Connect with us

Today News

ٹی ٹوئنٹی ورلڈکپ: اگر پاکستان سنجیدہ ہے تو فخر زمان کو کھلانا ہوگا، ایشون

Published

on


سابق بھارتی کرکٹر روی چندرن ایشون نے پاکستان ٹیم کو جیت کا گُر بتادیا۔

سماجی رابطے کی ویب سائٹ ایکس پر جاری بیان میں روی چندرن ایشون نے کہا کہ اگر پاکستان واقعی اس ورلڈ کپ مہم میں سنجیدہ ہے تو ٹیم مینجمنٹ کو مڈل آرڈر میں فخر زمان کو موقع دینے پر سنجیدگی سے غور کرنا چاہیے۔

ایشون نے کہا کہ فخر زمان اسپنرز کے خلاف جارحانہ کھیلنے کی صلاحیت رکھتے ہیں اور خاص طور پر عادل رشید اور لیام ڈاسن جیسے باؤلرز کے سامنے سوئپ شاٹس اور کریز سے باہر نکل کر بڑا شاٹ کھیل سکتے ہیں۔

انہوں نے مزید کہا کہ درمیانی اوورز میں رنز کی رفتار بڑھانا پاکستان کے لیے اہم ہوگا اور فخر اس کردار کو مؤثر انداز میں نبھا سکتے ہیں۔

ایشون نے کہا کہ نیپال نے بھی عادل رشید کے خلاف اسی حکمت عملی سے کامیابی حاصل کی تھی، جہاں بلے بازوں نے اسکوائر باؤنڈریز کی جانب کھیل کر اسپنرز کو دباؤ میں ڈالا۔

کرکٹ ماہرین کے مطابق دیگر ٹیمیں بھی اس ماڈل سے سیکھ سکتی ہیں۔ اگر بلے باز وکٹ کے دونوں جانب اسکوائر شاٹس کھیلیں تو مخالف کپتان سامنے سے فیلڈر اندر بلاکر اس طرف باؤنڈری پہ بجھیجنے پر مجبور ہوجاتا ہے۔

ایسے میں بلے بازوں کے لیے اسٹیپ آؤٹ کر کے بڑے شاٹس کھیلنے کا بہتر موقع ملتا ہے۔ پاکستان کو بھی یہی حکمت عملی اپنانے کی ضرورت ہے۔





Source link

Continue Reading
Click to comment

Leave a Reply

Your email address will not be published. Required fields are marked *

Today News

اے ایس ایف کی پشاور ایئرپورٹ پر کارروائی، 866 گرام آئس ہیروئن برآمد

Published

on


اے ایس ایف نے پشاور ایئرپورٹ پر کارروائی کرتے ہوئے 866 گرام آئس ہیروئن برآمد کرلی ہے۔

تفصیلات کے مطابق اے ایس ایف نے بروقت پروفائلنگ اور جدید اسکریننگ کے ذریعے پشاور تا دوحہ پرواز کے ایک مسافر کی منشیات اسمگل کرنے کی کوشش ناکام بنا دی۔

اسکریننگ کے دوران مسافر نورالحق کے جوتوں اور شولڈر بیگ میں مشکوک کثافت کی نشاندہی پر تلاشی لی گئی۔ جس کے نتیجے میں دونوں جوتوں کے تلوؤں میں مہارت سے چھپائی گئی 866 گرام آئس ہیروئن برآمد کر لی گئی۔

ملزم کو برآمد شدہ منشیات سمیت مزید قانونی کارروائی کے لیے اینٹی نارکوٹکس فورس کے حوالے کر دیا گیا۔





Source link

Continue Reading

Today News

یو اے ای ایمبیسیڈر کپ رمضان فٹبال ٹورنامنٹ جیریز نے جیت لیا

Published

on


14ویں یو اے ای ایمبیسیڈر کپ رمضان فٹبال ٹورنامنٹ کے فائنل میں جیریز نے قطر ایمبیسی کو شکست دے کر ٹاٸٹل اپنے نام کرلیا۔

تفصیلات کے مطابق پاکستان میں یو اے ای سفارتخانے کے زیر اہتمام منعقدہ رنگارنگ ایونٹ میں دس ٹیموں نے حصہ لیا۔ جس میں پاکستان فٹبال فیڈریشن نے تمام ٹیکنیکل سپورٹ فراہم کی۔

ایونٹ کے فاٸنل میں جیریز پاکستان نے خیام خٹک کے تین اور ثاقب انور کے ایک گول کی بدولت قطر ایمبسی کو دو کے مقابلے میں پانچ گول سے شکست دی۔

افغانستان نے وزارت خارجہ کی ٹیم کو 1-4 سے شکست دے کر تیسری پوزیشن اپنے نام کی۔

اختتامی تقریب کے مہمان خصوصی وفاقی وزیر اطلاعات و نشریات عطاء اللہ تارڑ تھے جنہوں نے پاکستان میں متحدہ عرب امارات کے سفیر سالم محمد سالم البواب الزعابی، پاکستان فٹبال فیڈریشن کے صدر سید محسن گیلانی کے ہمراہ کھلاڑیوں میں انعامات تقسیم کیے۔

اختتامی تقریب میں رکن قومی اسمبلی سیدہ آمنہ بتول سمیت مراکش، لبنان، افغانستان، لیبیا، رومانیہ کے سفیروں، سینئر پاکستانی حکام اور سفارتی عملے کی ایک بڑی تعداد نے شرکت کی۔

یہ سالانہ ٹورنامنٹ پاکستان میں متحدہ عرب امارات کے سفارتخانے نے پاکستان فٹبال فیڈریشن کے تعاون سے منعقد کیا جس کا مقصد ماہِ رمضان کے دوران کھیلوں کے فروغ، ثقافتی روابط اور کمیونٹی ہم آہنگی کو مضبوط بنانا تھا۔





Source link

Continue Reading

Today News

We Will Not Hesitate to Confront Threats Facing Pakistan, Says Barrister Gohar

Published

on


چیئرمین پی ٹی آئی بیرسٹر گوہر کا کہنا ہے کہ ہم جہاں بھی ہو سکے اپنے پڑوسیوں سے امن قائم کریں گے لیکن انکی طرف سے پاکستان کو درپیش خطرات کا مقابلہ کرنے سے ہرگز دریغ نہیں کریں گے۔

سماجی رابطے کی ویب سائٹ ایکس پر پیغام جاری کرتے ہوئے بیرسٹر گوہر نے کہا کہ اللہ پاکستان کو ہمیشہ محفوظ رکھیں، ہر دشمن کو انجام تک پہنچائیں گے۔

انہوں نے کہا کہ پاکستان کے خلاف افغانستان کی اشتعال انگزی کا بھر پور جواب دیا جائے گا۔

چیئرمین پی ٹی آئی نے کہا کہ پاکستان کی سیکیورٹی فورسز انشاء اللّٰہ قوم کی دعاؤں سے اپنے ملک کا دفاع کریں گے، ہماری دعائیں اور حمایت انکے ساتھ ہیں۔ پاکستان زندہ باد!

واضح رہے کہ آپریشن غضب للحق کے تحت جوابی حملوں میں اب تک 133 افغان خارجی جہنم واصل ہو گئے ہیں اور 200 سے زائد زخمی ہیں۔

پاک فوج نے 27 پوسٹیں مکمل طور پر تباہ کر دی ہیں جبکہ 7 افغان پوسٹوں پر قبضہ کر لیا ہے.

موثر جوابی کارروائی میں 50 سے زائد ٹینکس، آرٹلری گنز اور اے پی سیز تباہ کر دیا گیا۔





Source link

Continue Reading

Trending