ٹیکنالوجی کمپنی ایپل نے اپنے نئے فون کے آتے ہی دنیا بھر میں کروڑوں صارفین کے زیرِ استعمال 15 مشہور گیجٹس کی پیداوار خاموشی سے بند کر دی ہیں۔

کمپنی کے اس اقدام کا مقصد پروڈکٹ لائن اپ کو ری فریش کر کے متعدد پرانی ڈیوائسز سے بدلنا ہے۔

مجموعی طور پر اس کے بعد 15 ایپل پروڈکٹس لائن اپ سے ہٹا دی جائیں گی۔ ان پروڈکٹس میں سے کچھ بمشکل چھ ماہ قبل لانچ کی گئی تھی جبکہ سب سے پرانی ڈیوائس 2019 میں لانچ کی گئی تھی۔

آئی فون 16 ای کو نئے آئی فون 17 ای سے بدل دیا گیا ہے جبکہ ایم 3 آئی پیڈ ایئر مادلز کو بھی اپ ڈیٹ کر کے ایم 4 چہ سے چلنے والے ورژن سے بدل دیا ہے۔

ڈیوائسز:

iPhone 16e with A18 (2025)

11-inch iPad Air with M3 (2025)

13-inch iPad Air with M3 (2025)

13-inch MacBook Air with M4 (2025)

15-inch MacBook Air with M4 (2025)

13-inch MacBook Pro with M5 and 512GB storage (2025)

14-inch MacBook Pro with M4 Pro (2024)

16-inch MacBook Pro with M4 Pro (2024) 14-inch

MacBook Pro with M4 Max (2024)

16-inch MacBook Pro with M4 Max (2024)

Mac Studio with M3 Ultra and 512GB memory (2025)

Studio Display with A13 Bionic (2022)

Pro Display XDR (2019)

Pro Stand for Pro Display XDR (2019)

Pro Display XDR VESA Mount Adapter (2019)



Source link

رمضان المبارک کے 20 روز میں بھیک مانگنے کیلیے سعودی عرب جانے والے 900 پاکستانیوں کو روانگی کے عین وقت روکے جانے کا انکشاف ہوا ہے۔

یہ انکشاف ایف آئی اے کراچی زون کے ڈائریکٹر منتظر مہدی نے ایکسپریس نیوز سے خصوصی گفتگو کے دوران کیا۔

انہوں نے بتایا کہ ایف آئی اے نے رمضان المبارک کے دوران بھیک مانگنے کیلیے سعودی عرب جانےوالے مختلف گداگروں کےخلاف آپریشن شروع کردیا ہے۔

انہوں نے بتایا کہ صرف کراچی ایئرپورٹ پر ہی 900 کے قریب ایسے افراد کو روانگی سے روکا گیا جو سعودی عرب بھیک مانگنے کیلیے جارہے تھے۔

انہوں نے بتایا کہ بین الاقوامی ہوائی اڈے پرانٹیجیلینس کا غیرمعمولی نظام قائم کرنے کے علاوہ مشکوک افراد کی سخت جانچ پڑتال کی جارہی ہے۔

ڈائریکٹر کراچی زون نے بتایا کہ یہ کریک ڈاون سعودی حکومت کی طرف سےتسلسل کے ساتھ پاکستانیوں کی بےدخلی کی ریکارڈ کی بنیاد پرکیا گیا، سعودی عرب سے ڈی پورٹ کیے جانے والے پاکستانیوں پر الزام ہےکہ وہ عمرے اورنوکری کے ویزوں پرجاکر سعودی عرب میں بھیک مانگتے ہیں،جس سے خلیجی ممالک کے سماجی نظام کونقصان اورپاکستان کی بدنامی ہوتی ہے۔

انہوں نے بتایا کہ گداگروں کی نشاندہی کیلیے سعودی ڈی پورٹ ریکارڈ، ٹریول ہسٹری سمیت کئی پہلووں کی جانچ پڑتال کی گئی، جعلی ویزوں اور ایجنٹس سےحفاظت کےلیے قائم سہولت ڈیسک سے یومیہ 250سےزائد شہری استفادہ کررہےہیں۔

ایف آئی اے کراچی زون کے ڈائریکٹر نے بتایا کہ قلیل وقت کےد وران شہریوں کوبیرون ملک ملازمتوں کا جھانسہ دینےوالے7 گینگز کو بےنقاب کیا جبکہ غیرقانونی حوالہ، ہنڈی کےخلاف مختلف کارروائیوں کےدوران کروڑوں روپے کی کرنسی تحویل میں لی گئی۔

انہوں نے کہا کہ دھوکہ دہی کے شکارمتاثرہ افراد مزید جرائم پرآمادہ اور اُن کا جھکاؤ عموما ایجنٹس کی طرف ہوتاہے۔ کسی پاکستان کو سمندروں میں ڈوبنے، بھیک مانگنے اوردیگرجرائم میں ملوث نہیں ہونے دیں گے۔



Source link

اسپیکر پنجاب اسمبلی نے کفایت شعاری اور توانائی بچت اقدامات کے تحت قومی مفاد میں تنخوا، اور سرکاری پیٹرول سمیت تمام مراعات ترک کرنے کا اعلان کردیا۔

ایکسپریس نیوز کے مطابق وفاق اور دیگر صوبوں کی طرح پنجاب میں بھی کفایت شعاری اقدامات نافذ کردیے گئے جس کا نوٹی فکیشن بھی جاری کردیا گیا۔

اسپیکر ملک محمد احمد خان نے وزیر اعظم  شہباز شریف اوروزیر اعلیٰ پنجاب مریم نواز کی کفایت شعاری مہم کے تحت اقدامات کیے۔

اسپیکر ملک محمد احمد خان نے قومی مفاد میں اپنی تنخواہ اور سرکاری پیٹرول سمیت تمام مراعات ترک کرنے کا اعلان کردیا۔

کفایت شعاری مہم کے تحت اراکین پنجاب اسمبلی کی تنخواہوں اور الاؤنسز میں دو ماہ کے لیے 25 فیصد کمی کرنے کا فیصلہ کیاگیا ہے۔ نوٹی فکیشن کے مطابق 70 فیصد سرکاری گاڑیاں بند رکھی جائیں گی صرف 30 فیصد گاڑیاں دفتری امور کے لیے استعمال ہوں گی۔

نوٹی فکیشن میں کہا گیا ہے کہ پروٹوکول گاڑیوں اور اسکواڈ کے استعمال پر مکمل پابندی عائد کردی گئی ہے جبکہ پنجاب اسمبلی اور قائمہ کمیٹیوں کے اجلاس غروب آفتاب سے پہلے شیڈول کرنے کا فیصلہ کیا گیا ہے۔

نوٹی فکیشن کے مطابق قائمہ کمیٹیوں کے اجلاس، اگر ناگزیر ہوں، تو ورچوئل یا آن لائن پلیٹ فارمز کے ذریعے منعقد کیے جائیں گے جبکہ اجلاسوں کی تعداد کو بھی کم سے کم سطح تک محدود رکھا جائے گا۔

پنجاب اسمبلی سیکرٹریٹ میں جمعہ، ہفتہ اور اتوار کو دفاتر بند رہیں گے۔  جبکہ اجلاس کے دنوں میں معمول کے مطابق کام ہوگا۔  رمضان المبارک میں دفتری اوقات صبح 9 بجے سے دوپہر 3 بجے تک جبکہ رمضان کے بعد صبح 9 بجے سے شام 5 بجے تک ہوں گے۔

کفایت شعاری اقدامات کے تحت بجلی کے استعمال میں 70 فیصد کمی کی جائے گی جس کے تحت غیر ضروری لائٹس اور برقی آلات بند رکھنے کی ہدایت کی گئی ہے۔

اس کے علاوہ پنجاب اسمبلی سیکرٹریٹ میں پیپر لیس ورکنگ اپنانے کا فیصلہ کیا گیا ہے جبکہ سیکرٹریٹ میں تمام نئی خریداری فوری طور پر بند، صرف ناگزیر روزمرہ ضروریات کے لیے محدود خریداری کی اجازت ہوگی۔

نوٹی فکیشن کے مطابق جون 2026 تک نئی سرکاری گاڑیوں کی خریداری پر عائد پابندی کو سختی سے نافذ کیا جائے گا جبکہ غیر ملکی وفود کے علاوہ سرکاری عشائیوں اور افطار ڈنرز کے انعقاد پر بھی پابندی ہوگی۔

اسمبلی سیشن کے دوران ضرورت کے مطابق اقدامات میں مناسب تبدیلی کی جائے گی جبکہ پنجاب اسمبلی سیکرٹریٹ کا 80 فیصد عملہ گھر سے ورچوئل ڈیوٹی سر انجام دے گا اور ضرورت پڑنے پر گھر سے کام کرنے والے ملازمین کو ایک گھنٹے کے نوٹس پر دفتر طلب کیا جا سکے گا۔ 

نوٹی فکیشن کے مطابق گھر سے کام کرنے والے ملازمین کو آنریریا یا سیشن الاؤنس نہیں دیا جائے گا۔



Source link