ملک میں ڈیزل کی قیمتوں میں اضافے کے باوجود وزیرِ اعظم پاکستان کی طرف سے ریلوے مسافروں کے لیے بڑا ریلیف فراہم کیا گیا ہے۔

حکومت پاکستان نے ڈیزل قیمتوں میں اضافے کا اثر خود برداشت کرنے کا فیصلہ کر لیا۔

ریلوے حکام کے مطابق آپریشنل اخراجات پورے کرنے کے لیے ٹرین کرایوں میں 30 فیصد اضافہ ناگزیر تھا تاہم وزیر اعظم نے پاکستان ریلویز کو کسی بھی کلاس کے کرائے بڑھانے سے منع کر دیا۔

اکانومی، اے سی کلاسز سمیت کسی کرائے میں کوئی اضافہ نہیں کیا جائے گا جبکہ تاجر برادری کی سہولت کے لیے فریٹ ٹرینوں کے کرایوں میں بھی کوئی اضافہ نہیں کیا جائے گا۔

وزیرِ اعظم کی ہدایت پر 30 جون تک 6 ارب روپے کا اضافی بوجھ حکومت نے اپنے ذمہ لے لیا۔

وزیرِ ریلوے محمد حنیف عباسی کا کہنا تھا کہ وزیر اعظم نے مشکل وقت میں مسافروں کے دل جیت لیے ہیں، یہ عوام کے لیے تحفہ ہے اور ریلوے کا سفر ہر شخص کی پہنچ میں رہے گا۔



Source link

وزیراعظم شہباز شریف کی ہدایت پر اسلام آباد میں تمام سرکاری ٹرانسپورٹ شہریوں کے لیے مفت کر دی گئی۔

سماجی رابطے کی سائٹ ’’ایکس‘‘ پر وزیر داخلہ محسن نقوی نے بتایا کہ مفت ٹرانسپورٹ کی سہولت کا آغاز کل سے ہوگا، یہ سہولت اگلے 30 دن تک برقرار رہے گی۔

انہوں نے بتایا کہ وفاقی دارالحکومت کے شہری ایک ماہ تک بغیر کسی کرایہ کے سرکاری بسوں میں سفر کر سکیں گے، وزارتِ داخلہ عوامی ریلیف اقدام کے لیے 35 کروڑ روپے کے اخراجات برداشت کرے گی۔

وزیر داخلہ نے بتایا کہ وزیراعظم نے بڑھتی ہوئی مہنگائی کے تناظر میں شہریوں کو فوری ریلیف فراہم کرنے کا حکم دیا تھا، ضلعی انتظامیہ اور ٹرانسپورٹ حکام کو کل سے مفت سروس شروع کرنے کے لیے احکامات جاری کر دیے گئے۔

عوامی حلقوں کی جانب سے ٹرانسپورٹ مفت کرنے کے حکومتی فیصلے کا خیر مقدم کیا گیا۔



Source link

توانائی بحران کے بعد پیٹرول مہنگا ہونے کے باعث سندھ حکومت نے صوبے میں موٹر سائیکل سواروں کو ماہانہ 2ہزار روپے دینے کا فیصلہ کیا ہے۔

کراچی میں پریس کانفرنس کرتے ہوئے وزیر اعلیٰ سندھ سید مراد علی شاہ نے کہا کہ پیٹرول پمپ پر کم ریٹ میں نہیں ملیں گے اس لیے ہر موٹر سائیکل والے کو ماہانہ 2 ہزار روپے دیں گے، دو سے تین روز میں ایپلیکیشن کام کرے گی اور شناختی کارڈ پر موٹر سائیکل رجسٹر ہوگی۔

انہوں نے کہا کہ آج سے ہم موٹر سائیکل کی ٹرانسفر مفت کر رہے ہیں، جو بھی موٹر سائیکل والے ہیں اپنے نام ٹرانسفر کروائیں، ایک سو روپے ایک لیٹر پر ہم سبسڈی کی رقم دیں گے، آج سے 15 دن بعد ہم رقم ٹرانسفر کر دیں گے اور 2 ہزار روپے ہر موٹر سائیکل والے کو ٹرانسفر کریں گے۔

سید مراد علی شاہ نے کہا کہ ایکسائز ڈپارٹمنٹ کی ویب سائٹ پر جا کر اپنی موٹر سائیکل کو چیک کر سکتے ہیں، 15 دن کے بعد ہر رجسٹرڈ موٹر سائیکل والے کو 2 ہزار روپے دیں گے۔ انہوں نے کہا کہ چھوٹے کاشت کار کو سپورٹ کیا گیا ہے، ہم نے گندم کی قیمت بھی 3500 روپے فی من مقرر کر دی۔

انہوں نے کہا کہ ڈیزل کی قیمت بڑھ گئی جس سے کاشت کار کو نقصان ہوگا، 20 لاکھ ایکڑ چھوٹے کاشت کار کے پاس ہے اس لیے 1500 روپے فی ایکڑ پر ہم ان کاشت کاروں کو فراہم کریں گے اور پیر سے 1500 روپے فی ایکڑ ٹرانسفر کرنا شروع کریں گے جبکہ بڑے زمینداروں کو اپنے پیروں پر کھڑا ہونا پڑے گا۔

سید مراد علی شاہ نے کہا کہ یہ عمل صوبے خود کریں گے، تیسری تجویز پر بہت بحث ہوئی اور ایک ماہ کا تجربہ کرنے کا فیصلہ کیا گیا۔ وفاق اس بات پر عمل کرے گا اور پیسے صوبے دیں گے، یہ ٹارگٹڈ سبسڈی ہے۔

وزیراعلیٰ نے اعلان کیا کہ پبلک ٹرانسپورٹ اور گڈز ٹرانسپورٹ کو ایک لاکھ، 70 ہزار اور 80 ہزار مہینہ سبسڈی دی جائے گی۔



Source link