جماعت اسلامی پاکستان کے امیر حافظ نعیم الرحمان نے پیٹرولیم مصنوعات کی قیمتوں میں اضافے پر تنقید کرتے ہوئے کہا ہے کہ پیٹرول کی قیمت بڑھنے سے سارا بوجھ عوام پر پڑا ہے۔

امیر جماعت اسلامی پاکستان حافظ نعیم الرحمان نے لاہور میں افطار ڈنر سے خطاب کرتے ہوئے کہا کہ جب نظام میں خرابی ہو تو اس کے اثرات پورے ملک پر ہوتے ہیں۔

ان کا کہنا تھا کہ پیٹرول کی قیمت بڑھنے سے سارا بوجھ عوام پر پڑا، اگر جماعت اسلامی کے دور میں پیٹرول مہنگا ہوتا تو بوجھ جماعت خود برداشت کرتی۔

انہوں نے کہا کہ ہم 35 ہزار یتیم بچوں کی کفالت کر رہے ہیں، آعوش پروگرام میں بچے تعلیم حاصل کر رہے ہیں، اس پروگرام کے تحت بچے انجینئیر، ڈاکٹرز بن رہے ہیں، کسی آفت میں پوری جماعت اسلامی والنٹیئر بن جاتی ہے۔

امیر جماعت اسلامی نے کہا کہ 90 ہزار بچوں کو غزہ میں شہید کر دیا گیا، شہدا میں 70 فیصد تعداد بچوں اور خواتین کی ہے۔

حافظ نعیم الرحمان نے کہا کہ جو کام ریاست کے ہیں وہ الخدمت کر رہی ہے، الخدمت نے امداد غزہ بھیج دی ہے۔



Source link

نارتھ ناظم آباد کے علاقے پہاڑ گنج چورنگی کے قریب پولیس اہلکار نے ذاتی چپقلش کی بنیاد پر ایک شہری کو فائرنگ کرکے قتل کردیا۔

پولیس کے مطابق نارتھ ناظم آباد پہاڑ گنج چورنگی صدیق اکبر مسجد کے قریب فائرنگ سے ایک شخص شدید زخمی ہوگیا، جنہیں تشویش ناک حالت میں چھیپا ایمبولینس کے ذریعے عباسی شہید اسپتال منتقل کیا گیا جہاں وہ دوران علاج زخموں کی تاب نہ لاتے ہوئے دم توڑ گیا۔

ایس ایچ او شارع نور جہاں سرفراز کمانڈو نے بتایا کہ مقتول کی شناخت 35 سالہ فضل رحمان ولد عبدالقیوم کے نام سے ہوئی جبکہ پولیس نے قتل میں ملوث ملزم رضوان عمران کو اسلحہ سمیت گرفتار کرلیا ہے۔

انہوں نے کہا کہ مقتول اور ملزم نارتھ ناظم آباد بلاک کیو پہاڑ گنج کے رہائشی تھے اور ان میں گزشتہ ایک سال سے چپقلش چل رہی تھی اور ہفتے کی صبح بھی دونوں میں کسی بات پر تلخ کلامی ہوئی تھی جس پر ملزم رضوان نے فضل رحمان کو فائرنگ کا نشانہ بنایا جس کے نتیجے میں وہ جاں بحق ہوگئے۔

ترجمان ڈسٹرکٹ سینٹرل پولیس نے بتایا کہ گرفتار ملزم پولیس اہلکار اور شارع نور جہاں تھانے میں تعینات ہے اور اس کا کہنا ہے کہ اس نے ذاتی عناد اور دشمنی کی بنیاد پر قتل کیا ہے تاہم پولیس نے قاتل اہلکار کے خلاف مقدمہ درج کر کے مزید تفتیش کے لیے انویسٹی گیشن پولیس کے حوالے کر دیا۔



Source link

خیبرپختونخوا کی حکومت نے پیٹرولیم مصنوعات کی قیمتوں میں اضافے کے تناظر میں بی آر ٹی کرایوں میں اضافے کی تجویز مسترد کر دی۔

ٹرانس پشاور کی جانب سے پیٹرولیم مصنوعات کی قیمتوں میں اضافے کے تناظر میں بی آر ٹی کے کرایوں میں اضافے کی سمری وزیراعلی کو بھجوائی جبکہ وزیراعلی نے مسترد کر دیا۔

مشیر خزانہ مزمل اسلم نے کہا کہ حکومت عوام پر بوجھ نہیں ڈالنا چاہتی اس لیے وزیراعلی سہیل آفریدی نے بی آر ٹی بسوں میں کرائے کی تجویز مسترد کردی ہے۔



Source link