ایف آئی اے امیگریشن نے کراچی ائیرپورٹ پر کارروائی کرتے ہوئے سیرا لیون جانے والے دو مسافر آف لوڈ کردیے۔

تفصیلات کے مطابق پہلے بھی امیگریشن سے روکے گئے مسافر دوبارہ سفر کی کوشش میں ناکام ہوئے ہیں۔ مسافروں نے ایجنٹ کو 3 لاکھ روپے رشوت دینے کا انکشاف کیا۔

چینی شہری کے ذریعے بیرون ملک ملازمت کا جھانسہ دیا گیا۔ مشکوک واپسی ٹکٹ اور صرف 150 ڈالر رکھنے پر کارروائی عمل میں لائی گئی۔

ملزمان ایف آئی اے اینٹی ہیومن ٹریفک سرکل منتقل کردیے گئے۔ متعدد ایئرپورٹس سے کلیئرنس سے انکار کا بھی انکشاف ہوا جبکہ مشکوک چیٹ گفتگو بھی برآمد کرلی گئی۔

ایجنٹ امجد علی آرائیں کے خلاف قانونی کارروائی کاآغازکردیاگیا۔

ٹی ٹوئنٹی ورلڈکپ 2026 میں سب سے زیادہ سنچریز کا نیا ریکارڈ قائم ہوگیا ہے۔

تفصیلات کے مطابق بھارت اور سری لنکا کی میزبانی میں کھیلے جارہے رواں ایونٹ میں اب تک چار سنچریز بن چکی ہیں۔

سری لنکا کے پتھم نسانکا نے آسٹریلیا اور کینیڈا کے یووراج سامرہ نے نیوزی لینڈ کے خلاف سنچری اسکور کی تھی۔

بعد ازاں صاحبزادہ فرحان کی نمیبیا کے خلاف سنچری سے ٹی ٹوئنٹی ورلڈکپ کے ایک ایڈیشن میں تین سنچریز کا ریکارڈ قائم ہوگیا تھا۔

سپر ایٹ مرحلے میں انگلینڈ کے کپتان ہیری بروک نے پاکستان کے خلاف سنچری اسکور کرکے یہ تعداد چار کردی۔

واضح رہے کہ اس سے قبل ٹی ٹوئنٹی ورلڈکپ کے کسی بھی ایڈیشن میں دو سے زائد سنچریز نہیں بن سکی تھیں۔

2007 میں کھیلے ابتدائی ایڈیشن میں صرف ایک سنچری بنی تھی جبکہ 2009 میں کوئی سنچری نہ بن سکی۔

2010 میں دو سنچریز اور 2012 میں ایک ہی سنچری بن سکی۔ 2014 اور 2016 کے ایڈیشنز میں دو، دو سنچریز بنیں۔

2021 میں ایک اور 2022 میں دو سنچریز بنیں جبکہ 2024 میں کوئی سنچری نہ بن سکی تھی۔

سیکیورٹیز اینڈ ایکس چینج کمیشن آف پاکستان نے پی ایس ایکس کے ایم آئی آل شئیر انڈیکس کی شرعی اسکریننگ پر نظرثانی کرتے ہوئے کمپنیوں کے غیر شرعی قرضوں کی حد 37 فیصد سے کم کرکے 33 فیصد کردی ہے۔

ایس ای سی پی کے مطابق کمپنیوں کی غیر شرعی سرمایہ کاری کی حد 33فیصد سے کم کر کے 30فیصد کرنے کی تجویز ہے۔

ایس ای سی پی کے مطابق شریعہ کمپلائنٹ انڈیکس کے لیے کمپنیوں کو 3، 4 اور 5اسٹار ریٹنگ دی جائے گی۔ شریعہ کمپلائنٹ انڈیکس کو عالمی معیار سے ہم آہنگ کیا گیا ہے تاکہ شریعہ کمپلائنٹ حصص پر سرمایہ کاروں کا اعتماد مضبوط ہو۔

ایس ای سی پی کے مطابق نئی لسٹڈ کمپنیوں کی شریعہ انڈیکس میں عبوری شمولیت کا طریقہ کار بھی متعارف کیا گیا ہے۔

شرعی انڈیکس کی اسکرینگ میں تبدیلی پاکستان کو سال 2027 تک رباء فری بنانے سے متعلقہ اقدامات کا حصہ ہے۔ ایس ای سی پی کے مطابق اسٹاک ایکس چینج اسلامی انڈیکسز کی فہرست کی سہ ماہی اپ ڈیٹ کرے گا جبکہ نان بینکنگ فنانش اور کپیٹل مارکیٹ کو ربا فری بنانے کے جامع اقدامات کیے جا رہے ہیں۔