کراچی: شہر قائد کے علاقے سہراب گوٹھ  میں گھر کے اندر فائرنگ کے پراسرار واقعے میں پولیس افسر کی بیٹی جاں بحق ہوگئی۔

تفصیلات کے مطابق سہراب گوٹھ کے علاقے لاسی گوٹھ مکان نمبر 12 میں فائرنگ کے واقعے میں نوجوان لڑکی جاں بحق ہوگئی۔

واقعے کی اطلاع ملتے ہی پولیس اور ریسکیو کا عملہ موقع پر پہنچا اور متوفیہ کی لاش کو عباسی شہید اسپتال منتقل کیا۔ جہاں متوفیہ کی شناخت 16 سالہ صائمہ دختر امیر بخش کے نام سے ہوئی۔

ابتدائی طور پر ریسکیو حکام کا کہنا تھا کہ واقعہ گھر کے اندر نامعلوم سمت سے آنے والی گولی سر پر لگنے سے پیش آیا تھا تاہم ایس ایچ او سہراب گوٹھ گل بیگ نے بتایا کہ ابتدائی تفتیش میں واقعہ خود کو سر پر گولی مار کر خودکشی کا معلوم ہوا ہے۔

متوفیہ محکمہ پولیس میں حاضر سروس سب انسپکٹر کی بیٹی ہے جبکہ فوری طور پر خودکشی کی وجہ کا معلوم نہیں ہوسکا۔

انھوں نے مزید بتایا کہ متوفیہ کا والد سب انسپکٹر امیر بخش اینٹی وہیکل لفٹنگ سیل میں تعینات ہے اور اس حوالے سے پولیس مزید معلومات حاصل کر رہی ہے ۔



Source link

کراچی: کورنگی کراسنگ کے علاقے الطاف ٹاؤن کے گھر میں گیس کا دھماکا ہوا جس میں خاتون جھلس کر شدید زخمی ہوگئے۔

تفصیلات کے مطابق کورنگی کراسنگ الطاف ٹاؤن میں گھر کے اندر گیس دھماکے میں خاتون جھلس کر شدید زخمی ہوئی جسے تشویشناک حالت میں سول اسپتال کے برنس وارڈ منتقل کیا گیا۔

ریسکیو حکام کے مطابق خاتون کی شناخت 30 سالہ نازیہ زوجہ گلریز کے نام سے ہوئی۔

ایس ایچ او زمان ٹاؤن ایاز خان نے بتایا کہ واقعہ الطاف ٹاؤن گلی نمبر17 مکان نمبر 818 پیش آیا ہے، ابتدائی معلومات کے مطابق جھلس کر زخمی ہونے والی نازیہ افطار کرنے اپنے سسرال گئی تھی اور جب وہ واپس اپنے گھر آئی تو گیس کھلی ہوئی تھی اور اس نے جیسے ہی ماچس جلائی تو دھماکا ہوگیا۔

دھماکے کے نتیجے میں بھڑکنے والے شعلے سے وہ جھلس کر شدید زخمی ہوگئی، خاتون کو اس کا دیور طبی امداد کے لیے سول اسپتال برنس وارڈ لیکر گیا تھا جبکہ خاتون کا شوہر  دبئی میں ملازمت کرتا ہے۔

ڈاکٹرز کے مطابق گیس دھماکے میں جھلسنے والی خاتون کی حالت تشویشناک ہے اور وہ 50 فیصد تک جھلس گئی ہے جسکی جان بچانے کی کوششیں کی جا رہی ہیں۔



Source link

پاکستان نے لبنان کے خلاف اسرائیلی جارحیت کی مذمت کی جہاں اب تک سیکڑوں شہری شہید، درجنوں زخمی اور 5 لاکھ افراد بے گھر ہوگئے۔

ترجمان دفتر خارجہ کی جانب سے جاری بیان کے مطابق لبنان کے خلاف اسرائیلی جارحیت میں سینکڑوں شہری جاں بحق اور تقریباً 5 لاکھ افراد بے گھر ہو چکے ہیں، اسرائیلی اقدامات بین الاقوامی قانون کی خلاف ورزی ہیں۔

بیان میں کہا گیا کہ اسرائیل لبنان میں امن و استحکام کو یقینی بنانے کے لیے حکومتی کوششوں کو کمزور کر رہا ہے اور اسرائیلی اقدامات خطے میں جاری سیکیورٹی اور انسانی بحران کو مزید بڑھا سکتے ہیں۔

ترجمان نے بتایا کہ عالمی برادری اسرائیلی جارحیت، شہریوں کو نشانہ بنانے اور لبنان کی سالمیت کی خلاف ورزیوں کو فوری رکوائے۔

مزید کہا گیا کہ اور پاکستان تمام مقبوضہ لبنانی سرزمین سے اسرائیل کے فوری، مکمل اور غیر مشروط انخلا کا مطالبہ کرتا ہے، جارحیت کے مقابلے میں لبنانی عوام کے ساتھ اپنی مکمل یکجہتی کا اظہار کرتا ہے۔

ترجمان دفترخارجہ نے کہا کہ پاکستان لبنان اور پورے خطے میں دیرپا امن یقینی بنانے کے لیے تمام کوششوں کی حمایت جاری رکھے گا۔



Source link