حکومت نے پیٹرولیم مصنوعات کے حوالے سے بڑا فیصلہ کرتے ہوئے لگژری گاڑیوں میں استعمال ہونے والی ہائی آکٹین کی فی لیٹر قیمت میں 200 روپے لیوی کا اضافہ کردیا۔

وزیراعظم آفس سے جاری اعلامیے کے مطابق وزیراعظم شہباز شریف کی زیر صدارت وڈیو لنک اجلاس میں امیر ترین طبقے کے زیر استعمال پرتعیش (لگژری) گاڑیوں میں استعمال ہونے والے ہائی آکٹین فیول کے حوالے سے اہم فیصلہ کیا گیا۔

وزیراعظم نے نوٹس لیا کہ مہنگی ترین گاڑیوں میں استعمال ہونے والے ہائی آکٹین فیول پر لیوی بڑھنی چاہیے اور امیر ترین طبقے کے زیر استعمال لگژری گاڑیوں پر موجودہ 100 روپے فی لیٹر لیوی میں 200 روپے مزید فی لیٹر اضافے کا فیصلہ کر دیا، جس کے بعد مہنگی ترین گاڑیوں میں استعمال ہونے والے ہائی آکٹین فیول پر اب سے 300 روپے فی لیٹر لیوی کا اطلاق ہوگا۔

اعلامیے کے مطابق اس فیصلے سے حکومت کو 9 ارب روپے ماہانہ بچت ہوگی اور وزیراعظم کی ہدایت کے مطابق عوام کو اس بچت سے ریلیف دیا جائے گا، اس فیصلے سے معیشت پر بوجھ کم ہوگا اور ملک کا امیر ترین طبقہ بوجھ اٹھائے گا۔

اس حوالے سے بتایا گیا کہ جہاں نچلے اور درمیانے طبقے کے زیر استعمال عام گاڑیوں میں استعمال ہونے والے ایندھن کی قیمتیں نہیں بڑھائی گئی جبکہ صرف لگژری گاڑیوں میں استعمال ہونے والے ہائی آکٹین فیول کی قیمت بڑھائی گئی ہے، اور اس فیصلے سے پبلک ٹرانسپورٹ اور ہوائی جہازوں کے کرایوں میں کوئی اضافہ نہیں ہو گا۔

مزید بتایا گیا کہ ہائی آکٹین کی قیمتوں کے حوالے سے وزیراعظم نے نوٹس لیا تھا اور متعلقہ وزارت کو اس حوالے سے لائحہ عمل تیار کرنے کی ہدایت کی تھی۔



Source link

128 سال  بعد اولمپکس  میں شامل کیے جانے والے کرکٹ مقابلوں کی تیاری کے لیے میجر لیگ کرکٹ کا انعقاد ہوگا، لاس اینجلس اولمپکس2028  کے میزبان  امریکا  کے شہر کیلیفورنیا میں پہلی مرتبہ میجر لیگ کرکٹ  کھیلی جائے گی۔

نائٹ  رائیڈرز کرکٹ فیلڈ میں 5 میچز کا آغاز یکم جولائی  کو لاس اینجلس نائٹ رائیڈرز اور واشنگٹن فریڈم  کے درمیان مقابلے سے ہوگا، لیگ میں 4 جولائی کو امریکا کے 250 ویں جشن آزادی کی  سالگرہ کے موقع پر بھی کرکٹ میچز ہوں گے۔

 لیگ کے سربراہ جانی گریو کا کہنا ہے کہ ایم ایل سی کا انعقاد امریکا میں کرکٹ کی ترقی کے لیے ایک بہت بڑا سنگ میل ہے، لیگ کے پومونا فیئر گراونڈز لاس اینجلس اولمپکس2028  کے کرکٹ ایونٹ کا مرکز ہوں گے۔

 واضح رہے کہ  آخری مرتبہ پیرس اولمپکس 1900 میں کرکٹ ایونٹ میں برطانیہ اور میزبان فرانس کی ٹیموں نے حصہ لیا تھا جبکہ  برطانیہ نے کامیابی حاصل کی تھی۔

لاس اینجلس اولمپکس2028 کے ٹی ٹوئنٹی کرکٹ  مقابلوں  میں مرد اور خواتین کی 6، 6 ٹیمیں شرکت کریں گی۔



Source link

پاکستان سپر لیگ (پی ایس ایل) 11 سے قبل کراچی کنگز نے اپنے اسکواڈ کو مزید مضبوط بنانے کے لیے ابھرتے ہوئے نوجوان بلے باز ہارون ارشد کو ٹیم میں شامل کرلیا۔

میڈیا رپورٹس کے مطابق ہارون ارشد کو پاکستان انڈر 19 ٹیم میں شاندار کارکردگی اور ڈومیسٹک کرکٹ میں عمدہ کھیل کی بنیاد پر منتخب کیا گیا۔ کراچی کنگز نے سوشل میڈیا پر نوجوان کھلاڑی کو خوش آمدید کہتے ہوئے ان کے مستقبل کے لیے نیک خواہشات کا اظہار بھی کیا۔

20 سالہ بیٹر نے حالیہ عرصے میں ڈومیسٹک کرکٹ میں متاثرکن کارکردگی دکھائی جہاں انہوں نے فرسٹ کلاس کرکٹ میں تین سنچریاں اسکور کیں، جبکہ مختصر فارمیٹ میں بھی اچھی اوسط اور اسٹرائیک ریٹ کے ساتھ اپنی صلاحیتوں کا لوہا منوایا۔

رپورٹ کے مطابق کراچی کنگز نے اسکواڈ میں یہ تبدیلی غیر ملکی کھلاڑی جانسن چارلس کی دستبرداری کے بعد کی جن کی جگہ جنوبی افریقا کے رییزا ہینڈرکس کو بھی ٹیم میں شامل کیا گیا ہے۔

واضح رہے کہ پاکستان سپر لیگ 2026 کا آغاز 26 مارچ سے ہوگا جس میں آٹھ ٹیمیں حصہ لیں گی اور ایونٹ 3 مئی تک جاری رہے گا۔



Source link