لاہور میں گھریلو ناچاقی پر ایک شہری نے فائرنگ کرکے بیوی اور بیٹی کو زخمی اور بیٹے کو قتل کرکے خودکشی کرلی۔

تفصیلات کے مطابق ڈیفنس اے، میں گھریلو نا چاقی پر سرفراز نے فائرنگ سے بیوی شہناز، بیٹی فاطمہ کو زخمی اور بیٹے عبداللہ کو قتل کر کے خود کشی کرلی۔

ایس پی کینٹ، اے ایس پی ڈیفنس بھاری نفری کے ہمراہ فوری موقع پر پہنچ گئے۔ زخمی شہناز اور فاطمہ کو طبی امداد کے لیے فوری ہسپتال منتقل کیا گیا جہاں اُن کا علاج جاری ہے۔

دوسری جانب لاش تحویل میں لیکر پوسٹمارٹم کے لیے ڈیڈ ہاؤس منتقل کردی گئی ہے، ایس پی کینٹ کا کہنا تھا کہ واقوعے کی تمام پہلوؤں کو مد نظر رکھتے ہوئے تحقیقات کی جا رہی ہیں۔

ایس پی کینٹ اختر نواز نے کہا کہ مزید کاروائی حسب ضابطہ عمل میں لائی جا رہی ہے۔

 قائدآباد پولیس اور قانون نافذ کرنے والے حساس ادارے نے سواتی محلے میں مشترکہ کارروائی کی جس میں ملزم ندیم احمد گرفتار کرلیا گیا جس سے 10 کلو سے زائد چرس ، ایک آئی فون  15 پرو میکس  اور 32 ہزار روپے کیش رقم برآمد ہوا۔ 

تفصیلات کے مطابق ملزم ندیم منشیات فروشی کے نیٹ ورک کا اہم کارندہ ہے اور مختلف علاقوں میں روپوش رہتا تھا۔

ملزم اکثر خفیہ مقامات پر رہائش اختیار کرتا اور گرفتاری سے بچنے کے لیے جگہ بدلتا رہتا تھا۔ سال 2010 میں ملزم کو ملیر پولیس نے  منشیات فروشی میں ملوث ہونے پر گرفتار کیا تھا۔

سال 2017 میں ملزم ندیم منشیات کے خفیہ نیٹ ورک چلا رہا تھا ، جسے ٹارگٹڈ کارروائی میں  گرفتار کیا تھا۔ ملزم نے انکشاف کیا کہ موبائل نیٹ ورک کے ذریعے اپنے منشیات فروشی کے نیٹ ورک کی سرپرستی کرتا تھا۔

ملزم منشیات کے نیٹ ورک کو چلانے کے لیے مختلف قسم کے موبائل فون نیٹ ورکس استعمال کرتا اور منشیات کی اسمگلنگ اور فروخت کرواتا تھا۔

لنڈیکوتل میں بارش کے باعث کمرے کی چھت گرگئی جس کے نتیجے میں 06 افراد ملبے تلے دب گئے۔

ریسکیو1122 کے مطابق خیبر کنٹرول روم کو اطلاع ملتے ہی امدادی ٹیمیں موقعے کی جانب روانہ کی گئیں۔

جائے وقوعہ پر مقامی افراد اور ریسکیو 1122 ٹیموں نے زخمیوں نکال کر ہسپتال منتقل کیا۔

مزید برآں ریسکیو1122 میڈیا سیل خیبر نے ملبے تلے افراد میں سے ایک خاتون کے جاں بحق ہونے کی تصدیق کردی ہے۔