راولپنڈی:

بانی پی ٹی آئی عمران خان کی بہن علیمہ خان نے کہا ہے کہ ہماری ترجیح ملاقات سے زیادہ عمران خان کا علاج ہے، ہم ملاقات کرکے عمران خان کو دیکھنا چاہتے ہیں لیکن ان کا علاج ترجیح ہے۔

اڈیالہ روڈ پر میڈیا سے گفتگو میں انہوں نے کہا کہ ہم امید کررہے ہیں وکلاء شاید اب آئینی ترامیم کے خلاف نکل آئیں، عمران خان بھی دو سال سے انتظار کررہے ہیں 26 ویں اور 27 ویں ترمیم کے خلاف وکلا نکلیں گے، عمران خان کو بند کرکے انہوں نے قید تنہائی میں رکھا ہے، ان کا خیال ہے ہم عمران خان کو بھول جائیں گے مگر پورا ملک ان کا انتظار کررہا ہے۔

ان کا کہنا تھا کہ ہماری ترجیح ملاقات سے زیادہ عمران خان کا علاج ہے، ہم ملاقات کرکے عمران خان کو دیکھنا چاہتے ہیں لیکن ان کا علاج ترجیح ہے، ہم جب سے پریشان ہیں جب سے ان کی آنکھ کے بارے میں سنا ہے ہمیں کوئی معلومات فراہم نہیں کی جارہی اور یہ دینا بھی نہیں چاہتے، یہ جو کررہے ہیں غیر قانونی ہے، یہ ہمیں کب تک جیلوں میں ڈالیں گے؟ دنیا کے حالات بدل رہے ہیں انہیں چھپنے کی جگہ بھی نہیں ملے گی۔

علیمہ خان نے کہا کہ کیا ہم بانی کے علاج سے متعلق حکومت کی بات مان لیں جو انہیں مارنا چاہتے ہیں، جو حکومت میں بیٹھے ہیں جھوٹے ہیں اور چور بھی ہیں، حکومت کو ایران سے ہی کچھ سبق سیکھ لینا چاہیے، افغانستان کے بارے میں عمران خان کی ٹویٹس موجود ہیں ہم چھوٹی عمر سے سنتے آرہے ہیں پاکستان میں دہشت گردی ہے عمران خان نے کہا 80 ہزار پاکستانی دہشت گردی کی وجہ سے شہید ہوئے عمران خان نے ہمیشہ کہا ہے جنگ کسی مسئلے کا حل نہیں، افغانستان میں ہمارے  مسلمان بھائی ہیں کیا ہم اپنے بھائیوں سے لڑیں؟ سب کو مل کر بیٹھنا ہوگا تب تک اس مسئلے کا حل نہیں نکلے گا۔

ان کا کہنا تھا کہ آپ افغانستان پر بمباری کریں گے وہ بھی خاموش نہیں رہیں گے، جنگ کی وجہ سے ہمارے ہی فوجیوں اور پولیس والوں کو مرنا ہے، ایرانی سپریم لیڈر کتنا عظیم لیڈر تھا جس نے شہادت کی خواہش کی، عمران خان نے بہت پہلے کہا تھا یہ مسلمانوں کو آپس میں لڑارہے ہیں، آج آپ کو سمجھ آنی چاہیے عمران خان جیل میں کیوں ہیں؟

امریکی حکام نے کہا ہے کہ امریکی میرینز نے اتوار کے روز کراچی کے قونصل خانے پر دھاوا بولنے کے دوران مظاہرین پر فائرنگ کی۔

اتوار کو 11 افراد اس وقت مارے گئے جب ایرانی سپریم لیڈر آیت اللہ علی خامنہ ای کی ایران پر حملوں کے دوران شہادت کے بعد مظاہرین کمپاؤنڈ کے اندر داخل ہوگئے۔

ابتدائی معلومات کا حوالہ دیتے ہوئے امریکی حکام نے کہا کہ یہ واضح نہیں ہے کہ میرینز کی طرف سے کیے گئے فائر کسی کو لگے یا نہیں، انہیں یہ بھی معلوم نہیں کہ عمارت کی حفاظت پر مامور پرائیویٹ سیکورٹی گارڈز اور مقامی پولیس کی طرف سے بھی گولیاں چلائی گئیں یا نہیں۔

سندھ حکومت کے ترجمان نے کہا کہ “سیکیورٹی” اہلکاروں نے  فائرنگ کی، انہوں نے “سیکیورٹی” اہلکاروں کی وابستگی کی وضاحت نہیں کی۔

امریکی سفارتی مشنز میں روز مرہ کی سیکیورٹی کی ذمےداریاں اکثر نجی ٹھیکیداروں اور مقامی فورسز کے ذریعے ادا کی جاتی ہیں جب کہ  اس واقعے میں میرینز کا ایکشن اس بات کی نشاندہی کرتا ہے کہ قونصل خانے نے  خطرے کو کتنی سنجیدگی سے دیکھا۔

کراچی پولیس کے ایک اہلکار نے رائٹرز کو بتایا کہ گولیاں قونصل خانے کے احاطے کے اندر سے چلائی گئیں۔

اس حوالے جب سوالات کیے گئے تو امریکی میرینز نے سوالات امریکی فوج کو بھیجے، جس کے نتیجے میں وہ سوالات محکمہ خارجہ کو بھیجے گئے، محکمہ خارجہ نے تبصرہ کی درخواست کا جواب نہیں دیا۔

مائی کلاچی روڈ پر واقع امریکی قونصل خانے کےباہراحتجاج، فائرنگ، ہنگامہ آرائی اور جلاوگھیراؤ کے 3 مقدمات ڈاکس تھانے میں درج کر لیے گئے۔

مائی کلاچی روڈ پر واقع امریکی قونصل خانے کےباہراحتجاج، فائرنگ، ہنگامہ آرائی اور جلاوگھیراؤ کے 3 مقدمات ڈاکس تھانے میں درج کر لیے گئے۔

مقدمات انسپکٹر نندلال کی مدعیت میں نامعلوم شر پسندوں کے خلاف درج کیے گئے ہیں، مقدمات میں قتل، اقدام قتل، انسداد دہشتگردی، ہنگامہ آرائی، جلاؤگھیراؤ، املاک کو نقصان پہنچانے اورکارسرکارمیں مداخلت سمیت دیگر دفعات کے تحت درج کیے گئے۔

مقدمات میں مجموعی طور پر 9 افراد کے جاں بحق 7 پولیس افسران و اہلکاروں نے 45 افراد کے زخمی ہونے کا زکرشامل ہے۔

مقدمات میں واضح طوریہ نہیں لکھا گیا کہ امریکی قونصل خانے پر مظاہرے کے دوران ہونے والی اموات کس کی فائرنگ سے ہوئیں ۔تفصیلات کے مطابق اتوارکی صبح مائی کلاچی روڈ پر واقع امریکی قونصل خانے کےباہراحتجاج، فائرنگ، ہنگامہ آرائی اور جلاوگھیراؤ کے 3 مقدمات ڈاکس تھانے میں درج کر لیے گئے۔

مقدمات انسپکٹر نندلال کی مدعیت میں نامعلوم شر پسندوں کے خلاف درج کیے گئے ہیں،مقدمات میں قتل،اقدام قتل،انسداد دہشتگردی، ہنگامہ آرائی، جلاؤگھیراؤ، املاک کو نقصان پہنچانے اورکارسرکار میں مداخلت سمیت دیگر دفعات شامل کی گئی ہیں۔

مقدمہ الزام نمبر26/65 کے متن کے مطابق یکم مارچ کوانسپکٹرنند لال دیگرپولیس افسران و اہلکاروں کے ہمراہ علاقہ گشت میں مصروف تھے کہ کنٹرول کے ذریعہ اطلاع ملی کہ شہرمیں مذہبی تنظیموں سے تعلق رکنے والی تنظیمیں ایرانی سپریم لیڈر کی شہادت پر امریکن  قونصلیٹ پر احتجاج کریں گے۔

اسی دوران معلوم ہوا کہ امریکی قونصلیٹ کے سامنے کچھ لوگ اکٹھا ہوئے ہیں اورعمارت کو نقصان پہنچانے اوردیوار پھلانگنے کی کوشش کررہے ہیں جس پرتقریبا صبح ساڑھے 10 بجے کے قریب امریکن قونصلیٹ کے گیٹ نمبر 4 پر پہنچا تو150 سے 200 افراد جوکہ ڈنڈوں، لاٹھیوں اوراسلحہ سے لیس تھے جھنڈے لہرا رہے تھے اورنعرے بازی جاری تھی کہ ہجوم کے اندر سے چند شرپسند عناصر نے فائرنگ شروع کردی۔

جس پرافسران بالا کو صورتحال سے آگاہ کر کے مزید نفری طلب کی، اسی دوران پولیس کواپنی طرف آتے دیکھ کرشرپسند عناصرفائرنگ کرتے ہوئے فرارہوئے میں نے قریب جاکر معائنہ کیا تو 35سے 40 افراد زخمی حالت میں پائے گئے۔

قونصلیٹ کےگیٹ نمبر 4کےسیکیورٹی روم کوبھی توڑپھوڑکرکےنقصان پہنچایا ہواتھا،فوری طورپر ایمبولینس طلب کرکے زخمیوں کواسپتال روانہ کیا۔

ڈیوٹی آفیسراے ایس آئی نثاراحمد نے اسپتال فون کرکے زخمیوں کے بارے میں معلوم کیا تو ڈاکٹروں نے 9 افراد کے جاں بحق اور31 افراد کے زخمی ہونے کی تصدیق کی شرپسند عناصر نے فرار ہوتے ہوئے سرکاری ایس ایم جی بھی چھین لی۔

مقدمہ الزام نمبر26/66 کے متن کے مطابق دوپہر ایک بجے کے قریب جناح برج کی جانب سے مذہبی تنظیموں کے5 سے 6 ہزار افراد جن میں مرد اور خواتین شامل تھیں۔

مظاہرین نے بھی پرتشدد مزاحمت کی اورامریکن قونصلیٹ کے قریب واقع سلطان آباد ٹریفک سیکشن میں آگ لگادی اورسرکاری موبائل پر بھی پتھراؤ کیا۔

آئی جی سندھ نے اعلیٰ شخصیات کے احکام پرایس ایس پی ڈسٹرکٹ کیماڑی سمیت پانچ پولیس افسران کو عہدے سے ہٹادیا تھا۔

حکومت سندھ نے امریکی قونصل خانے واقعہ کی شفاف تحقیقات کے لیے اعلی سطح کی کمیٹی تشکیل دے دی تھی کمیٹی کو7 روز میں تمام تر حقائق پر مبنی مکمل تفصیلات پرمبنی رپورٹ پیش کرنے کی ہدایت کی گئی ہے۔