ماہرینِ صحت کے مطابق چند عادات ایسی ہیں جو مجموعی صحت، لمبی عمر اور بیماریوں سے بچاؤ میں بہت بڑا کردار ادا کرتی ہیں۔

یہاں 5 سب سے زیادہ اہم اور صحت مند عادات دی جا رہی ہیں:

متوازن اور صحت مند غذا

روزانہ ایسی غذا کھائیں جس میں سبزیاں اور پھل، پروٹین (دالیں، انڈے، مچھلی)، صحت مند چکنائیاں اور مکمل اناج شامل ہو۔

یہ عادت بیماریوں جیسے ذیابیطس ، دل کی بیماری اور موٹاپے کے خطرے کو کم کرتی ہے۔

باقاعدہ ورزش

کم از کم 30 منٹ روزانہ جسمانی سرگرمی بہت فائدہ دیتی ہے۔ مثال کے طور پر پیدل چلنا، جوگنگ اور سائکلنگ۔ یہ دل کو مضبوط کرتی ہے اور ذہنی صحت بھی بہتر بناتی ہے۔

مناسب اور مکمل نیند

ہر بالغ انسان کو تقریباً 6–8 گھنٹے نیند لینا چاہیے۔ کم نیند سے دل کی بیماری اور ڈپریشن کا خطرہ بڑھ سکتا ہے۔ اچھی نیند دماغ اور جسم دونوں کی بحالی کے لیے ضروری ہے۔

ذہنی دباؤ کو کنٹرول کرنا

لمبے عرصے تک اسٹریس صحت کو نقصان پہنچاتا ہے۔ اس کے لیے مراقبہ، گہری سانس لینا اور قدرتی ماحول میں وقت گزارنا، یہ دماغ کو پرسکون رکھتا ہے اور توجہ بہتر کرتا ہے۔

تمباکو اور نقصان دہ عادات سے پرہیز

تمباکو نوشی اور نشہ بہت سی خطرناک بیماریوں کا سبب بنتے ہیں، مثلاً پھیپڑوں کا کینسر اور دیگر پھیپڑوں سے متعلق بیماریوں کا۔

ان سے دور رہنا صحت مند زندگی کی بنیادی شرط ہے۔

BAGHDAD:

امریکی سفارتخانہ بغداد کو ڈرون اور راکٹ حملوں کی شدید لہر کا نشانہ بنایا گیا ہے، جسے حالیہ عرصے کا سب سے بڑا اور شدید حملہ قرار دیا جا رہا ہے۔

غیر ملکی خبر رساں اداروں  اور فرانسیسی پریس ایجنسی کے مطابق عراقی سکیورٹی ذرائع نے بتایا ہے کہ حملہ اتنا شدید تھا کہ اسے حالیہ حملوں کے آغاز کے بعد سب سے بڑا حملہ سمجھا جا رہا ہے۔

رپورٹس کے مطابق حملوں سے چند گھنٹے قبل ہی امریکہ کے سفارتخانے نے عراق میں موجود اپنے شہریوں کے لیے سکیورٹی الرٹ جاری کیا تھا۔

الرٹ میں خبردار کیا گیا تھا کہ ایران سے منسلک عسکریت پسند گروہ بار بار انٹرنیشنل زون بغداد کو نشانہ بنا رہے ہیں۔

تاحال حملوں میں جانی یا مالی نقصان کی مکمل تفصیلات سامنے نہیں آئیں، تاہم سکیورٹی فورسز نے علاقے کو گھیرے میں لے لیا ہے اور صورتحال پر کڑی نظر رکھی جا رہی ہے۔