عید صرف نئے کپڑوں اور پکوانوں کا نام نہیں بلکہ یہ رشتوں کو مضبوط بنانے اور محبت بانٹنے کا بھی بہترین موقع ہوتا ہے۔ ایسے میں مہمان نوازی کا خوبصورت انداز عید کی خوشیوں کو مزید بڑھا دیتا ہے۔

پہلا تاثر ہی خاص بنائیں

مہمانوں کا استقبال مسکراہٹ اور خوش اخلاقی کے ساتھ کریں۔ گھر کے داخلی حصے کو صاف ستھرا اور خوشبودار رکھنا بھی اچھا تاثر قائم کرتا ہے۔

کھانوں میں توازن رکھیں

عید پر کھانوں کی بھرمار عام بات ہے، مگر ماہرین کا کہنا ہے کہ کم مگر معیاری اور ذائقہ دار ڈشز زیادہ پسند کی جاتی ہیں۔ میٹھے، نمکین اور مشروبات کا متوازن انتخاب مہمانوں کو متاثر کرتا ہے۔

بیٹھک اور ماحول کی ترتیب

مہمانوں کے لیے آرام دہ نشست کا انتظام کریں۔ ہلکی موسیقی، صاف ستھرا ماحول اور مناسب روشنی خوشگوار فضا پیدا کرتی ہے۔

بچوں اور بزرگوں کا خاص خیال

مہمانوں میں شامل بچوں کے لیے چھوٹے تحائف اور بزرگوں کے لیے خصوصی توجہ عید کے ماحول کو مزید خوشگوار بنا دیتی ہے۔

یادگار لمحات بنائیں

عید کے موقع پر تصاویر لینا، ہلکی پھلکی گفتگو اور فیملی گیمز کھیلنا اس دن کو یادگار بنا سکتا ہے۔ اصل خوبصورتی سادگی اور خلوص میں ہی ہوتی ہے۔



Source link

پاکستان کرکٹ بورڈ (پی سی بی) کے چیئرمین محسن نقوی نے پاکستان سپر لیگ 11 سے دستبردار ہونے والے کھلاڑیوں کے خلاف قانونی کارروائی کا اعلان کر دیا۔

میڈیا سے گفتگو کرتے ہوئے محسن نقوی نے کہا کہ کچھ کھلاڑی لیگ سے علیحدہ ہو کر دیگر لیگز، خصوصاً انڈین پریمیئر لیگ میں شامل ہوئے ہیں، جس پر بورڈ نے سخت نوٹس لیا ہے۔ ان کا کہنا تھا کہ دو سے تین کھلاڑی لیگ چھوڑ کر گئے ہیں اور ہم اس معاملے پر قانونی کارروائی کر رہے ہیں۔

پی سی بی چیئرمین کے مطابق یہ مسلسل دوسرا سال ہے جب پی ایس ایل اور آئی پی ایل ایک ہی ونڈو میں کھیلے جا رہے ہیں، تاہم انہوں نے اس تصادم کو بڑا مسئلہ قرار دینے سے گریز کیا۔ انہوں نے کہا کہ اگر کچھ کھلاڑی جا رہے ہیں تو دوسری جانب نئے اور باصلاحیت کھلاڑی بھی لیگ کا حصہ بن رہے ہیں۔

رپورٹس کے مطابق سری لنکا کے آل راؤنڈر داسن شناکا اور زمبابوے کے فاسٹ بولر بلیسنگ مزاربانی ان کھلاڑیوں میں شامل ہیں جنہوں نے پی ایس ایل 11 چھوڑ کر آئی پی ایل جوائن کیا۔

محسن نقوی نے واضح کیا کہ اس سے قبل بھی ایسے کیسز سامنے آئے تھے اور قواعد کے مطابق کارروائی کی گئی تھی، اس بار بھی اسی طرز پر ایکشن لیا جائے گا۔

واضح رہے کہ پی ایس ایل 11 کا آغاز 26 مارچ سے ہوگا اور ایونٹ لاہور اور کراچی میں منعقد کیا جائے گا جبکہ حالیہ حالات کے باعث ابتدائی میچز بند دروازوں کے پیچھے کھیلے جانے کا امکان ہے۔

پی سی بی کا کہنا ہے کہ لیگ کی ساکھ برقرار رکھنے اور معاہدوں کی پاسداری یقینی بنانے کے لیے ایسے اقدامات ناگزیر ہیں۔

 



Source link

دنیا کے قدیم ترین اور معتبر ٹینس ٹورنامنٹ ومبلڈن چیمپئن شپ میں پہلی بار ویڈیو ریویو سسٹم متعارف کرانے کا فیصلہ کر لیا گیا ہے جس کے تحت اب کھلاڑیوں کو چیئر امپائر کے بعض فیصلوں کو چیلنج کرنے کی اجازت ہوگی۔

منتظمین کے مطابق ویڈیو ریویو کی سہولت سینٹر کورٹ اور کورٹ نمبر ون پر ہونے والے تمام میچز میں دستیاب ہوگی، جبکہ دیگر چار شو کورٹس میں صرف سنگلز مقابلوں کے دوران یہ سہولت فراہم کی جائے گی۔

نئے نظام کے تحت کھلاڑی گیند کے ڈبل باؤنس، ریکیٹ کے جسم سے لگنے یا دیگر متنازع فیصلوں پر ریویو لے سکیں گے۔ اس کے علاوہ پوائنٹ کے اختتام پر "ہنڈرنس" (رکاوٹ) کی شکایت پر بھی ویڈیو ریویو ممکن ہوگا۔ تاہم الیکٹرانک لائن کالنگ کے فیصلوں کو چیلنج نہیں کیا جا سکے گا کیونکہ اس نظام کے بعد لائن ججز کا کردار پہلے ہی ختم کیا جا چکا ہے۔

اہم بات یہ ہے کہ کھلاڑیوں کے لیے ریویو کی تعداد پر کوئی پابندی عائد نہیں کی گئی، جس سے میچز میں شفافیت اور درست فیصلوں کو یقینی بنانے میں مدد ملے گی۔

واضح رہے کہ یو ایس اوپن 2023 اور آسٹریلین اوپن 2025 میں یہ سسٹم پہلے ہی متعارف کرایا جا چکا ہے، جبکہ اے ٹی پی ٹور میں بھی آئندہ سیزن تک تمام ایونٹس میں ویڈیو ریویو سسٹم نافذ کرنے کا فیصلہ کیا گیا ہے۔

ماہرین کے مطابق اس جدید ٹیکنالوجی کے استعمال سے ٹینس میں امپائرنگ کے معیار کو مزید بہتر بنانے اور تنازعات کو کم کرنے میں مدد ملے گی۔

 



Source link