الیکشن ٹربیونل نے  قومی اسمبلی  کی حلقہ این اے 28 پشاور ون کے انتخابی نتائج کے خلاف دائر عذردای خارج کرتے ہوئے  جے یو آئی کے امیدوار نورعالم خان کی کامیابی کو درست قرار دے دیا۔

ایکسپریس نیوز کے مطابق الیکشن ٹربیونل کے جج جسٹس ریٹائرڈ لعل جان خٹک نے پی ٹی آئی کے حمایت یافتہ آزاد امیدوار ساجد نواز کی انتخابی عذردای پر سماعت کی۔

پی ٹی آئی کے حمایت یافتہ آزاد امیدوار نے موقف اختیار کیا تھا کہ 8 فروری کے الیکشن میں انہوں نے کامیابی حاصل کی تھی اور اس کے پاس فارم 45 کے نتائج موجود ہیں۔

انہوں نے عام انتخابات میں ایک لاکھ سے زائد ووٹ حاصل کئے تھے تاہم فارم 47 میں ان کے ووٹوں کو کم کیا گیا اور الیکشن کمیشن آف پاکستان نے اس کے مخالف امیدوار جے یو ائی کے نورعالم کی کامیابی کا اعلامیہ جاری کیا ہے جو کہ درست نہیں ہے۔

دوسری جانب نور عالم کے وکیل بیرسٹر یاسین رضا نے عدالت کوبتایا کہ درخواست گزار نے الیکشن پٹیشن مقررہ وقت کے بعد دائر کی ہے اور انہوں نے اپنی رٹ پٹیشن کے ساتھ دیر سے اپیل دائر کرنے میں رعایت دینے کی درخواست بھی جمع  کی ہے جبکہ آئین اور قانون میں مقررہ وقت کے بعد درخواست دائر کرنے کی کوئی حیثیت موجود نہیں۔

انہوں نے عدالت کو بتایا کہ درخواست گزار نے مخالف امیدوار کی کامیابی کو مقررہ وقت کے 4 دن بعد چیلنج کیا ہے جبکہ الیکشن ایکٹ میں واضح ہے کہ کسی امیدوار کی کامیابی کو الیکشن کمیشن آف پاکستان کی جانب سے امیدوار کی کامیابی کا اعلامیہ جاری کرنے کے دن سے 45 روز تک چیلنج کیا جا سکتا ہے۔

وکیل صفائی نے کہا کہ اگر مقررہ وقت گزر جائے تو اس کے بعد اس کی الیکشن پٹیشن کی کوئی حیثیت نہیں اور درخواست گزار نے اپنی پیٹیشن کے دیر سے درخواست دائر پر رعایت دینے کی استدعا خود بھی  کی ہے جس میں وہ خود تسلیم کررہے ہیں کہ انہوں نے مقررہ وقت میں الیکشن ٹریبونل سے رجوع نہیں کیا اس لئے اس پٹیشن کی کوئی حیثیت نہیں۔

وکیل نے کہا کہ جب درخواست گزار خود اپنی غلطی تسلیم کررہا ہے تو اس پٹیشن کو خارج کیا جائے مقررہ وقت کے بعد کسی بھی درخواست کو عدالت قابل سماعت قرار نہیں دے سکتی۔

الیکشن ٹریبونل نے دلائل مکمل ہونے کے بعد این اے 28 پشاور ون سے ساجد نواز کی الیکشن پٹیشن خارج کردی اور نورعالم کی کامیابی کو درست قرار دیا۔
 



Source link

مشرق وسطیٰ میں جاری جنگ کے نتیجے میں پیٹرولیم مصنوعات کی قیمتوں میں اضافے کے بعد عالمی ادارے نے پیش گوئی کی ہے کہ پاکستان میں خوراک اور ایندھن کی قیمتیں بڑھنے سے مہنگائی میں مزید اضافہ ہوگا۔

امریکی اشاعتی و نشریاتی ادارے بلوم برگ نے پاکستان کی معاشی صورتحال پر رپورٹ جاری کر دی ہے، جس میں پیش گوئی کی ہے کہ پاکستان کی مضبوط ہوتی معیشت پر مشرق وسطی جنگ کے منفی اثرات منڈلانے لگے ہیں۔

بلوم برگ نے اپنی رپورٹ میں کہا ہے کہ خوراک اور ایندھن کی قیمتیں بڑھنے سے مہنگائی میں مزید اضافہ ہوگا، پاکستان کی معیشت بیرونی امداد پر انحصار کر رہی ہے۔

رپورٹ میں کہا گیا ہے کہ پاکستان کی معیشت میں گزشتہ سال کی نسبت بہتری آئی ہے، گزشتہ سہ ماہی میں جی ڈی پی کی شرح نمو 3.9 فیصد رہی اور گزشتہ مالی سال اسی مدت میں معاشی شرح نمو 1.73 فیصد تھی۔

بلومبرگ کے مطابق معیشت میں بہتری کے باوجود خطرات برقرار ہیں، مرکزی بینک نے مہنگائی کے پیش نظر شرح سود برقرار رکھی ہے اور مارچ میں مہنگائی بڑھ کر 7.3 فیصد ہو گئی۔

رپورٹ میں بتایا گیا ہے کہ توانائی قیمتوں میں اتار چڑھاؤ سے معاشی صورت حال غیر یقینی کا شکار ہے، برآمدات 11 ماہ کی کم ترین سطح پر آگئی ہیں اور حکومت نے ایندھن بچانے کے لیے اقدامات شروع کر دیے ہیں۔

عالمی ادارے کی رپورٹ کے مطابق حکومت نے تین ہفتے میں 139 ارب روپے خرچ کیے، ایندھن کی کھپت میں 10 فیصد اضافہ ریکارڈ کیا گیا، زرعی اور صنعتی شعبے کی ترقی سست جبکہ سروسز سیکٹر میں بہتری آئی ہے۔



Source link

بھارتی اداکار راجپال یادیو ایک بار پھر قانونی تنازع کے باعث خبروں میں آگئے ہیں، جہاں دہلی ہائی کورٹ میں زیرِ سماعت ایک مالی کیس کے دوران عدالت نے ان کے مؤقف پر تحفظات کا اظہار کیا ہے۔

یہ معاملہ ایک نجی کمپنی کی جانب سے دائر کردہ چیک باؤنس کیس سے متعلق ہے، جس میں 2024 میں اداکار کو واجبات کی عدم ادائیگی پر سزا بھی سنائی جا چکی تھی۔ عدالت نے اس کیس میں اپنا فیصلہ محفوظ کر لیا ہے، تاہم سماعت کے دوران جج کے ریمارکس نے خاصی توجہ حاصل کی۔

سماعت کے دوران جسٹس سورنا کانتا شرما نے اداکار کے بدلتے بیانات پر تشویش ظاہر کرتے ہوئے کہا کہ نرمی کو کمزوری نہ سمجھا جائے۔ عدالت نے اس بات کی بھی نشاندہی کی کہ ایک جانب اداکار ادائیگی پر آمادگی ظاہر کر رہے ہیں، جبکہ دوسری جانب ان کے وکیل مؤقف اختیار کر رہے ہیں کہ سزا پوری کرنے کے بعد مزید ادائیگی لازم نہیں۔

اس تضاد پر عدالت نے واضح کیا کہ اگر ادائیگی کے لیے رضامندی موجود ہے تو پھر تاخیر کی کوئی گنجائش نہیں۔ اداکار کی جانب سے مزید مہلت کی درخواست بھی مسترد کر دی گئی، اور عدالت نے دوٹوک انداز میں کہا کہ مزید وقت نہیں دیا جائے گا۔

یہ کیس مئی 2024 کے اُس فیصلے کے بعد شروع ہوا تھا جس میں سیشن عدالت نے راجپال یادیو کو چیک باؤنس کے جرم میں چھ ماہ قید کی سزا سنائی تھی۔ بعد ازاں ہائی کورٹ نے ادائیگی کی یقین دہانی پر سزا معطل کر دی تھی، تاہم عدالت کے مطابق بعد میں کیے گئے وعدے پورے نہیں کیے گئے۔

فروری 2026 میں عدم تعمیل پر عدالت نے اداکار کو خود پیش ہونے کا حکم دیا تھا، جس کے بعد انہوں نے گرفتاری دی اور جزوی رقم جمع کروانے پر عارضی ریلیف حاصل کیا۔

حالیہ سماعت میں مدعی کے وکیل نے مؤقف اختیار کیا کہ سزا کاٹنے سے مالی ذمے داری ختم نہیں ہوتی۔ عدالت میں ون ٹائم سیٹلمنٹ پر بھی بات ہوئی، جبکہ اداکار نے یقین دہانی کروائی کہ وہ عدالت کے احکامات پر عمل کریں گے۔

فی الحال عدالت نے کیس کا فیصلہ محفوظ کر لیا ہے۔



Source link