Today News
کراچی؛ ذاتی چپقلس پر پولیس اہلکار کی فائرنگ سے شہری جاں بحق
نارتھ ناظم آباد کے علاقے پہاڑ گنج چورنگی کے قریب پولیس اہلکار نے ذاتی چپقلش کی بنیاد پر ایک شہری کو فائرنگ کرکے قتل کردیا۔
پولیس کے مطابق نارتھ ناظم آباد پہاڑ گنج چورنگی صدیق اکبر مسجد کے قریب فائرنگ سے ایک شخص شدید زخمی ہوگیا، جنہیں تشویش ناک حالت میں چھیپا ایمبولینس کے ذریعے عباسی شہید اسپتال منتقل کیا گیا جہاں وہ دوران علاج زخموں کی تاب نہ لاتے ہوئے دم توڑ گیا۔
ایس ایچ او شارع نور جہاں سرفراز کمانڈو نے بتایا کہ مقتول کی شناخت 35 سالہ فضل رحمان ولد عبدالقیوم کے نام سے ہوئی جبکہ پولیس نے قتل میں ملوث ملزم رضوان عمران کو اسلحہ سمیت گرفتار کرلیا ہے۔
انہوں نے کہا کہ مقتول اور ملزم نارتھ ناظم آباد بلاک کیو پہاڑ گنج کے رہائشی تھے اور ان میں گزشتہ ایک سال سے چپقلش چل رہی تھی اور ہفتے کی صبح بھی دونوں میں کسی بات پر تلخ کلامی ہوئی تھی جس پر ملزم رضوان نے فضل رحمان کو فائرنگ کا نشانہ بنایا جس کے نتیجے میں وہ جاں بحق ہوگئے۔
ترجمان ڈسٹرکٹ سینٹرل پولیس نے بتایا کہ گرفتار ملزم پولیس اہلکار اور شارع نور جہاں تھانے میں تعینات ہے اور اس کا کہنا ہے کہ اس نے ذاتی عناد اور دشمنی کی بنیاد پر قتل کیا ہے تاہم پولیس نے قاتل اہلکار کے خلاف مقدمہ درج کر کے مزید تفتیش کے لیے انویسٹی گیشن پولیس کے حوالے کر دیا۔
Source link
پاکستانی مڈل آرڈر بیٹسمین سلمان علی آغا کو بنگلا دیش کے خلاف دوسرے ایک روزہ میچ میں آسی سی ضابطہ اخلاق کی خلاف ورزی کرنے پر باقاعدہ تنبیہ کر دی۔
ڈھاکا میں کھیلے گئے ایک روزہ سیریز کے دوسرے میچ میں سلمان علی آغا کو ضابطہ اخلاق کے آرٹیکل 2.2 کی خلاف ورزی کا مرتکب پایا گیا۔
سلمان آغا کو تنبیہ کے ساتھ ایک ڈی میرٹ پوائنٹ بھی دیا گیا، یہ 24 ماہ کے دورانیے میں ان کی پہلی خلاف ورزی تھی۔
خلاف ورزی کا یہ واقعہ پاکستان کی اننگز کے 39 ویں اوور میں پیش آیا جب وہ رن آؤٹ ہوئے اور انہوں نے اپنے گلووز اور ہیلمیٹ نامناسب انداز میں گراؤنڈ پر پھینکے۔
سلمان آغا کو لیول 1 خلاف ورزی کا مرتکب پایا گیا جس کی کم از کم سزا آفیشل تنبیہ اور زیادہ سے زیادہ سزا میچ فیس کا 50 فی صد جرمانہ اور ایک یا دو ڈی میرٹ پوائٹس ہیں۔
Source link
وزارت اطلاعات و نشریات ایک بار پھر افغان طالبان رجیم کے جھوٹ کا پردہ فاش کردیا۔
وزارت اطلاعات و نشریات نے ایک بار پھر افغان طالبان رجیم کے وزارت دفاع کے بے بنیاد جھوٹ اور پروپیگنڈے کو بے نقاب کیا اور بتایا کہ افغان طالبان رجیم کی جانب سے پاکستانی پوسٹوں پر قبضوں ے دعوؤں اور نقصانات کے پیش کردہ اعشاریوں میں بالکل بھی صداقت نہیں ہے۔
اعلامیے میں کہا گیا کہ افغان عوام کو بے وقوف بنانے کیلئے ایسی جھوٹی کہانیاں پھیلائی جارہی ہیں جبکہ وہاں کے عوام پہلے ہی دہشتگردوں کی پشت پناہی کرنے وال افغان طالبان رجیم کی وجہ سے تکالیف برداشت کررہے ہیں۔
اعلامیے میں کہا گیا کہ وزارت اطلاعات و نشریات افغان طالبان اور ان کی پراکسی فتنہ الخوارج کے نقصانات پر بروقت و باقائدگی سے پیش کر رہی ہے جبکہ ضرورت کے مطابق ساتھ ویڈیوز اور تصاویر بھی جاری کی جارہی ہیں۔
وزارت اطلاعات نے کہا کہ پاکستان کی طرف سے افغان طالبان رجیم کی طرح جھوٹے پروپیگینڈے کا سہارا نہیں لیا جا رہا، افغانستان کے اندر دہشت گردوں کے ٹھکانوں کو نشانہ بنانے کی مصدقہ اطلاعات کو میڈیا کو براقت فراہم کیا جارہا ہے۔
🔎 Fact Check | Ministry of Information & Broadcasting
◼️ This latest claim of the so called Ministry of Defence of Afghan Taliban Regime regarding capturing some post and made up damages etc is false as always, fabricated and designed to mislead Afghan internal public opinion,… pic.twitter.com/bjmsdskN7q
— Fact Checker MoIB (@FactCheckerMoIB) March 14, 2026
اعلامیے میں کہا گیا ہے کہ افغانستان طالبان رجیم کے بار بار کئے جانے والے جھوٹے دعوے ایک دیوانے کا خواب ہیں، جو صرف افغان طالبان رجیم اور بھارتی سوشل میڈیا اکاؤنٹس پر موجود ہیں جبکہ حقیقت سے انکا کوئی تعلق نہیں ہے۔
سندھ کے سینئر وزیر اور صوبائی وزیر اطلاعات، ٹرانسپورٹ اور ماس ٹرانزٹ شرجیل انعام میمن نے عیدالفطر کے موقع پر زائد کرایے وصول کرنے والے ٹرانسپورٹرز کے خلاف بھرپور مہم شروع کرنے کی ہدایات جاری کر دی ہیں۔
سینئر وزیر شرجیل میمن نے پولیس، تمام اضلاع کی انتظامیہ، این ایچ اے، ٹریفک پولیس اور ٹرانسپورٹ سمیت تمام متعلقہ اداروں کو ہدایت کی ہے کہ وہ زائد کرایہ وصول کرنے والوں کے خلاف فوری کارروائی یقینی بنائیں۔
ان کا کہنا تھا کہ بعض ٹرانسپورٹرز کی جانب سے خودساختہ طور پر کرایوں میں اضافہ مسافروں پر اضافی مالی بوجھ ڈال دیتا ہے، جو کسی صورت قابل قبول نہیں ہے۔
انہوں نے کہا کہ عوام کو زیادہ سے زیادہ سہولت فراہم کرنا اور بغیر اجازت کرایوں میں اضافے کو روکنا متعلقہ اداروں کی بنیادی ذمہ داری ہے۔
سینئر وزیر نے تمام افسران کو ہدایت کی کہ وہ اپنے اپنے دائرہ اختیار میں زائد کرایہ وصول کرنے والے ٹرانسپورٹرز کے خلاف بلاامتیاز کارروائی کریں اور روزانہ کی بنیاد پر کارروائیوں کی رپورٹ محکمے کو ارسال کریں۔
انہوں نے مزید کہا کہ مسافروں کو سرکاری مقررہ کرایوں پر محفوظ اور سہل سفر کی سہولت فراہم کرنا حکومت کی اولین ترجیح ہے، اس لیے تمام متعلقہ ادارے فیلڈ میں متحرک رہیں اور عوامی شکایات کا فوری ازالہ یقینی بنائیں۔
Source link
سلمان علی آغا کو تنبیہ، بڑی مشکل میں پھنس گئے
Pakistan exposed another afghan taliban regime propaganda
شرجیل میمن کی عید پر زائد کرایے وصول کرنے والے ٹرانسپورٹرز کے خلاف بھرپور مہم کی ہدایت
Story time: Chasing the forgotten stars
PRIME TIME: THE RAMAZAN EXCEPTION – Newspaper
With presidential ordinance set to lapse, Senate passes bill for regulating virtual assets
-
Magazines2 weeks agoStory time: Chasing the forgotten stars
-
Magazines2 weeks ago
PRIME TIME: THE RAMAZAN EXCEPTION – Newspaper
-
Business2 weeks ago
With presidential ordinance set to lapse, Senate passes bill for regulating virtual assets
-
Magazines1 week ago
Story Time: Culinary Disasters – Newspaper
-
Business2 weeks ago
Privatisation Commission board recommends Fauji Fertiliser’s inclusion in consortium that won PIA auction – Pakistan
-
Entertainment2 weeks ago
Ali Ansari On Falling in Love With More Than One Person
-
Magazines2 weeks ago
Story time: The diary of an octopus
-
Sports2 weeks ago
Samson’s 97 puts India into T20 World Cup semi-final against England – Sport