پاکستان پیپلز پارٹی کے چیئرمین بلاول بھٹو زرداری سے سندھ کے سینئر وزیر شرجیل انعام میمن نے بلاول ہاؤس میں ملاقات کی۔

ملاقات کے دوران سندھ کے سینئر صوبائی وزیر برائے اطلاعات و نشریات، ٹرانسپورٹ و ماس ٹرانزٹ نے پی پی پی چیئرمین کو محکمہ ٹرانسپورٹ کی کارکردگی پر بریفنگ دی۔

شرجیل انعام میمن نے بریفنگ میں بتایا کہ کراچی میں عوام کی سہولت کے لیے گلشن معمار سے ٹاور تک الیکٹرک بسوں کا نیا روٹ شروع کیا جا رہا ہے۔

انہوں نے مزید کہا کہ پیپلز بس سروس کے تحت ٹنڈو الہ یار سے حیدرآباد، شکارپور اور سکھر اور خیرپور اور روہڑی کے درمیان بھی بسیں چلیں گی۔



Source link

آپریشن غضب للحق کے تحت سیکیورٹی فورسز کی باجوڑ اور کرم سیکٹرز میں پاک فوج کی افغان طالبان اور فتنہ الخوارج کے خلاف کارروائیاں جاری ہیں۔ 

 سیکیورٹی ذرائع کے مطابق پاک فوج کی جانب سے افغان طالبان اور فتنہ الخوارج کے خلاف “آپریشن غضب للحق” کے تحت باجوڑ اور کرم سیکٹرز میں فیصلہ کن جوابی کارروائیاں جاری ہیں۔

ذرائع کے مطابق باجوڑ سیکٹر میں پاک افغان سرحد سے ملحقہ علاقوں میں پاک فوج نے بھرپور کارروائی کرتے ہوئے افغان طالبان کی متعدد پوسٹوں کو تباہ کر دیا۔

کارروائی کے دوران پاک فوج نے گائیڈڈ میزائلوں کے ذریعے بھی سرحد پار موجود ٹھکانوں کو نشانہ بنایا، سیکیورٹی ذرائع کا کہنا ہے کہ ان کارروائیوں کا مقصد سرحدی علاقوں میں دہشت گرد عناصر اور ان کے سہولت کاروں کی موجودگی کو ختم کرنا ہے۔

دوسری جانب کرم سیکٹر میں بھی پاک افواج نے افغان طالبان اور فتنہ الخوارج کے اہم ٹھکانوں کو نشانہ بنایا۔ ذرائع کے مطابق موثر کارروائی کے نتیجے میں متعدد پوسٹیں تباہ ہوگئیں جبکہ کئی خارجی ہلاک اور دیگر فرار ہونے پر مجبور ہوگئے۔

سیکیورٹی ذرائع کے مطابق آپریشن ’’غضب للحق‘‘ اپنے اہداف کے حصول تک جاری رہے گا اور سرحدی علاقوں میں دہشت گرد عناصر کے خلاف کارروائیاں بلا تعطل جاری رکھی جائیں گی۔



Source link

بینگالورو کے ایم چناسوامی اسٹیڈیم کو آئی پی ایل 2026 کے میچز کی میزبانی کے لیے کلین چٹ مل گئی۔

کرک انفو کے مطابق اس کا اطلاق فوری طور پر ہوگا اور رواں آئی پی ایل سیزن کا اوپنر (جو رائل چیلنجرز بینگالورو اور سن رائزرز حیدرآباد کے درمیان 28 مارچ کو کھیلا جائے گا)، ایک پلے آف گیم اور فائنل کھیلا جائے گا۔

کرناٹکا کے وزیر داخلہ کی اپوائنٹ کی گئی ایک کمیٹی نے جمعے کے روز اسٹیڈیم کا تفصیلی جائزہ لیا۔ جائزے میں متعدد چیزوں کو پرکھا گیا جس میں ہجوم کو کنٹرول کرنے کی صلاحیت میں اضافہ شامل ہے۔

پیر کےروز کرناٹکا استیٹ کرکٹ ایسوسی ایشن کے حکام، آر سی بی کے اعلیٰ عہدے دار اور ماہرین کی کمیٹی جس کی سربراہی جی مہیشور راؤ نے کی، نے اسٹیڈیم کو حتمی منظوری کی۔

واضح رہے چناسوامی اسٹیڈیم آر سی بی کے پانچ ہوم میچز کی میزبانی کرے گا۔



Source link