پاک فوج کے بہادر آفیسر کیپٹن محمد احمد بدر شہید کی دوسری برسی آج منائی جارہی ہے۔

کیپٹن محمد احمد بدر نے 16 مارچ 2024 کو دشمن کا جواں مردی سے مقابلہ کرتے ہوئے شہادت کو گلے لگایا تھا۔

کپپٹن محمد احمد بدر شہید کے والد نے اپنے احساسات اور جذبات کا اظہار کرتے ہوئے کہا کہ
اپنے شہید بیٹے کی طرف سے وطن کے غیور عوام، شہداء کی ماؤں، بہنوں اور والدین کو سلام پیش کرتا ہوں، اپنے بیٹے کو سلیوٹ پیش کرتا ہوں جس نے اس ملک اور قوم کی خاطر اپنی جان کی قربانی دی۔ فیلڈ مارشل سید عاصم منیر کا تہہ دل سے مشکور ہوں جنہوں نے ہر مشکل وقت میں ساتھ دیا۔

کپپٹن محمد احمد بدر شہید کی والدہ نے کہا کہ اللہ نے میرے بیٹے کو  شہادت دی، اس سے بڑھ کر کچھ نہیں،  کپپٹن محمد احمد بدر شہید  کی بہنوں کا کہنا تھا کہ بھائی کی جدائی کا غم  ہے لیکن شہادت سے بلند کوئی رتبہ نہیں، وہ اللہ سے ہمیشہ شہادت مانگتا تھا اور اللہ نے اسے شہادت دے کر اس کی خواہش پوری کردی۔

پنجاب کے ضلع سرگودھا کے  نواحی علاقے بھاگٹانوالہ میں دل دہلا دینے والا واقعہ پیش آیا جہاں ایک شخص نے مبینہ طور پر اپنی بیوی اور پانچ بچوں کو قتل کر دیا۔

پولیس کے مطابق تھانہ بھاگٹانوالہ کی حدود چک 25 جنوبی میں ملزم یاسین ملاح نے کلہاڑی کے وار کر کے اپنی بیوی اور بچوں کو قتل کیا۔ جاں بحق ہونے والوں میں ملزم کی بیوی فرخندہ، 18 سالہ بیٹی نور فاطمہ، 14 سالہ بیٹا علی حسن، 11 سالہ طیب، دو سالہ حسنین اور ایک سالہ بیٹا شامل ہیں۔

پولیس کا کہنا ہے کہ ملزم نے واردات کے بعد خود کو بھی زخمی کر لیا جسے تشویشناک حالت میں اسپتال منتقل کر دیا گیا ہے۔

ریسکیو ذرائع کے مطابق تمام لاشوں اور زخمی ملزم کو ڈی ایچ کیو اسپتال منتقل کیا جا رہا ہے۔

پولیس کے مطابق واقعے کی ابتدائی رپورٹ موصول ہو چکی ہے اور مزید تحقیقات جاری ہیں، جبکہ واقعے کی وجوہات جاننے کے لیے یہ بھی دیکھا جا رہا ہے کہ آیا معاملہ گھریلو تنازعہ تھا یا ملزم ذہنی دباؤ کا شکار تھا۔

اس دلخراش سانحے کے بعد علاقے میں فضا سوگوار ہو گئی۔

تھانہ بھاگٹانوالہ پولیس نے باپ کے ہاتھوں قتل ہونے والے 6 افراد کے واقعہ کا مقدمہ درج کرلیا گیا، مقدمہ مقتولہ کے بھائی کی مدعیت میں درج کیا گیا، شوہر کی طرف سے بیوی اور 5 بچوں کا قتل ناجائز تعلقات کے شبہ کی بنا پر کیا گیا۔

پولیس نے پوسٹمارٹم کے بعد لاشیں مقتولین کے چچا کے حوالے کر دیں، 6 افراد کی نماز جنازہ چک 25جنوبی میں ادا کی جائیگی۔

پولیس رپورٹ میں مزید کہا گیا کہ شوہر نے ‘غیرت کے نام پر’ یہ اقدام کیا کیونکہ اسے اپنی بیوی اور بیٹی پر ایک شخص کے ساتھ ناجائز تعلقات رکھنے کا شبہ تھا۔

تھانہ مورگاہ کے علاقے میں 10 روز قبل  ہسپتال کے میڈیکل سٹور سے ادویات چوری ہونے کا ڈراپ سین،ہسپتال کے ورکرز ہی چوری میں ملوث نکلے،6 گرفتار کرلیے گیے.

پولیس کے مطابق زکریا شعیب نے بتایا کہ  ہسپتال کے میڈیکل سٹور پر انچارج ہوں حسب معمول میڈکل سٹور بند کرکے گئے، اگلے دن اسٹور کا ریکارڈ کیا تو انتہائی قیمتی اسٹاک جس قیمتی انجکشن اور دیگر ادویات شامل ہیں غائب تھیں۔

پولیسں نے مقدمہ درج کرکے تفتیش شروع کی تو ابتدائی تفتیش میں تانے بانے اندر سے ہی کسی کے شامل ہونے کے شواید ملے۔

پولیس نے چند ملازمین مشکوک ملازمین کو شامل تفتیش کیا تو تمام کڑیاں کھلتی چلی گی جس پر پولیس نے ہسپتال کے چھ ملازمین کو گرفتار کرکے چوری شدہ ادوایات لاکھوں روپے مالیت کی بھاری مقدار میں ادویات و انجیکشن، اور  انجیکشن کی فروخت سے حاصل ہونے والی 1 لاکھ 70 ہزار روپے کی  رقم اور ادوایات اور واردات میں استعمال ہونے والا موٹر سائیکل برآمد کرلیا۔

پولیس  حکام کے مطابق ہسپتال کے ورکرز نے اپنے ساتھی کے ساتھ ملکر کر چوری کی واردات کی تھی، جس کو مورگاہ پولیس نے ٹیکنیکل و ہیومن انٹیلیجنس ذرائع بروئے کار لاتے ہوئے 5 ورکرز اور ان کے ساتھی کو گرفتار کر لیا۔

ایس پی پوٹھوہار سردار بابر ممتاز کا کہنا تھا کہ ملزمان  کو ٹھوس شواہد کے ساتھ چالان کیا جائے گا۔