنگ  سے معروف  تاجر  جاں بحق ہوگئے۔

رپورٹ کے مطابق پولیس نے کہا کہ فائرنگ کا واقعہ گزشتہ روز فارم ہاؤس میں پیش آیا تھا۔

پولیس کا کہنا ہےکہ ڈاکوؤں کی فائرنگ سےمعروف بزنس مین عامر اعوان شدید زخمی ہوئے تھے جوکہ آج  دوارن علاج دم توڑ گئے، واقعے کی تحقیقات کی جارہی ہیں۔

اسلام آباد کے تھانہ شہزاد ٹاؤن کے علاقے میں ٹیوٹا موٹرز کے مالک کے قتل ہونے  کے واقعے پر وزیر مملکت داخلہ طلال چودری کا ردعمل سامنے آگیا۔

انہوں نے کہا کہ اس سال مجموعی طور پر اسلام آباد میں جرائم کے واقعات میں کمی واقع ہوئی ہے، اس سنگین واردات کی تحقیقات کرکہ تمام تفصیلات میڈیا کے سامنے رکھیں گے

ان کا کہنا تھا کہ پہلے بھی جتنے اندھے قتل ہوئے ہیں ان کو منتقی انجام تک پہنچایا گیا ہے اور مجرمان کو سزائیں دلوائی ہیں۔