Source link

شہر قائد کے علاقے ڈیفنس بخاری کمرشل میں اسکول طالب علموں کے جھگڑے کے بعد نوجوان پر تشدد اور مبینہ اغوا کی کوشش کی گئی ہے۔

تفصیلات کے مطابق ڈیفنس بخاری کمرشل میں واقعے کافی شاپ میں نوجوان پر تشدد اور مبینہ اغوا کا واقعہ پیش آیا۔

عینی شاہدین کے مطابق چند افراد کی جانب سے  کافی شاپ میں بیٹھے نوجوان کو تشدد کا نشانہ بنایا گیا اور میں  اُسے گاڑی ڈال کر ساتھ لے جانے کی کوشش کی گئی۔

 پولیس نے واقعے کے بعد متاثرہ نوجوان کے رابطہ کرنے پر میڈیکل لیٹر بنا کر دے دیا۔

 ایس ایچ او درخشاں راشد کے مطابق علی اور حسین نامی اسکو کے طالب علموں کے درمیان جھگڑا ہوا ہے جس نے شدت اختیار کرلی۔

متاثرہ نوجوان نے درخشاں تھانے میں بیان جمع کرادیا ہے جبکہ دونوں فریقین کے والدین نے بھی تھانے رابطہ کرلیا ہے۔

انہوں نے بتایا کہ واقعے کے بعد پولیس کی جانب سے مزید قانونی کارروائی کی جارہی ہے۔



Source link

بھارتی میڈیا نے اپنی حکومت کی خارجہ پالیسی پر تنقید کرتے ہوئے اعتراف کیا ہے کہ پاکستانی سفارت کاری کے آگے بھارتی خارجہ پالیسی چاروں شانے چت ہوگئی ہے۔

بھارتی جریدے دی وائر نے لکھا کہ پاکستان نے مودی سرکار کو ہر محاذ پر شکست دے دی ہے اور واشنگٹن نے دہلی کی جگہ اسلام آباد کی مشرق وسطیٰ میں اہمیت تسلیم کر لی ہے۔

جریدے نے اعتراف کیا کہ مودی سرکار کے بلند و بانگ دعوے بے نقاب ہوگئے ہیں، پاکستان کی عملی سفارت کاری نے بھارت کو پچھاڑ دیا ہے اور پاکستان امریکا اور ایران کے درمیان اہم ترین ثالث بن کر ابھرا ہے-

مزید بتایا گیا کہ بھارت کی پاکستان کو تنہا کرنے کی حکمت عملی بری طرح ناکام ہوگئی ہے، امریکا نے نئی دہلی کو نظر انداز کر کے پاکستانی قیادت پر اعتماد کیا ہے، دنیا مودی کو اسرائیل اور امریکا کا حد سے زیادہ تابع سمجھتی ہے جبکہ پاکستان کو واشنگٹن اور تہران دونوں کا اعتماد حاصل ہے۔

دی وائر نے رپورٹ کیا کہ امریکا کی تابع داری نے بھارت کی اسٹریٹجک خودمختاری اور علاقائی اثر ختم کر دیا جبکہ پاکستان نے دونوں فریقین کا اعتماد اور سفارت کاری کا توازن برقرار رکھا۔

بھارتی جریدے نے تبصرہ کیا کہ امریکا بھارت کو محض ایک کمزور کھلاڑی سمجھتا ہے اور اہم ثالثی کے لیے پاکستان پر انحصار کرتا ہے، امریکی پالیسی سازوں کے نزدیک بھارت کو صرف اسلحے کا خریدار سمجھا جاتا ہے، بھارت صرف اپنی توانائی ضروریات تک محدود رہا جبکہ پاکستان علاقائی استحکام کا ایجنڈا طے کر رہا ہے۔

دی وائر نے بتایا کہ پاکستان، مصر اور ترکی کے  سفارتی بلاک نے بھارت کو مغربی ایشیائی قیادت سے باہر کر دیا، چاہ بہار پر بھارت کی اربوں کی سرمایہ کاری خطرے میں ہے اور پاکستان کی کامیاب سفارت کاری نے میدان مار لیا ہے۔

بھارتیہ جنتا پارٹی (بی جے پی) حکومت کی پالیسی پر تنقید کرتے ہوئے کہا گیا ہے کہ مودی نے جس ملک کو غیر اہم کہا، وہی آج عالمی امن کا ضامن نکلا اور مودی کی ناکام حکمت عملی  بھارت کو تنہا کر گئی ہے۔



Source link