پاکستانی نژاد یو اے ای کرکٹر ظہور خان نے ایک چونکا دینے والا انکشاف کیا ہے۔

ایک آنلائن پوڈ کاسٹ میں یو اے ای کے کرکٹر ظہور خان نے بتایا کہ بھارتی فاسٹ بولر جسپریت بمراہ نے اپنی سلو ڈلیوری کی ویریئیشن 2019 میں ان سے سیکھی تھی۔

ظہور خان نے بتایا کہ جب وہ ممبئی انڈینز کے ساتھ کھیل رہے تھے، تو انہوں نے ٹی ٹین میچ میں ویسٹ انڈیز کے لینڈل سمنز کے خلاف ایک میڈن اوور کرایا تھا۔

انہوں نے بتایا کہ اس اوور میں پانچ سلو بالز کی تھیں جنہیں سمنز نہیں سمجھ پائے۔

بمراہ نے اس اوور کی ویڈیو دیکھی اور ان سے سلو بالز کے بارے میں پوچھا جس کے بعد پھر ظہور خان نے انہیں نیٹس میں اس تیکنیک کے بارے میں سکھایا۔

معروف یوٹیوبر رجب بٹ کی اہلیہ ایمان رجب نے شوہر کی جانب سے بھیجئے گئے  طلاق کے نوٹس کی تصاویر سوشل میڈیا پر شیئر کرتے ہوئے اپنا رد عمل بھی دے دیا۔ 

متنازع فیملی ولاگراور یوٹیوبر رجب بٹ اپنے قانونی کیسز، دیگر یوٹیوبرز کے ساتھ جھگڑوں اور ذاتی زندگی کے مسائل کی وجہ سے خبروں میں رہتے ہیں۔ 

آج کل رجب بٹ نے بیوی اور ان کے خاندان کے ساتھ جھگڑے کو اپنا نیا کانٹینٹ بنایا ہوا ہے جو سوشل میڈیا پر وائرل ہے۔ 

سوشل میڈیا پر رجب بٹ کی شادی میں واضح دراڑیں دکھائی دے رہی ہیں کیونکہ انہوں نے دھوم دھام سے شادی کرنے کے بعد ایک مہینے بھی گھر نہیں گزار اور  وہ اپنے کیسز کی وجہ سے دنیا بھر میں گھومتے رہے۔ 

اس دوران ان کی اہلیہ حاملہ ہوئیں اور پاکستان میں ہی موجود رہیں، بعد ازاں، چند ماہ قبل انہوں نے پہلے اپنے بیٹے کیوان سلطان کو جنم دیا۔

رجب بٹ نے حال ہی میں ایک پوڈکاسٹ میں بتایا کہ وہ اپنے بیٹے سے صرف ایک یا دو بار ملے ہیں اور باضابطہ اعلان کیا کہ وہ اس شادی سے اب مکمل طور پر ختم ہو چکے ہیں جب کہ انہوں نے اپنی بیوی کو طلاق کے کاغذات بھی بھیج دیے۔ 

ایمان فاطمہ نے انسٹاگرام پر یہ کاغذات شیئر کیے اور کہا کہ انہیں یہ توقع تھی، لیکن ان کے یا ان کے بیٹے کی کیا غلطی ہے کہ انہیں یہ سزا دی جارہی ہے؟

ان کا کہنا تھا کہ انہوں نے شادی کو بچانے کے لیے خاموشی اختیار کی، تاہم حال ہی میں ایک پوڈکاسٹ میں رجب بٹ کی جانب سےمیرے خلاف جھوٹے الزامات عائد کیے گئے، جس کے بعد مجھے طلاق کے کاغذات بھی بھیج دیے گئے۔

انٹرنیٹ پر اس جوڑے کے جھگڑے کی اس بڑی پیش رفت پر مختلف ردعمل سامنے آئے ہیں کیونکہ یہ سب کچھ سوشل میڈیا پر ہورہا ہے۔ 

ایک صارف نے لکھا کہ وہ ہمیشہ بچے کے بعد طلاق لینا چاہتے تھے کیونکہ وہ زارا ملک کے ساتھ ملوث ہیں اور یہ سب پہلے سے طے شدہ تھا۔ 

ایک اور نے کہا ’ایمان واپس بھی گئی جب وہ پکڑے گئے تھے لیکن اس نے معاف کر دیا، لیکن وہ کبھی بھی اس شادی کو بچانا نہیں چاہتے تھے‘۔

ایک اور نے کہا کہ رمضان میں ان کو طلاق نوٹس بھیجنا دکھاتا ہے کہ رجب، ان کی ماں اور بہن کتنے ظالم ہیں۔ انہیں بھی عذاب ملے گا۔

برطانوی اخبار کے مطابق امریکی صدر ڈونلڈ ٹرمپ کا ایران میں فوجی حکمت عملی کا وینزویلا ماڈل ناکام ہوگیا ہے۔

اخبار نے بتایا کہ ٹرمپ نے وینزویلا میں نائب صدر ڈیلسی روڈریگِز کو نیا رہنما بنانے کے تجربے کو ایران میں بھی آزمانے کی کوشش کی، تاکہ وہاں امریکی پسندیدہ قیادت قائم کی جا سکے۔

تاہم، ایران کے نئے سپریم لیڈر مجتبیٰ خامنہ ای کے انتخاب نے ٹرمپ کی خواہش کو ناکام بنا دیا۔ ایران کے مذہبی اور عسکری ادارے اب بھی اقتدار پر مضبوط گرفت رکھتے ہیں اور امریکی مداخلت کا کوئی واضح راستہ موجود نہیں۔

اخبار کی رپورٹ میں مزید کہا گیا ہے کہ سابق شاہ کے بیٹے رضا پہلوی کی قیادت کی خواہش وائٹ ہاؤس نے نظرانداز کردی ہے، اور ایران میں کسی عملی شخص کے ذریعے امریکی پسندیدہ قیادت قائم کرنا ممکن نہیں۔

رپورٹ میں ایران جنگ کے فوری اقتصادی اثرات کی بھی نشاندہی کی گئی ہے، جس میں عالمی تیل اور گیس کی بڑھتی ہوئی قیمتیں شامل ہیں، جو وائٹ ہاؤس پر داخلی سیاسی دباؤ بڑھا رہی ہیں۔

اخبار کے مطابق اسرائیل نوجوان مجتبیٰ خامنہ ای کو ہٹانے کی کوشش کر سکتا ہے، جبکہ ایران کی موجودہ قیادت مضبوطی سے اقتدار میں موجود ہے۔