Today News
نیٹو آبنائے ہرمز میں جارحیت کیلئے نہیں بنا، فرانس کا امریکا کو سخت جواب
فرانس نے امریکی صدر ڈونلڈ ٹرمپ کی نیٹو سے دستبرداری کی دھمکی پر سخت جواب دیتے ہوئے واضح کیا ہے کہ نیٹو ایک فوجی اتحاد ہے اور اس کا قیام یورو-اٹلانٹک علاقے کی سیکیورٹی یقینی بنانے کے لیے ہے نہ کہ آبنائے ہرمز میں جارحانہ حملے شروع کرنے کے لیے ہے۔
خبرایجنسی رائٹرز کے مطابق پیرس میں وار اینڈ پیرس کانفرنس میں فرانس کی جونیئر آرمی وزیر الیس روفو نے بتایا کہ میں یاد دلانا چاہتی ہوں کہ نیٹو کیا ہے، یہ ایک فوجی اتحاد ہے، جس کا مقصد یورو اٹلانٹک خطے میں سیکیورٹی ہے، یہ اس لیے نہیں تشکیل دیا گیا کہ آبنائے ہرمز پر حملے کیے جائیں جو ممکنہ طور پر بین الاقوامی قانون کی خلاف ورزی ہوگی۔
انہوں نے کہا کہ میں سمجھتی ہو امریکی آبنائے ہرمز کی فوری بحالی کے لیے اتحاد میں شرکت سے فرانس کے انکار سے ناراض ہیں لیکن پیرس آبنائے ہرمز کو کھولنے کے لیے جارحانہ انداز اپنانے کے بجائے آزادانہ اور مؤثر انداز میں بحالی کے منصوبے کے حق میں ہے۔
ایمانوئیل میکرون کی قریبی تصور کی جانے والی سفارتی امور میں تجربہ رکھنے والی وزیر نے بتایا کہ میں اس چڑچڑے پن کو سمجھ سکتی ہوں لیکن میں امریکا کی طرف سے بات نہیں کر رہی ہوں بلکہ میں ایک ملک کے لیے بات کر رہی ہوں جو اٹلانٹک الائنس (نیٹو) کا ایک بانی رکن ہے اور یورپی یونین کا بھی بانی رکن ہے۔
الیس روفو نے کہا کہ فرانس گزشتہ 20 برس سے کہہ رہا ہے کہ یورپ کے لوگوں کو یورپ میں مشترکہ دفاع کے لیے زیادہ حصے کی ذمہ داری لینی چاہیے۔
فرانسیسی صدر ایمانوئیل میکرون نے تجویز دی ہے کہ ایران نے آبنائے ہرمز بند کر رکھی ہے، جس کے لیے اقدامات اقوام متحدہ کے فریم ورک میں ہونا چاہیے کیونکہ یہ راستہ عالمی تیل کی سپلائی کے لیے بنیادی حیثیت رکھتی ہے۔
قبل ازیں ڈونلڈ ٹرمپ نے کہا تھا کہ وہ نیٹو سے امریکا کی دستبرداری پر غور کر رہے ہیں کیونکہ ہمارے اتحادی ایران کے خلاف جنگ میں امریکا کی مدد کرنے میں ناکام رہے ہیں۔
فرانس نے اسی طرح اسرائیل کو اپنی فضائی حدود استعمال کرنے کی اجازت نہیں دی تھی، جس کے تحت اسرائیل چاہتا تھا کہ امریکی اسلحے کو ایران کے خلاف استعمال کرنے کے لیے منتقل کیا جائے۔
Source link
ایران کی وزارت خارجہ کے ترجمان اسماعیل بقائی نے امریکی صدر ڈونلڈ ٹرمپ کی جانب سے کیے گئے اس دعوے کو مسترد کردیا ہے، جس میں انہوں نے کہا تھا کہ ایران کے صدر نے امریکا کو مذاکرات کی درخواست کی ہے۔
ایرانی میڈیا کی رپورٹ کے مطابق وزارت خارجہ کے ترجمان اسماعیل بقائی نے بیان میں کہا کہ ایران کی جانب سے جنگ بندی کی درخواست کا ڈونلڈ ٹرمپ کا دعویٰ جھوٹ اور بے بنیاد ہے۔
ایرانی صدر کے دفتر کے کمیونیکیشنز اور انفارمیشن کے نائب سربراہ سید مہدی طباطبائی نے کہا کہ جنگ کے خاتمے کے حوالے سے ایران کا مؤقف تبدیل نہیں ہوا ہے۔
انہوں نے کہا کہ دشمن فورسز کے خلاف ملک کی سلامتی کے دفاع اور مسلط کی گئی جنگ کے خاتمے کے لیے اسلامی جمہوریہ ایران کی پوزیشن کسی صورت تبدیل نہیں ہوئی ہے اور اس حوالے سے مبہم اور مجرمان کے جھوٹ پر توجہ نہیں دی جائے۔
سید مہدی طباطبائی نے کہا کہ ایرانی قوم اپنی مادر وطن کی حفاظت کے لیے پرعزم، ثابت قدم اور متحد ہے۔
قبل ازیں امریکی صدر ڈونلڈ ٹرمپ نے ٹرتھ سوشل میں بیان میں دعویٰ کیا تھا کہ ایرانی نئی حکومت کے صدر نے امریکا کو جنگ بندی کی درخواست کی ہے لیکن ہم اس وقت تک کارروائیاں جاری رکھیں گے جب تک آبنائے ہرمز مکمل طور پر محفوظ طریقے سے بحال نہیں کی جاتی۔
Source link
شہر قائد کے علاقے کھارادر میں نامعلوم مسلح افراد شہری سے 70 لاکھ روپے چھین پر فرار ہوگئے۔
تفصیلات کے مطابق کھارا در میں عتیق کلاتھ مارکیٹ کے قریب تاجر سے نامعلوم افراد 70 لاکھ روپے چھین پر فرار ہوئے جس پر آئی جی سندھ نے نوٹس لیتے ہوئے ڈی آئی جی ساؤتھ سے رپورٹ طلب کرلی۔
ترجمان کے مطابق آئی جی سندھ نے ڈی آئی جی سے واردات کی ابتدائی تحقیقات پر مشتمل رپورٹ مانگی جبکہ واردات کی ہر پہلو سے تحقیقات کرتے ہوئے جدید ٹیکنالوجی کی مدد سے ملزمان کو جلد از جلد گرفتار کرنے کا حکم جاری کیا ہے۔
اس حوالے سے ایس ایس پی ڈسٹرکٹ سٹی علی حسن نے بتایا کہ پولیس تمام وسائل بروئے کار لاتے ہوئے واردات میں ملوث ملزمان کی گرفتاری کے لیے کوششیں کر رہی ہے اور جلد انھیں گرفتار کرلیا جائیگا۔
پاکستان سپر لیگ11 میں نوجوان کھلاڑی معاذ صداقت نے اپنی شاندار کارکردگی سے سب کو حیران کر دیا۔
پی ایس ایل 11 میں معاذ صداقت نے نیا ریکارڈ قائم کرتے ہوئے صرف 19 گیندوں پر ففٹی بناکر پی ایس ایل میں سب سے تیز ففٹی بنانے والوں کی فہرست میں جگہ بنالی۔
یہ ففٹی مشترکہ طور پر تیسرے سب سے تیز ففٹی کے ریکارڈ کے برابر ہے۔ اس سے قبل کیمراں اکمل، آصف علی، حضرت اللہ زازی اور رلی روسو نے 17 گیندوں پر ففٹی بنائی تھی، جبکہ پال اسٹرلنگ، ٹم ڈیوڈ اور محمد حارث نے 18 گیندوں میں یہ کارنامہ انجام دیا تھا۔
Maaz Sadaqat hits the joint-third fastest fifty in HBL PSL.#HBLPSL11 | #NewEra | #MSvHK pic.twitter.com/eNsGYzAM1b
— PakistanSuperLeague (@thePSLt20) April 1, 2026
معاذ صداقت کی یہ شاندار اننگز ان کی ٹیم کو اہم اسکور دینے میں مددگار ثابت ہوئی اور شائقین کرکٹ میں جوش و خروش پیدا کردیا۔
یہ ریکارڈ معاذ کے نوجوان کھلاڑی ہونے کے باوجود ان کی بھرپور صلاحیتوں کو ظاہر کرتا ہے اور انہیں پی ایس ایل میں روشن مستقبل کے لیے ایک اہم کھلاڑی کے طور پر متعارف کراتا ہے۔
ایران نے مذاکرات کیلئے درخواست کے ٹرمپ کے دعوے کو مسترد کردیا
آئی جی سندھ کا واردات کا نوٹس، رپورٹ طلب کر کے ملزمان کی گرفتاری یقینی بنانے کی ہدایت
پی ایس ایل میں معاذ صداقت نے نیا ریکارڈ قائم کر دیا
STREAMING: BUILT FOR ACTION – Newspaper
Buttler ready to continue England career despite ‘poor’ T20 World Cup – Sport
Story time: Turning grief into purpose – Newspaper
-
Magazines2 weeks agoSTREAMING: BUILT FOR ACTION – Newspaper
-
Sports2 weeks ago
Buttler ready to continue England career despite ‘poor’ T20 World Cup – Sport
-
Magazines2 weeks ago
Story time: Turning grief into purpose – Newspaper
-
Entertainment2 weeks ago
Rabeeca Khan’s Father’s Tips For Daughters Marriages
-
Magazines2 weeks ago
Story time: The woman in the red dress – Newspaper
-
Sports2 weeks ago
Pakistan, India in same Hockey World Cup pool – Sport
-
Today News2 weeks ago
رمضان، عید اور پٹرول بم
-
Magazines2 weeks ago
Story time: The cost of peer pressure – Newspaper