پریڈی پولیس نے کارروائی کرتے ہوئے 90 لاکھ روپے کی ڈکیتی میں ملوث ایک اور ملزم کو گرفتار کر لیا۔

ترجمان ایس ایس پی ڈسٹرکٹ ساؤتھ کے مطابق گرفتار ملزم کی شناخت سلمان ولد عمر گل کے نام سے کی گئی جبکہ گرفتار ملزم سے واردات میں استعمال کی جانے والی موٹر سائیکل 125 اور سات لاکھ بیس ہزار روپے نقد رقم بھی برآمد کر لی گئی ہے۔

ملزم کو پہلے سے گرفتار اس کے ساتھیوں کی نشاندہی پر گرفتار کیا گیا ، اب تک اس واردات میں ملوث مرکزی ملزم اسد حسین ولد اقبال حسین اور بلال عرف عبدالشاہ کو گرفتار کیا جا چکا ہے۔

 گرفتار ملزمان سے مجموعی طور پر 36 لاکھ 20 ہزار روپے کی رقم برآمد کی جا چکی ہے ، مزید مفرور ملزمان کی گرفتاری کے لیے چھاپہ مار کارروائیاں جاری ہیں ، جنہیں جلد گرفتار کر لیا جائے گا۔

واضح رہے 14 فرروری 2026 کو پریڈی تھانے میں رپورٹ درج کرائی گئی تھی ، رپورٹ میں بتایا گیا تھا کہ صدر ریگل چوک کے قریب مسلحہ موٹرسائیکل سوار دکاندار سے رقم سے بھرا تھیلا چھین کر فرار ہوگئے۔

ملزمان نے فرار ہوتے ہوئے فائرنگ بھی کی ، سولر انورٹر کا دکاندار سفیر بٹ اپنی دکان کے ملازم کے ہمراہ 90 لاکھ روپے کی رقم تھیلے میں ڈال کر قریبی واقعے نجی بینک جا رہا تھا۔

 پنجاب بھر کے تمام سرکاری ہسپتالوں میں ہنگامی صورتحال کے پیش نظر ہائی الرٹ جاری کردیا گیا ہے۔

تفصیلات کے مطابق محکمہ صحت پنجاب کی جانب سے تمام ڈسٹرکٹ ہیلتھ اتھارٹیز اور ہسپتالوں کو مراسلہ جاری کیا گیا جس میں صوبہ بھر کے ہسپتالوں کےایمرجنسی وارڈز 24 گھنٹے مکمل فعال رکھنے کی ہدایت کی گئی۔

ڈی ایچ کیو اور ٹی ایچ کیو ہسپتالوں کے آپریشن تھیٹرز اور ریڈیالوجی ڈیپارٹمنٹس 24/7  مکمل فعال رہیں گے۔

ماہر ڈاکٹروں، خاص طور پر فزیشن، سرجن، آرتھوپیڈک سرجن کے ساتھ ساتھ نرسوں، پیرامیڈیکس اور الائیڈ اسٹاف کی دستیابی  یقینی بنانے کا حکم بھی صادر کیا گیا۔ ہسپتالوں میں ادویات، آئی وی فلوئیڈز اور سرجیکل سامان کا وافر ذخیرہ رکھنے کی ہدایت کی گئی۔

مزید برآں ٹراما اور سرجیکل ایمرجنسی انتظامات فوری مکمل رکھنے اور ضلعی انتظامیہ اور ریسکیو 1122 سے قریبی رابطہ یقینی بنانے کی ہدایت کی گئی۔

محکمہ ہیلتھ پنجاب نے ہدایت کی کہ تمام عملے کے شفٹ وائز ڈیوٹی روسٹر پر سختی سے عملدرآمد کا حکماحکامات و ہدایات پر سختی سے عملدرآمد یقینی بنایا جائے۔

خلیج تعاون کونسل کے رکن ممالک نے ایرانی جارحیت کے تناظر میں سخت مؤقف اختیار کرتے ہوئے کہا ہے کہ وہ اپنی سلامتی اور استحکام کے تحفظ کے لیے ہر ضروری اقدام کریں گے اور جواب دینے کا حق محفوظ رکھتے ہیں۔

سعودی عرب، متحدہ عرب امارات، بحرین، عمان، قطر اور کویت کے وزرائے خارجہ کے اجلاس کے بعد جاری مشترکہ اعلامیے میں کہا گیا کہ رکن ممالک اپنی علاقائی خودمختاری، شہریوں اور مقیم افراد کے تحفظ کو یقینی بنانے کے لیے تمام ممکنہ اقدامات کریں گے۔

بیان میں ایران کی جانب سے مبینہ جارحانہ اقدامات پر شدید تشویش کا اظہار کرتے ہوئے واضح کیا گیا کہ خطے کے امن و استحکام کو کسی صورت متاثر نہیں ہونے دیا جائے گا۔