ایس ایس پی سینٹرل نے ڈیوٹی سے غیر حاضری اور فرائض میں غفلت پر 17 پولیس افسران و اہلکاروں کیخلاف ایکشن لے لیا۔

ایس ایس پی ڈسٹرکٹ سینٹرل ڈاکٹر عمران خان کی جانب سے ڈیوٹی سے غیر حاضری اور فرائض میں غفلت کے مرتکب 17 پولیس افسران و اہلکاروں کے خلاف محکمانہ کارروائی عمل میں لائی گئی۔

ترجمان کے مطابق ڈیوٹی میں غفلت ، نظم و ضبط کی خلاف ورزی اور ڈیوٹی سے غیرحاضری کے مرتکب 17 افسران و اہلکاروں کو بطور سزا ایک دن کے لیے کوارٹر گارڈ کیا گیا ہے۔

ایس ایس پی ڈسٹرکٹ سینٹرل نے واضح کیا ہے کہ ڈیوٹی میں لاپرواہی، نظم و ضبط کی خلاف ورزی اور غیر حاضری کسی صورت برداشت نہیں کی جائیگی اور آئندہ بھی ایسے اہلکاروں کے خلاف بلاامتیاز کارروائی عمل میں لائی جائیگی تاکہ فورس میں نظم و ضبط کو یقینی بنایا جا سکے۔



Source link

وفاقی وزیر برائے پارلیمانی امور طارق فضل چوہدری بانی پی ٹی آئی کی آنکھ سے متعلق نئی پیشرفت سے آگاہ کیا ہے۔

سماجی رابطے کی سائٹ ایکس پر اپنے بیان میں طارق فضل چوہدری نے بتایا کہ عمران  خان کا آج 3 مارچ 2026 کو اڈیالہ میں ماہرینِ امراضِ چشم پر مشتمل میڈیکل بورڈ نے تفصیلی طبی معائنہ کیا۔

انہوں نے بتایا کہ میڈیکل بورڈ میں پروفیسر ڈاکٹر ندیم قریشی (سربراہ ویٹریو ریٹینل ڈیپارٹمنٹ، الشفاء ٹرسٹ آئی ہسپتال راولپنڈی) اور پروفیسر ڈاکٹر ایم عارف خان (سربراہ شعبہ امراضِ چشم، پمز اسلام آباد) شامل تھے۔

طارق فضل چوہدری نے کہا کہ یہ معائنہ اینٹی وی ای جی ایف کی انٹرا وٹریل انجیکشن کی دوسری خوراک کے بعد فالو اپ کے طور پر کیا گیا۔

وفاقی وزیر نے بتایا کہ معائنے کے دوران بصری معیار (Visual Acuity)، فنڈوسکوپی، سلٹ لیمپ ایگزامینیشن اور آپٹیکل کوہرنس ٹوموگرافی سمیت تمام ضروری طبی جائزے مکمل کیے گئے۔

میڈیکل بورڈ کے مطابق بینائی میں نمایاں بہتری آئی اور موجودہ مرحلے پر بصارت اطمینان بخش ہے۔

وفاقی وزیر کے مطابق مزید علاج اور نگہداشت کا عمل پہلے سے طے شدہ میڈیکل پلان کے مطابق جاری رہے گا۔



Source link

آئی سی سی مینز ٹی ٹوئنٹی ورلڈ کپ 2026 کا فائنل کون کونسی ٹیمیں کھیلیں گی اس حوالے سے بڑی پیش گوئی سامنے آئی ہے۔

ایک نجی ٹی وی کے پروگرام میں میزبان نے سابق کرکٹرز باسط علی اور کامران اکمل سے کہا کہ ایک سیمی فائنل تو بھارت جیت جائے گا لیکن دوسرے میں تھوڑا کنفیوز ہوں کیونکہ دونوں ہی اچھی ٹیمیں ہیں لیکن جنوبی افریقا کو ایڈوانٹیج ہے۔

سابق کرکٹرز باسط علی اور کامران اکمل نے گفتگو کرتے ہوئے بتایا کہ جنوبی افریقا نیوزی لینڈ کو شکست دے کر فائنل میں پہنچ جائے گا جبکہ دوسرے سیمی فائنل سے بھارت جیت کر فائنل کھیلے گا۔

کامران اکمل نے گفتگو کرتے ہوئے میزبان کے سوال کے جواب میں کہا کہ دوسرے سیمی فائنل میں انڈیا ٹیم زیادہ مضبوط ٹیم ہے، بڑی اچھی بولنگ اور بیٹنگ کرتے ہوئے آرہی ہے۔

انہوں نے کہا کہ دوسرے سیمی فائنل میں انگلینڈ باہر ہوجائے گا اور بھارت جیت جائے گا، ان کا کہنا تھا کہ جنوبی افریقا اور نیوزی لینڈ کا سیمی فائنل بھی اچھا ہوگا۔

آخر میں دونوں سابق کرکٹرز نے کہا کہ سیمی فائنل سے جنوبی افریقا اور بھارت فائنل میں پہنچیں گے یہ دونوں بہت اچھی ٹیمیں ہیں اور ڈیزرو کرتی ہیں۔



Source link