برطانیہ میں شادی کے وینیو پر فلور ٹوٹنے کے باعث 70 افراد بیس منٹ میں پھنس گئے، جبکہ چھ افراد زخمی ہوگئے۔

یہ واقعہ نیو ہیمپشائر کے علاقے ٹیمورتھ میں موجود ایک شادی ہال دی پریزرو میں پیش آیا جہاں 140 کے قریب افراد شریک تھے۔

ہال کا فلور ٹوٹنے سے 20 فٹ چوڑا اور 20 فٹ سوراخ ہو گیا اور لوگ آٹھ فٹ گہرے بیس منٹ میں گر گئے اور اوپر سے گرنے والے بیم کی وجہ سے پھنس گئے۔

ریسکیو ذرائع کے پہنچنے سے قبل موقع پر موجود افراد نے کچھ پھنسے ہوئے لوگوں کو نکال لیا۔

ریسکیو عملے کا کہنا تھا کہ موقع پر 145 کے قریب افراد تھے۔ بیس منٹ میں پھنسے لوگوں کو محتاط انداز میں نکالا جا رہا ہے۔



Source link

پاکستان اسپیس اینڈ اپر ایٹموسفیئر ریسرچ کمیشن (سپارکو) نے موسمیاتی تبدیلیوں سے نمٹنے اور ماحولیاتی استحکام کو فروغ دینے کے لیے ‘اسپیس فار کلائمیٹ’ انیشی ایٹو کا آغاز کر دیا۔

پاک فوج کے شعبہ تعلقات عامہ (آئی ایس پی آر) سے جاری اعلامیے کے مطابق اسپیس فار کلائیمٹ منصوبے کا مرکزی حصہ جیو اے آئی سے لیس کلائمیٹ آبزرویٹری ہے، جو ایک جدید ڈیجیٹل پلیٹ فارم پر مشتمل ہے۔

بیان میں کہا گیا کہ یہ پلیٹ فارم سیٹلائٹ ڈیٹا، جغرافیائی تجزیات اور ماڈلنگ کو یکجا کر کے پالیسی سازوں، محققین اور متعلقہ اداروں کو قابل عمل معلومات فراہم کرے گا، یہ نظام فضائی آلودگی  گرین ہاؤس گیسز جنگلات، گلیشیئرز، ساحلی علاقوں، دریاؤں اور زمین کے استعمال کی مسلسل نگرانی کرے گا۔

آئی ایس پی آر نے بتایا کہ یہ پلیٹ فارم موسمیاتی خطرات جیسے سیلاب، خشک سالی، ہیٹ ویوز، سمندری سطح میں اضافہ اور گلیشیئر جھیل کے اچانک پھٹنے جیسے واقعات کی پیشی نشان دہی اور مانیٹرنگ میں بھی معاون ہوگا۔

مزید بتایا گیا کہ اسپیس بیسڈ اور زمینی ڈیٹا کے امتزاج سے یہ اقدام شواہد پر مبنی پالیسی سازی اور پائیدار ترقی کو فروغ دے گا، جس سے پاکستان کے موسمیاتی ایجنڈے کو عالمی کوششوں کے مطابق آگے بڑھانے میں مدد ملے گی۔



Source link

پاکستانی اداکار فہد مصطفیٰ کی سوشل میڈیا پر نئی تصاویر نے مداحوں کی توجہ اپنی جانب مبذول کر لی ہے جس میں وہ اپنے والد کے ہمراہ نظر آ رہے ہیں۔

انسٹاگرام پر شیئر کی گئی تصاویر میں فہد مصطفیٰ روایتی لباس میں ملبوس ہیں جبکہ ان کے ساتھ ان کے والد بھی موجود ہیں۔ دونوں کو ایک عمارت کے اندر داخل ہوتے ہوئے دیکھا جا سکتا ہے تصاویر میں ان کی باڈی لینگویج خاصی پراعتماد نظر آ رہی ہے۔

اداکار نے تصاویر کے ساتھ دلچسپ کیپشن بھی تحریر کیا جس میں انہوں نے لکھا کہ “رشتے میں وہ ہمارے باپ لگتے ہیں، نام ہے صلاح الدین”، جس پر مداحوں کی جانب سے مزاحیہ اور مثبت تبصروں کا سلسلہ جاری ہے۔

تصویر کو سوشل میڈیا صارفین کی بڑی تعداد نے پسند کیا ہے جبکہ ہزاروں افراد اس پر تبصرے بھی کر چکے ہیں۔ کئی مداحوں نے دونوں شخصیات کے انداز اور اسٹائل کی تعریف کی جبکہ کچھ نے اسے کسی آنے والے پراجیکٹ کا حصہ قرار دیا۔

یاد رہے کہ فہد مصطفیٰ ان دنوں شوبز انڈسٹری میں اپنی منفرد اداکاری اور اسٹائل کی وجہ سے خاصے مقبول ہیں اور سوشل میڈیا پر بھی متحرک رہتے ہیں۔

 



Source link