کراچی:

شہر قائد کے علاقے بغدادی میں پولیس نے بڑی کارروائی کرتے ہوئے پولیس اہلکار پر فائرنگ میں ملوث ایک خطرناک ملزم کو مقابلے کے بعد زخمی حالت میں گرفتار کر لیا۔

ایس ایس پی سٹی سید علی حسن کے مطابق گرفتار ملزم کی شناخت یاسر عرف یسو کے نام سے ہوئی ہے جو ڈکیتی اور راہزنی کی متعدد وارداتوں میں ملوث رہا ہے۔

پولیس کے مطابق چار روز قبل بغدادی تھانے کی حدود میں ایک واقعہ پیش آیا جہاں کانسٹیبل عبداللہ ڈیوٹی ختم کرکے گھر جا رہا تھا کہ ملزم نے اسے اپنی طرف آتا دیکھ کر اچانک فائرنگ کر دی جس کے نتیجے میں کانسٹیبل عبداللہ ٹانگ پر گولی لگنے سے زخمی ہو گیا۔

واقعے کا مقدمہ الزام نمبر 84/2026 بجرم دفعہ 324 درج کر لیا گیا تھا جس کے بعد پولیس ملزم کی تلاش میں مصروف تھی۔

پولیس نے خفیہ اطلاع پر کارروائی کرتے ہوئے دبئی چوک کے قریب ملزم کو گھیر لیا جہاں فائرنگ کے تبادلے کے بعد اسے زخمی حالت میں گرفتار کر لیا گیا۔

ملزم کے قبضے سے اسلحہ، گولیاں اور دو موبائل فون بھی برآمد کر لیے گئے۔

ابتدائی معلومات کے مطابق ملزم دوسری عید کے روز اپنے ساتھیوں کے ساتھ واردات کے بعد فرار ہو رہا تھا۔

پولیس کا کہنا ہے کہ ملزم کا سابقہ ریکارڈ معلوم کیا جا رہا ہے جبکہ اس کے دیگر ساتھیوں کی تلاش کے لیے کارروائیاں جاری ہیں۔

گرفتار ملزم کو زخمی حالت میں علاج کے لیے اسپتال منتقل کر دیا گیا ہے، جہاں اس کا علاج جاری ہے۔

پولیس حکام کے مطابق ملزم کے خلاف مزید مقدمات درج کیے جا رہے ہیں اور اس کے نیٹ ورک کے خاتمے کے لیے اقدامات تیز کر دیے گئے ہیں۔

ایران کے صدر مسعود پزیشکیان نے امریکا کے ساتھ جاری جنگ کے دوران روس کی حکومت اور عوام کی جانب سے بھرپور حمایت پر شکریہ ادا کیا ہے۔

عالمی خبر رساں ادارے کے مطابق ایرانی صدر مسعود پزیشکیان نے سوشل میڈیا پر جاری اپنے بیان میں کہا کہ روسی صدر ولادیمیر پوٹن کے پیغامات اور روسی عوام کی حمایت ایرانی قوم کے لیے حوصلہ افزا ہیں۔

انھوں نے مزید کہا کہ یہ حوصلہ افزائی امریکا اور اسرائیل کے ساتھ اس جنگ میں ایرانی عوام کی مزاحمت اور حوصلہ مستقبل میں خطے کے ممالک کے درمیان نئے تعلقات کی بنیاد رکھے گا۔

ایرانی صدر نے اس حمایت پر روسی حکومت اور عوام کا شکریہ ادا کرتے ہوئے کہا کہ یہ تعاون نہ صرف موجودہ حالات میں اہم ہے بلکہ مستقبل میں علاقائی سیکیورٹی کے لیے بھی مددگار ثابت ہوگا۔

صدر مسعود پزیشیکیان کا مزید کہنا تھا کہ خطے کے ممالک کو اپنی سیکیورٹی خود یقینی بنانی چاہیے اور بیرونی دباؤ کو مسترد کرنا چاہیے۔

یاد رہے کہ اس سے قبل چند فرانسیسی سمیت عالمی رہنماؤں نے یہ خدشہ ظاہر کیا تھا کہ امریکا اور اسرائیل کے ساتھ جنگ میں روس ممکنہ طور پر ایران کی مدد کر رہا ہے تاہم ایران اور روس نے اس کی تردید یا تصدیق نہیں کی تھی۔