سابق گورنر سندھ کامران خان ٹیسوری نے کہا ہے کہ گورنر ہاؤس میں انفارمیشن ٹیکنالوجی پروگرام سرکاری خرچ پر نہیں بلکہ اپنے ذاتی مالی وسائل سے چلارہا تھا اور اب گورنر کے عہدے پر نہیں ہوں لیکن دو سال تک کلاس لینے والے  50 ہزار طلبہ کا مستقبل داؤ پر نہیں لگنے دوں گا اور عیدالفطر کے بعد شیڈول کا اعلان کروں گا۔

سعودی عرب سے ٹیلی فونک رابطے میں سابق گورنر سندھ کامران ٹیسوری نے کہا کہ مفت آئی ٹی کورس کے 50 ہزار طلبہ کا مستقبل داؤ پر نہیں لگنے دوں گا، اب فلاحی اداروں اور مخیر دوستوں کے ساتھ مل کر جلد یہ آئی ٹی پروگرام شروع کروں گا، کورس کی تکمیل تک ان پڑھنے والے طلبا و طالبات کو مفت آئی ٹی کورس کی تعلیم فراہم کی جائے گی اور عید الفطر کے بعد کلاسز کی جگہ اور شیڈول کا اعلان کروں گا۔

انہوں نے بتایا کہ میرا قصور یہ ہے کہ میں نے کراچی سمیت صوبہ بھر کے بچوں کے لیے آئی ٹی پروگرام شروع کیا، جس میں ہر مذہب اور قومیت کے بچے کو ٹیسٹ کے ذریعے میرٹ پر داخلہ دیا گیا اور 50 ہزار طلبا و طالبات مختلف آئی ٹی کورسز میں زیر تعلیم تھے۔

ان کا کہنا تھا کہ رمضان کی وجہ سے کلاسز معطل تھیں اور اس دوران مجھے گورنر کے منصب سے ہٹادیا گیا، میں اگلے روز عمرے پر سعودی عرب روانہ ہوگیا، اس دوران جس کمپنی نے ایجوکیشن سٹی کی مارکی لگائی تھی، جس کے بارے میں مجھے اطلاع ملی کہ انہوں نے سامان اٹھانا شروع کردیا ہے لیکن پھر یہ اطلاع ملی ہے کہ ایجوکیشن ٹینٹ سٹی والوں کو گورنر ہاؤس نے فی الحال روک دیا ہے۔

کامران ٹیسوری نے کہا کہ  اب گورنر ہاؤس میں آئی ٹی پروگرام جاری رکھنا نئے گورنر سندھ پر منحصر ہے، اگر وہ آئی ٹی پروگرام جاری رکھنا چاہتے ہیں تو یہ اچھا اقدام ہوگا۔

انہوں نے کہا کہ اس آئی ٹی پروگرام کا ماہانہ خرچہ سوا کروڑ تھا جو سرکاری نہیں بلکہ اپنے وسائل سے پورا کررہا تھا۔

سابق گورنر سندھ نے کہا کہ طلبہ کا کورس مکمل ہونے تک آئی ٹی پروگرام ہر صورت جاری رکھنے کے لیے اقدامات کر رہا ہوں اور اس پروگرام کو جاری رکھنے کے لیے جے ڈی سی، سیلانی اور بدر ایکسپو سے رابطہ کیا ہے اور ان زیر تعلیم طلبا وطالبات کے لیے کلاسز بحالی کےشیڈول کا اعلان جلد کیا جائے گا۔

انہوں نے کہا کہ وطن واپسی جلد ہوگی اور پھر فلاحی کام کے ساتھ سیاسی وعوامی رابطے کروں گا جبکہ امید رمضان دستر خوان ڈیفینس خیابان شجاعت میں اپنی رہائش گاہ پر شروع کردیا ہے۔

سابق گورنر سندھ نے کہا کہ یہ یقینی بنایا ہے کہ نئے گورنر پر آئی ٹی کورس جاری رکھنے کا مالی بوجھ نہ پڑے، ان کا مزید کہنا ہے کہ کراچی کے یہی طلبہ آئی ٹی امتحان پاس کریں گے تو ہزاروں ڈالر ماہانہ کمائیں گے۔



Source link

امریکا وزیر توانائی کرس رائٹ نے ایران کے ساتھ جنگ اگلے چند ہفتوں میں ختم ہونے کا امکان ظاہر کردیا ہے جبکہ ایرانی وزیرخارجہ عباس عراقچی نے جنگ بندی کی درخواست یا مذاکرات کے تاثر کو رد کردیا ہے۔

غیرملکی خبرایجنسی کی رپورٹ کے مطابق امریکی وزیر توانائی کرس رائٹ نے کہا کہ توقع ہے کہ ایران کے ساتھ جنگ اگلے چند ہفتوں میں ختم ہوجائے گی۔

انہوں نے کہا کہ تیل کی سپلائی دوبارہ معمول پر آئے گی اور توانائی کی قیمتیں بھی اس کے بعد گر جائیں گی۔

خبرایجنسی کے مطابق تین باخبر ذرائع نے بتایا کہ ٹرمپ انتظامیہ نے مشرق وسطیٰ کے اتحادیوں کی جانب سے سفارتی مذاکرات شروع کرنے کی کوششوں کو مسترد کر دیا اور ایران نے بھی واضح کر دیا ہے کہ امریکی اور اسرائیلی حملے بند ہونے تک کسی بھی جنگ بندی کے امکان کو قبول نہیں کرے گا، جس سے اس تنازع کے جلد خاتمے کی امیدیں مزید کمزور ہو گئی ہیں۔

دوسری جانب ایران کے وزیر خارجہ عباس عراقچی نے کہا کہ تہران نے جنگ بندی کی درخواست کبھی نہیں کی اور یہاں تک ہم نے مذاکرات کے لیے بھی نہیں کہا ہے۔

انہوں نے کہا کہ ہمیں امریکیوں کے ساتھ بات کرنے کی کوئی وجہ نظر نہیں آرہی ہے کیونکہ ہم اس وقت ان کے ساتھ بات کر رہے تھے جب انہوں نے ہم پر حملہ کیا۔

ان کا کہنا تھا کہ یہ امریکی صدر ڈونلڈ ٹرمپ اور امریکا کی خواہش کی جنگ ہے اور ہم اپنا دفاع جاری رکھیں گے۔

قبل ازیں امریکی صدر ڈونلڈ ٹرمپ نے کہا کہ ایران نے معاہدہ کرنا چاہتا ہے لیکن وہ خود اس کے خواہاں نہیں ہیں کیونکہ شرائط ناکافی ہیں۔



Source link

ایران کی مسلح افواج نے اسرائیلی اور امریکی اہداف کے خلاف معرکہ وعدہ صادق 4 کی 54ویں لہر کا آغاز جدید میزائلوں کے ساتھ کردیا ہے اور اس جنگ میں پہلی مرتبہ طویل فاصلے تک ہدف کو نشانہ بنانے والے سجیل میزائل کے حملے کردیے ہیں۔

ایرانی میڈیا کے مطابق پاسداران انقلاب نے اتوار کو اعلان کیا کہ یہ جوابی کارروائی “یا زہرا” کے آپریشن کوڈ کے تحت انجام دی گئی ہے، جس میں متعدد میزائل استعمال کیے گئے جن میں دوہری وارہیڈ والے سپر ہیوی خرم شہر میزائل، خیبر، قدر اور عماد بھی شامل ہیں۔

 ایرانی میزائل سجیل ٹھوس ایندھن سے چلنے والا میزائل ہے اور امریکا اور اسرائیل کی جانب سے 28 فروری کو ایران کے خلاف شروع کی گئی جارحانہ جنگ کے بعد اسے پہلی بار استعمال کیا گیا ہے اور دعویٰ کیا گیا کہ اس میزائل کے ذریعے اسرائیلی حکومت کے کمانڈ اینڈ کنٹرول مراکز اور اہم فوجی تنصیبات کو نشانہ بنایا گیا۔

پاسداران انقلاب کے ایرو اسپیس فورس کے کمانڈر بریگیڈیئر جنرل مجید موسوی نے اپنے سرکاری ایکس اکاؤنٹ پر بیان میں جوابی حملوں کی نئی لہر کے دوران سجیل میزائل داغے جانے کی بھی تصدیق کی۔

ادھر اسرائیلی میڈیا کے مطابق تل ابیب، ہرزلیہ اور مقبوضہ علاقوں کے کم از کم 141 دیگر مقامات پر سائرن بج اٹھے، جن کے ذریعے آبادکاروں کو آنے والے میزائلوں سے خبردار کیا گیا۔

یاد رہے کہ امریکا اور اسرائیل نے 28 فروری کو ایران کے خلاف فضائی جارحیت کا سلسلہ شروع کیا، جو گزشتہ برس کیے گئے بلااشتعال حملوں کے بعد کی تازہ کارروائی تھی۔

ایران نے ان حملوں کے جواب میں فوری ردعمل دیتے ہوئے مقبوضہ اسرائیلی علاقوں کے ساتھ ساتھ خطے کے مختلف ممالک میں موجود امریکی اڈوں پر میزائلوں اور ڈرونز حملے شروع کر دیے۔



Source link