بھارتی اداکار راجپال یادیو ایک بار پھر قانونی تنازع کے باعث خبروں میں آگئے ہیں، جہاں دہلی ہائی کورٹ میں زیرِ سماعت ایک مالی کیس کے دوران عدالت نے ان کے مؤقف پر تحفظات کا اظہار کیا ہے۔

یہ معاملہ ایک نجی کمپنی کی جانب سے دائر کردہ چیک باؤنس کیس سے متعلق ہے، جس میں 2024 میں اداکار کو واجبات کی عدم ادائیگی پر سزا بھی سنائی جا چکی تھی۔ عدالت نے اس کیس میں اپنا فیصلہ محفوظ کر لیا ہے، تاہم سماعت کے دوران جج کے ریمارکس نے خاصی توجہ حاصل کی۔

سماعت کے دوران جسٹس سورنا کانتا شرما نے اداکار کے بدلتے بیانات پر تشویش ظاہر کرتے ہوئے کہا کہ نرمی کو کمزوری نہ سمجھا جائے۔ عدالت نے اس بات کی بھی نشاندہی کی کہ ایک جانب اداکار ادائیگی پر آمادگی ظاہر کر رہے ہیں، جبکہ دوسری جانب ان کے وکیل مؤقف اختیار کر رہے ہیں کہ سزا پوری کرنے کے بعد مزید ادائیگی لازم نہیں۔

اس تضاد پر عدالت نے واضح کیا کہ اگر ادائیگی کے لیے رضامندی موجود ہے تو پھر تاخیر کی کوئی گنجائش نہیں۔ اداکار کی جانب سے مزید مہلت کی درخواست بھی مسترد کر دی گئی، اور عدالت نے دوٹوک انداز میں کہا کہ مزید وقت نہیں دیا جائے گا۔

یہ کیس مئی 2024 کے اُس فیصلے کے بعد شروع ہوا تھا جس میں سیشن عدالت نے راجپال یادیو کو چیک باؤنس کے جرم میں چھ ماہ قید کی سزا سنائی تھی۔ بعد ازاں ہائی کورٹ نے ادائیگی کی یقین دہانی پر سزا معطل کر دی تھی، تاہم عدالت کے مطابق بعد میں کیے گئے وعدے پورے نہیں کیے گئے۔

فروری 2026 میں عدم تعمیل پر عدالت نے اداکار کو خود پیش ہونے کا حکم دیا تھا، جس کے بعد انہوں نے گرفتاری دی اور جزوی رقم جمع کروانے پر عارضی ریلیف حاصل کیا۔

حالیہ سماعت میں مدعی کے وکیل نے مؤقف اختیار کیا کہ سزا کاٹنے سے مالی ذمے داری ختم نہیں ہوتی۔ عدالت میں ون ٹائم سیٹلمنٹ پر بھی بات ہوئی، جبکہ اداکار نے یقین دہانی کروائی کہ وہ عدالت کے احکامات پر عمل کریں گے۔

فی الحال عدالت نے کیس کا فیصلہ محفوظ کر لیا ہے۔



Source link

سوشل میڈیا پر متنازع شہرت رکھنے والے ٹک ٹاکر شہزاد لوہا پاڑ ایک بار پھر خبروں کی زد میں آگئے ہیں، تاہم اس بار معاملہ نہایت سنگین نوعیت اختیار کرگیا ہے۔

حکیم شہزاد کے خلاف مبینہ زیادتی کی کوشش کا مقدمہ درج ہونے کے بعد پولیس نے فوری کارروائی کرتے ہوئے انہیں حراست میں لے لیا۔

پولیس ذرائع کے مطابق یہ کیس ایک خاتون ٹک ٹاکر کی شکایت پر درج کیا گیا، جس میں مؤقف اختیار کیا گیا کہ ملزم نے صلح کے بہانے انہیں اپنے دواخانے بلایا۔ الزام ہے کہ ملاقات کے دوران حکیم شہزاد نے زبردستی کرنے کی کوشش کی اور مزاحمت پر خاتون کے کپڑے بھی پھاڑ دیے۔

واقعے کے بعد متاثرہ خاتون کی مدعیت میں تھانہ صدر پولیس نے مقدمہ درج کیا اور ملزم کو گرفتار کر لیا۔ حکام کا کہنا ہے کہ مقدمے میں زیادتی کی کوشش سمیت دیگر متعلقہ دفعات شامل کی گئی ہیں، جبکہ واقعے کی مکمل تحقیقات جاری ہیں۔

ڈاکٹر عامر لیاقت کے حوالے سے شہرت حاصل کرنے والی دانیہ شاہ کے شوہر حکیم شہزاد لوہا پاڑ سوشل میڈیا پر پہلے ہی مختلف تنازعات اور ذاتی معاملات کے باعث زیرِ بحث رہ چکے ہیں، تاہم اس نئے الزام نے معاملے کو مزید سنگین بنا دیا ہے۔

پولیس حکام کا کہنا ہے کہ کیس کے تمام پہلوؤں کا باریک بینی سے جائزہ لیا جا رہا ہے اور شواہد کی بنیاد پر قانونی کارروائی کو آگے بڑھایا جائے گا تاکہ حقائق سامنے لائے جا سکیں۔



Source link

پاکستان کے نوجوان بیٹر عرفان خان نیازی نے کہا ہے کہ پی ایس ایل 11 میں حیدرآباد کنگز مین کی کارکردگی میں بتدریج بہتری رہی ہے۔ کپتان مارنوس لبوشن اور ہیڈ کوچ جیسن گلیسپی بھی بہترین کمبینیشن بنانے کے لیے کوشاں ہیں۔

نیشنل اسٹیڈیم کراچی میں حیدرآباد کنگز مین کی پریکٹس سیشن کے دوران میڈیا سے گفتگو کرتے ہوئے انہوں نے اپنے خیالات کا اظہار کرتےہوئے کہا کہ نئی ٹیم ہونے کے ناطے حیدرآباد کنگز مین بتدریج بہتری کی جانب مائل ہے ،بیٹنگ کے بعد بولنگ میں بھی بہتری لانے کے لیے کوششیں کی جا رہی ہیں۔

عرفان خان کا کہنا تھا کہ کسی بھی میچ میں تماشائیوں کی موجودگی کارکردگی پر اثر ڈالتی ہے ،ٹیم کا ہر کھلاڑی بتائے ہوئے پلان پر عمل پیرا ہونے کی کوشش کرتا ہے۔ وہ اپنی ذاتی کارکردگی سے مطمئن نہیں ہیں اور بہتری لانے کی کوشش کر رہے ہیں۔پاکستان کرکٹ ٹیم میں جگہ بنانے کے لیے بھرپور محنت جاری ہے۔

انہوں نےمزید کہا کہ سوشل میڈیا کے حوالے سے پی سی بی کی پالیسی پر ہر کھلاڑی عمل کر رہا ہے



Source link