تھانہ آراے بازار پولیس نے کارروائی کرتے ہوئے لفٹ کے بہانے اپنی گاڑی میں بٹھا کر شہریوں کو لوٹنے والا  شخص گرفتار کرلیا ہے۔

تفصیلات کے مطابق 25 لاکھ روپے مالیت کے 5 تولہ  طلائی زیورات، نقدی 4 لاکھ 61 ہزار 330 روپے اور وارداتوں میں استعمال ہونے والا اسلحہ برآمد کرلیا گیا۔

ملزم کے زیر استعمال کار بھی قبضہ پولیس میں لی گئی ہے۔ زیر حراست شخص نے چند روز قبل خاتون سے طلائی زیورات اور نقدی چھینی تھی جبکہ دوسری واردات میں شہری سے نقدی چھینی تھی۔

آراے بازار پولیس نے ٹیکنیکل و ہیومن انٹیلی جنس ذرائع بروئے کار لاتے ہوئے زیر حراست شخص کو ٹریس کرکے گرفتار کیا۔

ایس پی پوٹھوہار سردار بابر ممتاز خان کا کہنا تھا کہ زیرحراست شخص کو ٹھوس شواہد کے ساتھ چالان عدالت کیا جائے گا۔

ایس آئی ایف سی کی معاونت سے پاکستان میں سرمایہ کاری کے ماحول میں بہتری اور سرمایہ کار اعتماد مستحکم ہو رہا ہے۔

مالی سال 2026 کے پہلے 8 ماہ میں غیر ملکی سرمایہ کاروں کے منافع و ڈیویڈنڈ 1.73 ارب ڈالر ہو گئے، جو گزشتہ سال سے 10.52 فیصد زیادہ ہیں۔

فروری 2026 میں غیر ملکی کمپنیوں کی جانب سے 48.7 ملین ڈالر کی ادائیگیاں ریکارڈ ہوئیں، جو مستحکم کاروباری سرگرمیوں کی عکاس ہیں۔

پاور، مالیاتی، فوڈ، کمیونیکیشن اور ٹرانسپورٹ شعبوں میں بالترتیب 421.85، 374.09، 142.42، 132.3 اور 91.29 ملین ڈالر کی ادائیگیاں ریکارڈ ہوئیں۔

مشیر وزیر خزانہ خرم شہزاد کے مطابق انڈیپینڈنٹ سروے کے مطابق پاکستان میں کام کرنے والے بیرونی سرمایہ کاروں کا اعتماد بڑھا ہے۔

انہوں نے کہا کہ دو سال پہلے تقریباً 60 فیصد سرمایہ کار پاکستان میں سرمایہ کاری کو موزوں سمجھتے تھے، جو اب بڑھ کر 75 فیصد ہو گئے ہیں۔

سرمایہ کاروں کے مطابق ملک میں استحکام آ رہا ہے، حکومتی مشینری بہتر کام کر رہی ہے اور سیکیورٹی ماحول بھی بہتر ہو رہا ہے۔

موجودہ دور میں کمپیوٹر اور لیپ ٹاپ ہماری روزمرہ زندگی کا لازمی حصہ بن چکے ہیں، تاہم اکثر صارفین کو چھوٹے چھوٹے تکنیکی مسائل کا سامنا رہتا ہے، جن کے لیے وہ فوری طور پر بازار کا رُخ کرتے ہیں۔

دلچسپ بات یہ ہے کہ ان میں سے کئی مسائل ایسے ہوتے ہیں جنہیں آپ خود بھی چند آسان اقدامات کے ذریعے حل کر سکتے ہیں۔

ایکسپرٹس کے مطابق رفتار کا سست ہونا کمپیوٹر کا سب سے عام مسئلہ ہے۔ اس کی ایک بڑی وجہ عموماً غیر ضروری پروگرامز کا بیک گراؤنڈ میں چلنا ہوتا ہے۔

صارفین ’ٹاسک مینیجر‘کے ذریعے ایسے پروگرامز بند کر سکتے ہیں اور اسٹارٹ اپ ایپس کو محدود کر کے سسٹم کی رفتار بہتر بنا سکتے ہیں۔ اس کے علاوہ ڈسک کلین اپ اور غیر ضروری فائلز کو حذف کرنا بھی مددگار ثابت ہوتا ہے۔

اسی طرح کمپیوٹر کا بار بار ہینگ ہونا بھی ایک عام شکایت ہے۔ ماہرین کا کہنا ہے کہ اس کی وجہ اکثر ریم کی کمی یا سافٹ ویئر کا بوجھ ہوتا ہے۔ ایسے میں غیر ضروری براؤزر ٹیبز بند کرنا، سسٹم کو ری اسٹارٹ کرنا اور سافٹ ویئر اپ ڈیٹس انسٹال کرنا مسئلے کو کافی حد تک حل کر سکتا ہے۔

انٹرنیٹ کی سست رفتار بھی صارفین کے لیے پریشانی کا باعث بنتی ہے۔ اس مسئلے کے حل کے لیے راؤٹر کو ری اسٹارٹ کرنا، غیر ضروری ڈیوائسز کو نیٹ ورک سے ہٹانا اور براؤزر کی کیشے صاف کرنا مؤثر ثابت ہو سکتا ہے۔ بعض اوقات مسئلہ صرف براؤزر میں ہوتا ہے، جسے تبدیل کر کے بھی بہتری لائی جا سکتی ہے۔

ایک اور عام مسئلہ کمپیوٹر میں وائرس یا میلویئر کا داخل ہونا ہے، جو نہ صرف سسٹم کو سست کر دیتا ہے بلکہ ڈیٹا کے لیے بھی خطرہ بن سکتا ہے۔

ماہرین صارفین کو مشورہ دیتے ہیں کہ وہ مستند اینٹی وائرس پروگرام استعمال کریں اور باقاعدگی سے سسٹم اسکین کریں۔ مشکوک لنکس اور غیر معروف سافٹ ویئر ڈاؤن لوڈ کرنے سے بھی گریز کرنا چاہیے۔

اسی طرح اگر کمپیوٹر زیادہ گرم ہو رہا ہو تو اس کی وجہ وینٹیلیشن کا ناقص ہونا یا گرد و غبار ہو سکتا ہے۔ ایسے میں ڈیوائس کو صاف رکھنا اور مناسب ہوا دار جگہ پر استعمال کرنا ضروری ہے۔

ٹیکنالوجی ماہرین کا کہنا ہے کہ ان چھوٹے مسائل کو خود حل کرنے کی عادت نہ صرف وقت اور پیسے کی بچت کرتی ہے بلکہ صارفین کو ڈیجیٹل طور پر زیادہ خود مختار بھی بناتی ہے۔ البتہ اگر مسئلہ پیچیدہ ہو یا بار بار سامنے آئے تو کسی ماہر سے رجوع کرنا ہی بہتر ہوتا ہے۔