نیوزی لینڈ نے دوسرے ٹی ٹوئنٹی میچ میں جنوبی افریقا کو باآسانی شکست دے دی۔

ہیملٹن میں کھیلے گئے میچ میں جنوبی افریقا نے ٹاس جیت کر میزبان نیوزی لینڈ کو پہلے بیٹنگ کرنے کی دعوت دی۔

نیوزی لینڈ نے مقررہ 20 اوورز میں 6 وکٹوں کے نقصان پر 175 رنز بنائے۔ ڈیوون کونوے 60 رنز بناکر نمایاں رہے جبکہ جوش کلارکس 9 گیندوں پر 26 رنز بناکر ناقابل شکست رہے۔

جنوبی افریقا کی جانب سے ویان ملڈر نے 2 جبکہ جیرالڈ کوئٹزے، اوٹنیل بارٹمین، کیشو مہاراج اور جارج لنڈے نے ایک ایک وکٹ حاصل کی۔

ہدف کے تعاقب میں جنوبی افریقی ٹیم 15.3 اوورز میں 107 رنز بناکر آل آؤٹ ہوگئی۔ جارج لنڈے 33 رنز بناکر نمایاں رہے۔

 نیوزی لینڈ کی جانب سے لوکی فرگیوسن اور بین سیئرز نے 3،3، مچل سینٹنر نے 2 جبکہ کو میکونچی اور جمی نیشم نے ایک ایک وکٹ حاصل کی۔

دونوں ٹیموں کے مابین پانچ ٹی ٹوئنٹی میچز کی سیریز 1-1 سے برابر ہوگئی ہے۔

تیسرا میچ 20 مارچ کو، چوتھا میچ 22 مارچ کو اور پانچواں میچ 25 مارچ کو کھیلا جائے گا۔

تل ابیب: اسرائیلی فوج نے دعویٰ کیا ہے کہ اس نے ایران کی پاسدارانِ انقلاب کی بسیج فورس کے کمانڈر غلام رضا سلیمانی کو ایک حملے میں مار دیا ہے۔

اسرائیلی فوج کے بیان کے مطابق یہ کارروائی گزشتہ رات کی گئی، جس میں سلیمانی کو نشانہ بنایا گیا۔

اسرائیل کا کہنا ہے کہ یہ موت ایران کے کمانڈ اینڈ کنٹرول نظام کے لیے ایک بڑا دھچکا ہے۔

بیان میں مزید کہا گیا ہے کہ اسرائیلی فوج ایرانی کمانڈرز کے خلاف اپنی کارروائیاں جاری رکھے گی اور ضرورت پڑنے پر مزید اقدامات کیے جائیں گے۔

دوسری جانب اس دعوے پر ایران کی جانب سے تاحال کوئی باضابطہ ردعمل سامنے نہیں آیا ہے۔