اسرائیلی فوج کی جانب سے ایران اور بیروت پر تازہ حملوں کی اطلاعات سامنے آئی ہیں۔

میڈیا رپورٹس کے مطابق اسرائیل نے ہفتے کے روز لبنانی دارالحکومت بیروت اور ایران میں حملہ کرنے کی تصدیق کی ہے۔

اسرائیل کے مطابق بیروت پر یہ حملے 2 مارچ کو تہران کی حمایت میں حزب اللہ کی جانب سے اسرائیل پر فائرنگ کے جواب میں سلسلہ وار حملوں کا حصہ ہیں۔

واضح رہے کہ یہ حملے ایسے وقت میں سامنے آئے ہیں جب امریکا مشرق وسطی میں مزید ہزاروں میرینز بھیج رہا ہے اور صدر ڈونلڈ ٹرمپ نے نیٹو کے اتحادیوں پر آبنائے ہرمز کو کھولنے میں مدد سے انکار پر بزدلی کا الزام لگایا ہے۔

28 فروری کو امریکا اور اسرائیل کے ایران پر حملے کے بعد سے اب تک 2,000 سے زیادہ افراد شہید ہو چکے ہیں جب کہ امریکی حکام کی جنگ میں طوالت کی وجہ سے تشویش میں اضافہ ہو رہا ہے۔ یہ جنگ اپنے چوتھے ہفتے میں داخل ہو رہی ہے اور مزید پھیل سکتی ہے جبکہ تیل کی قیمتوں میں بھی 50 فیصد اضافہ دیکھنے میں آیا ہے۔

جرمنی، فرانس جنگ کے بعد ہرمز پر مدد کے لیے تیار
ایران اور پڑوسی خلیجی ریاستوں میں توانائی کے اہم انفراسٹرکچر پر بھی حملہ کیا گیا ہے، اور جنگ شروع ہونے کے بعد سے تیل کی قیمتوں میں 50 فیصد اضافہ ہوا ہے، جس سے عالمی اقتصادی صدمے کا خطرہ ہے۔
امریکہ میں، یونائیٹڈ ایئر لائنز (UAL.O)، نیا ٹیب کھولتا ہے۔انہوں نے کہا کہ وہ دوسری اور تیسری سہ ماہی میں اپنی طے شدہ پروازوں میں 5 فیصد کمی کرے گا، تیل کی طویل قیمتوں کے لیے منصوبہ بندی کر رہا ہے۔

ایران کی جاری جنگ کے دوران نیٹو اتحاد نے عراق سے فوجی اہلکاروں کو واپس بلانا شروع کردیا ہے۔

میڈیا رپورٹس کے مطابق نیٹو کے اعلیٰ کمانڈر جنرل الیکسس گرینکیوچ نے کہا ہے کہ نیٹو اتحاد نے کئی سو اہلکاروں کو عراق سے نکال کر یورپ منتقل کر دیا ہے۔

انہوں نے کہا کہ یہ اہلکار نیٹو کے سیکورٹی ایڈوائزری مشن کا حصہ ہیں جو 2018 میں عراقی دفاعی اور سیکورٹی حکام کو مشورہ دینے کے لیے قائم کیا گیا تھا۔

انہوں نے کہا کہ عراق میں نیٹو مشن کو ایک محفوظ مقام پر منتقل کر دیا گیا ہے اور وہ محفوظ ہیں تاہم انہوں نے کہا کہ مشن مشترکہ فورس کمانڈ نیپلز سے اپنا کام جاری رکھے گا۔

واضح رہے کہ یہ اقدام عراق میں برطانوی، فرانسیسی اور اطالوی اڈوں پر ایرانی حملوں کے بعد سامنے آیا ہے، جب تہران نے امریکی اور اسرائیلی فضائی حملوں کے جواب میں ہمسایہ خلیجی ممالک میں امریکی اڈوں پر حملے تیز کر دیے۔

مزید برآں اسرائیل کی جانب سے ایران میں واقع قدرتی گیس فیلڈ پر بمباری کے بعد خلیجی توانائی کے بنیادی ڈھانچے پر حملوں میں بھی اضافہ ہوا ہے۔

علاوہ ازیں میڈیا رپورٹس کے مطابق امریکا مشرق وسطیٰ میں 2,500 اضافی میرینز بھی بھیج رہا ہے جس کے ساتھ کم از کم ایک بربحری حملہ آور جہاز بھی ہے۔

راولپنڈی:

عوامی مسلم لیگ کے سربراہ شیخ رشید احمد نے کہا ہے کہ ابھی افغانستان کے ساتھ سیز فائر ہوا ہے، دیکھیں کل تک کیا ہوتا ہے۔

نماز عید کی ادائیگی کے بعد مدرسہ تعلیم القرآن کے باہر میڈیا سے گفتگو کرتے ہوئے شیخ رشید نے تمام عالم اسلام اور پاکستانی قوم کو عید کی مبارکباد دی اور نیک خواہشات کا اظہار کیا۔

شیخ رشید نے کہا کہ گریٹر اسرائیل کی سازش ان شاءاللہ ناکام و ناشاد ہو گی اور ذلت و رسوائی اس کے نصیب میں ہوگی۔ انہوں نے کہا کہ پاکستان کا بچہ بچہ اپنے وطن، فلسطین اور کشمیریوں کے لیے دعا گو ہے۔

انہوں نے کہا کہ پاکستان آگے بڑھے گا اور ملک کے تمام مسائل حل ہوں گے۔ انہوں نے خواہش کا اظہار کیا کہ ملک کی معیشت مضبوط ہو، سیاسی اور اقتصادی حالات بہتر ہوں۔ شیخ رشید نے کہا کہ پاکستان قیامت تک قائم رہنے کے لیے وجود میں آیا ہے۔

شیخ رشید کا مزید کہنا تھا کہ اسلام آباد کا جھنڈا بلند ہوگا، پاکستان زندہ باد رہے گا اور بچہ بچہ وطن پر نثار ہوگا۔ انہوں نے کہا کہ ابھی افغانستان کے ساتھ سیز فائر ہوا ہے، دیکھیں آگے کیا ہوتا ہے۔