سیکورٹیز اینڈ ایکس چینج کمیشن آف پاکستان نے بلوچستان اور پنجاب کے لیے مزید پینشن فنڈز کی منظوری دیدی ہے،

ایس ای سی پی کے مطابق حکومتِ بلوچستان کے لیے مزید 8 پینشن فنڈز کی منظوری دی گئی ہے جبکہ حکومتِ پنجاب کے لیے ایک اور پینشن فنڈ کی منظوری دی گئی ہے۔

اس طرح سے بلوچستان کے لیے منظور شدہ پینشن فنڈز کی مجموعی تعداد بڑھ کر 15 جبکہ پنجاب کے پینشن فنڈز کی تعداد 25 ہوگئی ہے۔

ایس ای سی پی کے مطابق بلوچستان میں کنٹری بیوشن پینشن نظام کا عملی نفاذ ہوگیا ہے۔ ریگولیٹر سرکاری اداروں میں بتدریج کنٹری بیوشن پینشن نظام لاگو کررہا ہے۔

پینشن اصلاحات سے حکومت کے طویل المدتی پنشن واجبات میں کمی ہوگی اور کنٹری بیوشن پینشن سسٹم سے ملازمین کو ریٹائرمنٹ پر زیادہ فائدہ ہوگا۔ ایس ای سی پی کے مطابق پینشن فنڈز کا انتظام پیشہ ورانہ انداز میں نجی ایسیٹ مینجمنٹ کمپنیاں کررہِی ہیں۔

شکست کےخوف سے دوچار آسام کے وزیراعلیٰ ہمنت بسوا سرما نے اندرونی سیاست میں بھی پاکستان کو دھکیل دیا۔

انتخابات میں مذموم سیاسی مفاد کیلئے پاکستان پر جھوٹے الزامات، مسلمانوں کیخلاف تعصب اور فالس فلیگ بی جے پی کا پرانا ہتھکنڈا ہے۔ انتہاپسندی پر کاربند مودی نے عوامی جذبات بھڑکانے کیلئے بھارتی جماعت کانگریس کو پاکستان کے ایجنڈے پر کام کرنےوالی پارٹی قرار دے دیا۔

بھارتی جریدہ دی اکنامک ٹائمز کے مطابق آسام کے وزیراعلیٰ ہمنت بسواسرما نے جھوٹا الزام لگایا کہ ان کی اہلیہ پر پاسپورٹ تنازع میں بھی پاکستان کا کردار ہے۔ آسام کے وزیراعلیٰ نے پاکستان پر کانگریس کی مدد کا مضحکہ خیز الزام بھی لگادیا۔

ہمنت بسواسرما نے گمراہ کن الزام لگایا کہ پاکستان ہمارے آسام کے انتخابات میں اثرڈالے گا۔

ماہرین کے مطابق بھارت میں انتخابات سے قبل پاکستان پر الزامات ، فالس فلیگ آپریشن اور مسلمانوں کیخلاف زہریلی مہمات بی جے پی کا وطیرہ بن چکی ہیں۔ غیر مقبول بی جےپی بھارتی ریاستوں میں انتخابات سے قبل پاکستان مخالف جذبات ابھار کر سیاسی عزائم کے حصول کی ناکام کوششیں کر رہی ہے۔