ہالی ووڈ کے معروف اور سینئر اداکار چک نورس 86 برس کی عمر میں انتقال کرگئے ہیں۔ ان کے انتقال کی خبر سامنے آنے کے بعد دنیا بھر میں ان کے مداحوں میں غم کی لہر دوڑ گئی۔

اداکار چک نورس 1970 اور 1980 کی دہائیوں میں ایکشن فلموں کے ذریعے شہرت کی بلندیوں پر پہنچے۔ انہوں نے مارشل آرٹس کے میدان میں بھی اپنی الگ پہچان بنائی اور فلمی دنیا میں اپنی منفرد اداکاری سے ناظرین کے دل جیتے۔

انہیں عالمی شہرت اس وقت ملی جب انہوں نے لیجنڈری اداکار بروس لی کے ساتھ مشہور فلم وے آف دا ڈریگن میں کام کیا جس میں ان کی فائٹ سینز کو بے حد سراہا گیا۔

1980 کی دہائی میں ان کی فلم مسنگ ان ایکشن نے غیر معمولی کامیابی حاصل کی جو ویتنام جنگ کے پس منظر میں امریکی حب الوطنی کے موضوع پر بنائی گئی تھی۔

اس کے علاوہ ان کی فلم ڈیلٹا فورس اور مقبول ٹی وی سیریز واکر ٹیکساس رینجر بھی شائقین میں بے حد مقبول رہیں۔

چک نورس کو ایکشن فلموں کے عہد کا ایک نمایاں ستارہ سمجھا جاتا ہے اور ان کی خدمات کو ہمیشہ یاد رکھا جائے گا۔



Source link

Source link

وزیراعظم شہباز شریف نے ازبکستان کے صدر سے ٹیلی فونک رابطہ کیا اور دونوں رہنماؤں نے ایک دوسرے کو عید الفطر کی مبارک باد پیش کی ہے۔

وزیراعظم پاکستان محمد شہباز شریف نے جمہوریہ ازبکستان کے صدر شوکت مرزیایوف سے ٹیلیفون پر گفتگو کی اور عیدالفطر کے مبارک موقع پر تہنیتی پیغامات کا تبادلہ کیا۔

باہمی گرمجوش گفتگو کے دوران وزیراعظم نے صدر ازبکستان اور برادر عوام کے لیے دلی نیک تمناؤں کا اظہار کیا، جسے ازبک صدر نے نہایت خلوص کے ساتھ قبول کیا اور وزیر اعظم کے لئے بھی نیک خواہشات کا اظہار کیا.

دونوں رہنماؤں نے گزشتہ ماہ صدر ازبکستان کے دورۂ پاکستان کے انتہائی کامیاب نتائج پر اطمینان کا اظہار کیا۔

وزیراعظم نے کہا کہ دونوں رہنماؤں کے درمیان طے پانے والے اہم فیصلوں پر باقاعدہ پیش رفت سے دوطرفہ تعلقات مزید مستحکم ہوں گے۔

دونوں رہنماؤں نے ایران اور خلیجی خطے میں جاری کشیدگی پر بھی تبادلہ خیال کیا اور اس بات پر زور دیا کہ فوری طور پر کشیدگی میں کمی لائی جائے اور تمام تنازعات کے حل کے لیے مکالمے اور سفارتکاری کو فروغ دیا جائے۔



Source link