میٹرک امتحانات میں پرچوں کا آؤٹ ہونا معمول بن گیا، آج اردو کا پرچہ امتحان سے قبل آوٹ ہوگیا۔

ایم سی کیوز امتحان شروع ہونے سے پہلے منظرِ عام پر آگئے۔

گزشتہ روز اسلامیات کا پرچہ بھی آؤٹ ہوا تھا، تعلیمی بورڈ امتحانی نظم و ضبط برقرار رکھنے میں ناکام ہوگیا۔

چیئرمین پشاور بورڈ کے مطابق پرچہ کس وقت اور کہاں سے آؤٹ ہوا تحقیقات جاری ہیں، دیکھنا ہوگا کہ پرچہ شروع ہونے سے پہلے آؤٹ ہوا یا نہیں۔



Source link

اسلام آباد ہائی کورٹ نے نجی میڈیکل کالج کو 18 لاکھ روپے سے زائد سالانہ فیس وصولی سے روک دیا۔

جسٹس ارباب محمد طاہر نے نجی کالج کی طالبہ یمنیٰ یاسر کی درخواست پر سماعت کی۔ درخواست گزار کی جانب سے شفقت عباس تارڑ ایڈووکیٹ عدالت میں پیش ہوئے۔

وکیل درخواست گزار نے کہا کہ درخواست گزار ایم بی بی ایس سال دوئم کی طالبہ ہے، پی ایم ڈی سی نے سالانہ فیس کی حد 18 لاکھ روپے مقرر کر رکھی ہے، میڈیکل کالج کی جانب سے 18 لاکھ روپے کے بجائے 24 لاکھ 50 ہزار روپے طلب کیے جا رہے ہیں۔

وکیل درخواست گزار کے مطابق وفاقی دارالحکومت کے نجی میڈیکل کالج کی جانب سے فیسوں میں اضافہ پی ایم ڈی سی ایکٹ 2022 کی خلاف ورزی ہے، کالج انتظامیہ کو درخواست دی لیکن کوئی کارروائی نہیں کی گئی، فیس ادا نہ کرنے پر فائنل امتحانات میں بیٹھنے سے روکنے اور ایڈمٹ کارڈ جاری نہ کرنے کی دھمکیاں دی جا رہی ہیں۔

درخواست میں استدعا کی گئی کہ 18 لاکھ روپے سے زائد فیس کی طلب کو غیر قانونی قرار دیا جائے، عدالت فریقین کو 18 لاکھ روپے سے زائد فیس وصول کرنے اور طالبہ کو امتحانات سے روکنے سے باز رکھے

عدالت نے کالج انتظامیہ کو آئندہ سماعت تک زائد فیس کی وصول سے روکتے ہوئے وفاق، پی ایم ڈی سی اور کالج انتظامیہ کو نوٹس جاری کر دیے۔

عدالت نے فریقین سے جواب طلب کرتے ہوئے سماعت ملتوی کر دی۔



Source link

Source link