ایران کی پارلیمنٹ کے رکن علاالدین بروجردی نے کہا ہے کہ ایران نے آبنائے ہرمز سے گزرنے والے متعدد جہازوں سے تقریباً 20 لاکھ ڈالر بطور ٹرانزٹ فیس وصول کی ہے۔

ایرانی پارلیمنٹ کی قومی سلامتی اور خارجہ پالیسی کمیٹی کے رکن علا الدین بروجردی نے ایک ٹی وی پروگرام میں بتایا کہ ہیں ایران نے 47 سال بعد آبنائے ہرمز پر خودمختاری کا ایک نیا تصور قائم کیا ہے اور اب چند جہازوں سے گزرنے کے لیے 20 لاکھ ڈالر وصول کیے جاتے ہیں۔

انہوں نے کہا کہ آبنائے ہرمز سے گزرنے والے بعض جہازوں سے 20 لاکھ ڈالر کی ٹرانزٹ فیس وصول کرنا ایران کی طاقت کی عکاسی کرتا ہے۔

واضح رہے کہ ایران نے مارچ کے آغاز سے ہی مؤثر طور پر آبنائے ہرمز کو زیادہ تر جہازوں کے لیے بند کر دیا ہے، جو تیل کی ترسیل کا ایک اہم راستہ ہے اور جہاں سے عام طور پر روزانہ تقریباً 2 کروڑ بیرل تیل اور دنیا کی ایل این جی کی تجارت کا تقریباً 20 فیصد گزرتا ہے۔

ایران کی جانب سے اس بندش کے باعث شپنگ اور انشورنس کے اخراجات میں اضافہ ہوا ہے، تیل کی قیمتیں بڑھ گئی ہیں اور عالمی معیشت کے حوالے سے خدشات پیدا ہو گئے ہیں۔

ایران پر امریکا اور اسرائیل کی جانب سے 28 فروری کو شروع کیے گئے حملوں کے نتیجے میں آبنائے ہرمز میں تعطل آیا ہے جبکہ ایران پر حملوں میں سپریم لیڈر آیت اللہ علی خامہ ای اور پاسداران انقلاب کے اعلیٰ کمانڈرز سمیت اہم شخصیات کی شہادت بھی ہوئی ہے اور اب تک 1300 سے زائد افراد شہید ہوچکے ہیں، ان میں ایک اسکول پر ہونے والی بمباری میں ڈیڑھ سو زائد بچوں کی شہادت بھی شامل ہے۔

ایران نے جواب میں اسرائیل اور متحدہ عرب امارات، اردن، عراق اور سمیت خلیجی ممالک ممالک میں قائم امریکی مراکز پر ڈرون اور میزائل حملے کیے ہیں، جس سے جانی نقصان، انفرا اسٹرکچر بھی تباہ ہوا ہے، اس کے علاوہ عالمی منڈیوں اور فضائی سفر میں بھی خلل پیدا ہوا ہے۔



Source link

برطانیہ میں شادی کے وینیو پر فلور ٹوٹنے کے باعث 70 افراد بیس منٹ میں پھنس گئے، جبکہ چھ افراد زخمی ہوگئے۔

یہ واقعہ نیو ہیمپشائر کے علاقے ٹیمورتھ میں موجود ایک شادی ہال دی پریزرو میں پیش آیا جہاں 140 کے قریب افراد شریک تھے۔

ہال کا فلور ٹوٹنے سے 20 فٹ چوڑا اور 20 فٹ سوراخ ہو گیا اور لوگ آٹھ فٹ گہرے بیس منٹ میں گر گئے اور اوپر سے گرنے والے بیم کی وجہ سے پھنس گئے۔

ریسکیو ذرائع کے پہنچنے سے قبل موقع پر موجود افراد نے کچھ پھنسے ہوئے لوگوں کو نکال لیا۔

ریسکیو عملے کا کہنا تھا کہ موقع پر 145 کے قریب افراد تھے۔ بیس منٹ میں پھنسے لوگوں کو محتاط انداز میں نکالا جا رہا ہے۔



Source link

پاکستان اسپیس اینڈ اپر ایٹموسفیئر ریسرچ کمیشن (سپارکو) نے موسمیاتی تبدیلیوں سے نمٹنے اور ماحولیاتی استحکام کو فروغ دینے کے لیے ‘اسپیس فار کلائمیٹ’ انیشی ایٹو کا آغاز کر دیا۔

پاک فوج کے شعبہ تعلقات عامہ (آئی ایس پی آر) سے جاری اعلامیے کے مطابق اسپیس فار کلائیمٹ منصوبے کا مرکزی حصہ جیو اے آئی سے لیس کلائمیٹ آبزرویٹری ہے، جو ایک جدید ڈیجیٹل پلیٹ فارم پر مشتمل ہے۔

بیان میں کہا گیا کہ یہ پلیٹ فارم سیٹلائٹ ڈیٹا، جغرافیائی تجزیات اور ماڈلنگ کو یکجا کر کے پالیسی سازوں، محققین اور متعلقہ اداروں کو قابل عمل معلومات فراہم کرے گا، یہ نظام فضائی آلودگی  گرین ہاؤس گیسز جنگلات، گلیشیئرز، ساحلی علاقوں، دریاؤں اور زمین کے استعمال کی مسلسل نگرانی کرے گا۔

آئی ایس پی آر نے بتایا کہ یہ پلیٹ فارم موسمیاتی خطرات جیسے سیلاب، خشک سالی، ہیٹ ویوز، سمندری سطح میں اضافہ اور گلیشیئر جھیل کے اچانک پھٹنے جیسے واقعات کی پیشی نشان دہی اور مانیٹرنگ میں بھی معاون ہوگا۔

مزید بتایا گیا کہ اسپیس بیسڈ اور زمینی ڈیٹا کے امتزاج سے یہ اقدام شواہد پر مبنی پالیسی سازی اور پائیدار ترقی کو فروغ دے گا، جس سے پاکستان کے موسمیاتی ایجنڈے کو عالمی کوششوں کے مطابق آگے بڑھانے میں مدد ملے گی۔



Source link