سپر ہائی وے فقیرا گوٹھ میں کمسن بچے کے کھلے مین ہول میں گرنے کے واقعے کی سی سی ٹی وی فوٹیج سامنے آگئی۔

تفصیلات کے مطابق صنعتی ایریا تھانے کے علاقے سپر ہائی وے فقیرا گوٹھ میں 4 سالہ کمسن بچے کے کھلے مین ہول میں گر کر جاں بحق ہونے کے واقعے کی سی سی ٹی وی فوٹیج سامنے آگئی، 4 سالہ بچہ مین ہول میں کیسے گرا اور راہ گیروں نے کیسے بے حسی کا مظاہرہ کیا کیمرے نے عکس بندی کرلی۔

سی سی ٹی وی فوٹیج میں دیکھا جا سکتا ہے کہ 4 سالہ احسن گھر کی جانب جا رہا تھا، فوٹیج میں سڑک پر قطار میں چار مین ہولز کے ڈھکن کھلے ہوئے دیکھے جا سکتے ہیں۔ کمسن بچے نے ادھر ادھر دیکھتے ہوئے پہلا مین ہول کراس کیا، چاروں مین ہول کے اطراف بڑے پتھر رکھے ہوئے تھے۔

دوسرے مین ہول کے پاس پہنچتے ہی بچہ سیدھا کھلے مین ہول میں جا گرا، جس وقت بچہ گرا سڑک سے کئی لوگ گزر رہے تھے۔ فیملی کے ساتھ جاتا ایک موٹر سائیکل سوار گھوم کر واپس بھی آیا اور کھلے مین ہول میں کچھ سیکنڈ کے لیے دیکھتا بھی رہا لیکن موٹر سائیکل سوار نے کسی سے مدد لینے کی کوشش بھی نہیں کی، موٹر سائیکل سوار نے اترے بغیر اندر جھانکا اور واپس چلا گیا۔

واضح رہے کہ متوفی کمسن بچہ اتوار کی شام لاپتا ہوا تھا، متوفی کمسن بچے کے لواحقین نے اسے بہت تلاش کیا لیکن بچے کا کوئی سراغ نہیں ملا تھا اور پیر کو متوفی کمسن بچے کی لاش کھلے مین ہول سے مل گئی تھی۔

پولیس نے شبہ ظاہر کیا تھا کہ متوفی کمسن بچہ کھیلتے ہوئے کھلے مین ہول میں گر کر جاں بحق ہوا۔



Source link

شوبز کی دنیا میں تیزی سے اپنی پہچان بنانے والی اداکارہ حنا چوہدری نے پہلی بار اپنی ذاتی زندگی کے ایک اہم فیصلے سے پردہ اٹھا دیا۔

ایک حالیہ انٹرویو میں گفتگو کرتے ہوئے انہوں نے تسلیم کیا کہ ماضی میں انہوں نے خوبصورتی کےلیے اپنے ہونٹوں کی ساخت بہتر بنانے کےلیے لپ فلرز کا سہارا لیا تھا۔

اداکارہ نے بتایا کہ انڈسٹری میں خوبصورت نظر آنے کےلیے کاسمیٹک پروسیجرز کا رجحان عام ہوچکا ہے۔ ان کے مطابق کئی فنکار اپنی ظاہری شخصیت کو بہتر بنانے کے لیے ایسے طریقے اپناتے ہیں، جبکہ کچھ اس سے گریز بھی کرتے ہیں۔

حنا چوہدری نے وضاحت کی کہ انہوں نے تقریباً چار سال قبل لپ فلرز استعمال کیے کیونکہ ان کے ہونٹ قدرتی طور پر باریک تھے اور وہ انہیں نمایاں بنانا چاہتی تھیں۔ تاہم انہوں نے یہ بھی بتایا کہ ڈرامہ ’ترک وفا‘ کے دوران پروڈیوسر کی جانب سے انہیں دوبارہ فلرز نہ کروانے کا مشورہ دیا گیا، کیونکہ کردار کی نوعیت اس کی اجازت نہیں دیتی تھی۔

اداکارہ کے مطابق اس کے بعد انہوں نے اپنے چہرے پر کسی بھی قسم کا مزید کاسمیٹک پروسیجر نہیں کروایا۔ انہوں نے یہ بھی یاد دلایا کہ ان کے کیریئر کے آغاز میں ان کے والدین نے شرط رکھی تھی کہ وہ پہلے شادی کریں، جس کے بعد ہی انہیں شوبز میں آنے کی اجازت ملی، اور اداکارہ بننے کے شوق میں انہوں نے یہ شرط بھی پوری کی۔



Source link

مشرق وسطیٰ میں کشیدہ صورتحال کے سلسلے میں وزیر اعلیٰ پنجاب کو پیش کی گئی سفارشات میں اسمارٹ لاک ڈاؤن نہ لگانے پر اتفاق کیا گیا ہے۔

ذرائع حکومتِ پنجاب کے مطابق توانائی بچت کے لیے اسمارٹ لاک ڈاؤن پر اتفاق نہ ہو سکا، تاہم حکومت کی جانب سے متبادل اقدامات اپنانے کا فیصلہ کیا گیا ہے۔

کفایت شعاری کمیٹی کا اجلاس آئندہ ہفتے طلب کرنے پر غور بھی کر لیا گیا۔

کفایت شعاری مانیٹرنگ کمیٹی اجلاس میں مزید فیصلوں کی توسیع پر غور ہوگا جبکہ پہلے اجلاس کے فیصلوں کی رپورٹ بھی پیش ہوگی۔



Source link