سندھ کی سیاسی قیادت کہاں عید منائے گی؟ تفصیلات سامنے آگئیں۔

آصف علی زرداری نواب شاہ میں عید منائیں گے، بلاول بھٹو زرداری نوڈیرو، لاڑکانہ میں عید منائیں گے جبکہ فریال تالپور بھی نوڈیرو ہاؤس میں عید منائیں گی، مراد علی شاہ عید سیہون شریف میں منائیں گے۔

وزیر زراعت محمد بخش مہر گھوٹکی میں عید منائیں گے جبکہ سینئر وزیر اطلاعات شرجیل میمن ٹنڈو جام میں عید منائیں گے، وزیر بلدیات ناصر حسین شاہ روہڑی، سکھر میں عید منائیں گے جبکہ وزیر آبپاشی جام خان شورو حیدرآباد میں عید منائیں گے۔

وزیر محنت سعید غنی کراچی میں عید منائیں گے جبکہ وزیر تعلیم سید سردار علی شاہ عمرکوٹ میں عید منائیں گے۔وزیر صحت عذرا فضل پیچوہو نواب شاہ میں عید منائیں گی جبکہ وزیر یونیورسٹیز اینڈ بورڈز اسماعیل راہو بدین میں عید منائیں گے۔

وزیر لائیو اسٹاک محمد علی ملکانی سجاول میں عید منائیں گے جبکہ اسپیکر سندھ اسمبلی سید اویس شاہ سکھر میں عید منائیں گے۔ وزیر خوراک مخدوم محبوب الزماں مٹیاری میں عید منائیں گے۔

مزید برآں منظور وسان اور سابق وزیراعلیٰ سید قائم علی شاہ خیرپور میں عید منائیں گے۔

پی ٹی اے کی جانب سے سی ایم اوز کو این جی ایم ایس/5G لائسنس جاری: ملک بھر میں مرحلہ وار 5G سروسز کا آغاز ہوگیا۔

پاکستان ٹیلی کمیونیکیشن اتھارٹی (پی ٹی اے) کی جانب سے سیلولر موبائل آپریٹرز (سی ایم اوز) یعنی جاز، یوفون اور زونگ کو باضابطہ طور پر پاکستان بھر میں 5G سروسز کے آغاز کی اجازت دے دی گئی ہے۔

ابتدائی مرحلے میں صارفین کو بہتر اور معیاری سہولت فراہم کرنے کے لیے تمام سی ایم اوز 5G سروسز کا اجرا مرحلہ وار کریں گے صارفین کی آگاہی اور بہتر سہولت کی فراہمی کے لیے تمام سی ایم اوز اپنی سرکاری ویب سائٹس پر ان علاقوں کی تازہ فہرست جاری کریں گے جہاں 5G سروس دستیاب ہوگی۔

اس کے ساتھ ساتھ ان 5G موبائل فونز کی تفصیلات بھی فراہم کی جائیں گی جو پاکستان میں اس سروس کے ساتھ مطابقت رکھتے ہیں۔

اس مرحلے میں معروف کمپنیوں کے وہ 5G اسمارٹ فون ماڈلز جو جاری کردہ فہرست میں شامل ہوں گے، متعلقہ کوریج والے علاقوں میں 5G سروسز استعمال کرنے کے قابل ہوں گے۔ تاہم، سروس کی دستیابی کا انحصار اس ایریا، نیٹ ورک کی موجودگی اور ڈیوائس کی مطابقت پر ہوگا۔

صارفین کو مشورہ دیا جاتا ہے کہ بہتر کارکردگی کے لیے اپنے موبائل فون میں 5G سیٹنگ فعال کریں اور ڈیوائس کو تازہ ترین آپریٹنگ سسٹم پر اپڈیٹ رکھیں پی ٹی اے ملک بھر میں جدید 5G ٹیکنالوجی کی شفاف اور مؤثر فراہمی کے لیے پُرعزم ہے۔