راولپنڈی میں گھر سے پراسرار طور پر غائب ہونے والی سولہ سالہ بچی سے 25 سالہ شخص کی شادی کا انکشاف  تھانہ رتہ امرال پولیس نے  بچی کی والدہ کی درخواست پر چائلڈ میرج ایکٹ اور اعانت جرم کی دفعات کے تحت مقدمہ درج کرلیا۔

پولیس کے مطابق میلاد نگر کی رہائشی مسماتہ شمیم اختر نے موقف اختیار  کیا،21 فروری 2026  کو سولہ سالہ بیٹی ستر ہزار نقدی ،طلائی چین اور موبائل سمیت لاپتہ ہوئی  کچھ دن قبل مسماتہ عابدہ بی بی نے فون کرکے بتایا کہ اسکے 25 سالہ بیٹے زاہد سفیر نے میری بیٹی کو ورغلا کر نکاح کرلیا ہے۔

پھر شہزاد ،مسماتہ اقراء و زاہد کے ماموں خالد وغیرہ مختلف فون نمبروں سےکالیں کرکے دھمکیاں دیتے ہیں کہ پولیس رپورٹ کی تو بیٹی سمیت دیگر بچوں کو مار دیں گے۔

ملزمان کے خلاف مقدمہ درج کیا جایے پولیس نے ملزم کے خلاف چائلڈ میرج ایکٹ سمیت اعانت جرم کے تحت مقدمہ درج کر کے  تفتیش  شروع کردی ہے۔

ایران کی پارلیمنٹ کے اسپیکر محمد باقر قالیباف نے دعویٰ کیا ہے کہ ایران نے امریکی اسٹیلتھ طیارے ایف تھرٹی فائیو کو نشانہ بنایا ہے۔

انہوں نے سوشل میڈیا پلیٹ فارم ایکس پر بیان دیتے ہوئے کہا کہ ایف تھرٹی فائیو کو امریکی فوجی طاقت اور برتری کی علامت سمجھا جاتا تھا، تاہم ایران نے اسے ہدف بنا کر اس تاثر کو چیلنج کیا ہے۔

قالیباف کے مطابق یہ واقعہ ایک اہم موڑ ہے اور پہلی بار اس نوعیت کے جدید طیارے کو نشانہ بنایا گیا ہے۔

دوسری جانب امریکی میڈیا رپورٹس میں کہا گیا ہے کہ ایک ایف تھرٹی فائیو طیارے کو مبینہ طور پر نشانہ بنائے جانے کے بعد مشرقِ وسطیٰ میں قائم امریکی فضائی اڈے پر ہنگامی لینڈنگ کرنا پڑی۔

تاہم اس حوالے سے امریکی حکام کی جانب سے مکمل تفصیلات یا باضابطہ تصدیق سامنے نہیں آئی، جبکہ ماہرین کا کہنا ہے کہ اس طرح کے دعوؤں کی آزادانہ تصدیق ضروری ہوتی ہے۔

نیوزی لینڈ نے تیسرے ٹی ٹوئنٹی میچ میں جنوبی افریقا کو 9 وکٹوں سے شکست دے دی۔

آکلینڈ کے ایڈن پارک میں کھیلے گئے میچ میں نیوزی لینڈ نے ٹاس جیت کر جنوبی افریقا کو پہلے بیٹنگ کرنے کی دعوت دی۔

جنوبی افریقا نے مقررہ 20 اوورز میں 9 وکٹوں کے نقصان پر 136 رنز بنائے، نکوبانی موکوئینا ناٹ آؤٹ 26 اور جارج لنڈے 23 رنز بناکر نمایاں رہے۔

نیوزی لینڈ کی جانب سے کائل جیمیسن، بین سیئرز اور مچل سینٹنر نے 2، 2 جبکہ لوکی فرگیوسن، کول میکونکی اور جمی نیشم نے ایک ایک وکٹ حاصل کی۔

نیوزی لینڈ نے ہدف باآسانی 16.2 اوورز میں 2 وکٹوں کے نقصان پر حاصل کرلیا۔ ٹام لیتھم 63 رنز بناکر ناقابل شکست رہے۔

جنوبی افریقا کی جانب سے کیشو مہاراج اور لوتھو سپاملا نے ایک ایک وکٹ حاصل کی۔

اس فتح کے ساتھ نیوزی لینڈ کو پانچ ٹی ٹوئنٹی میچز کی سیریز میں 1-2 کی برتری حاصل ہوگئی ہے۔