Today News
چین کا خلائی میدان میں اہم سنگِ میل، مدار میں سیٹلائٹ ری فیولنگ کا کامیاب تجربہ
چین نے خلائی ٹیکنالوجی میں ایک اور پیش رفت کرتے ہوئے زمین کے نچلے مدار میں سیٹلائیٹ کو ایندھن فراہم کرنے کا کامیاب تجربہ کر لیا ہے۔
اس تجربے میں ایک کمرشل سیٹلائیٹ Yusheng 306 کو استعمال کیا گیا، جسے حال ہی میں صوبہ گانسو سے خلا میں بھیجا گیا تھا۔
چینی میڈیا کے مطابق اس سیٹلائیٹ نے ایک خاص قسم کے لچکدار روبوٹک بازو کے ذریعے ری فیولنگ کا عمل انجام دیا۔ آکٹوپس جیسے اس بازو کو اس طرح ڈیزائن کیا گیا ہے کہ یہ پیچیدہ اور تنگ جگہوں میں آسانی سے مڑ کر مطلوبہ مقام سے جڑ سکتا ہے۔ اس کے سرے کو مخصوص پورٹ سے منسلک کر کے ایندھن کی منتقلی ممکن بنائی جاتی ہے۔
یہ جدید روبوٹک نظام متعدد اسپرنگ نما ٹیوبز اور موٹرز پر مشتمل ہے، جو اسے مختلف زاویوں سے حرکت کرنے اور کسی بھی سطح کے ساتھ جڑنے کی صلاحیت فراہم کرتے ہیں۔
اگرچہ یہ واضح نہیں کہ اس تجربے کے دوران یوشینگ 306 نے کسی دوسرے سیٹلائیٹ کے ساتھ مکمل طور پر ڈوک کیا یا نہیں، تاہم ماہرین کے مطابق مدار میں موجود کسی سیٹلائیٹ کو ایندھن فراہم کرنے کے لیے انتہائی درستگی کے ساتھ مخصوص پورٹ سے جڑنا ضروری ہوتا ہے۔
اس عمل کے دوران سیٹلائیٹس تقریباً 27 ہزار کلومیٹر فی گھنٹہ کی رفتار سے زمین کے گرد گردش کر رہے ہوتے ہیں، جس سے یہ کام نہایت پیچیدہ اور حساس بن جاتا ہے۔
ماہرین نے اس تجربے کو خلا میں سوئی میں دھاگا ڈالنے جیسا مشکل مرحلہ قرار دیا ہے، کیونکہ معمولی سی غلطی بھی پورے مشن کو ناکام بنا سکتی تھی۔ اسی لیے تحقیقی ٹیم نے سیٹلائیٹ کے ڈیزائن اور کنٹرول سسٹم کو انتہائی احتیاط کے ساتھ تیار کیا۔
یہ سیٹلائیٹ زمین کی سطح سے تقریباً 530 سے 540 کلومیٹر کی بلندی پر مدار میں گردش کر رہا ہے اور قطب سے قطب تک چکر لگاتا ہے۔ خلا میں سیٹلائیٹس کو دوبارہ ایندھن فراہم کرنے کی ٹیکنالوجی تیزی سے ترقی کر رہی ہے، جس کا مقصد مہنگے خلائی نظام کی عمر میں اضافہ کرنا ہے۔
یاد رہے کہ اس سے قبل چین نے Shijian 25 کو Shijian 21 کے ساتھ جوڑ کر ری فیولنگ کا ایک اور کامیاب تجربہ کیا تھا، جو تقریباً 36 ہزار کلومیٹر کی بلندی پر انجام دیا گیا تھا۔ یہ پیش رفت خلائی شعبے میں چین کی بڑھتی ہوئی مہارت کو ظاہر کرتی ہے۔
Source link
Today News
ٹینس اسٹار آرینا سبالینکا نے مسلسل دوسری بار میامی اوپن ٹائٹل اپنے نام کرلیا
عالمی نمبر ایک ٹینس اسٹار آرینا سبالینکا نے شاندار کارکردگی کا مظاہرہ کرتے ہوئے کوکو گوف کو شکست دے کر مسلسل دوسری بار میامی اوپن ٹائٹل اپنے نام کرلیا۔
غیر ملکی خبررساں ادارے کے مطابق میامی میں کھیلے گئے ویمنز سنگلز فائنل میں آرینا سبالینکا نے کوکو گوف کو سنسنی خیز مقابلے کے بعد 6-2، 4-6 اور 6-3 سے شکست دی۔
میچ کے آغاز میں سبالینکا نے بھرپور کھیل پیش کرتے ہوئے پہلا سیٹ آسانی سے جیت لیا، تاہم امریکی اسٹار کوکوگوف نے دوسرے سیٹ میں زبردست واپسی کرتے ہوئے مقابلہ برابر کردیا۔ فیصلہ کن تیسرے سیٹ میں بیلاروس کی کھلاڑی نے ایک بار پھر کنٹرول حاصل کیا اور کامیابی سمیٹ لی۔
اس فتح کے ساتھ سبالینکا نے نہ صرف اپنا ٹائٹل برقرار رکھا بلکہ “سن شائن ڈبل” کا اعزاز بھی حاصل کرلیا جس میں ایک ہی سیزن میں انڈین ویلز اوپن اور میامی اوپن جیتنا شامل ہے۔
یہ کارنامہ انجام دینے کے بعد وہ تاریخ کی چند منتخب کھلاڑیوں میں شامل ہوگئی ہیں جبکہ یہ ان کا مسلسل دوسرا میامی اوپن ٹائٹل بھی ہے۔
دوسری جانب کوکو گوف نے شاندار مقابلہ کیا تاہم وہ اپنے ہوم گراؤنڈ پر ٹائٹل جیتنے میں ناکام رہیں۔
Source link
Today News
ایرن ہولینڈ نے پی ایس ایل 11 میں عدم شرکت کی وجہ بتا دی
پی ایس ایل کی معروف پریزنٹر ایرن ہولینڈ نے پاکستان سپر لیگ (پی ایس ایل) سیزن 11 میں اپنی عدم شرکت پر مداحوں کو پیغام دیتے ہوئے کہا ہے کہ وہ اس ایونٹ کو بہت یاد کر رہی ہیں اور جلد واپسی کی امید رکھتی ہیں۔
اسپورٹس ویب سائٹ کے مطابق ایرن ہالینڈ نے اپنے بیان میں کہا کہ وہ اس سال پی ایس ایل کا حصہ نہ بننے پر دلبرداشتہ ہیں، تاہم کچھ طبی وجوہات کے باعث انہیں لیگ سے دور رہنا پڑا۔
انہوں نے کہا کہ پاکستان، پی ایس ایل اور یہاں کے مداحوں سے انہیں خاص لگاؤ ہے اور وہ ہر سال اس ایونٹ کا حصہ بن کر لطف اندوز ہوتی رہی ہیں۔ ایرن ہالینڈ نے امید ظاہر کی کہ وہ مستقبل میں دوبارہ پی ایس ایل میں شرکت کریں گی اور شائقین سے دوبارہ ملاقات ہوگی۔
خیال رہے کہ ایرن ہالینڈ گزشتہ کئی سیزنز سے پی ایس ایل کی میزبانی سے وابستہ رہی ہیں اور ان کی غیر موجودگی پر شائقین کی جانب سے سوشل میڈیا پر بھی مایوسی کا اظہار کیا گیا۔
Today News
بنوں میں برآمدہ گرنے سے 2 افراد جاں بحق، 40 زخمی
بنوں کے علاقےکوٹکہ غلام قادر میں شہباز عظمت خیل اڈہ کے قریب برآمدہ گرنے سے کئی افراد ملبے تلے دب گئے۔
ریسکیو 1122 کے مطابق واقعہ کے وقت متاثرہ افراد بارش سے بچنے کے لیے برآمدے کے نیچے پناہ لیے ہوئے تھے کہ اسی دوران اچانک برآمدہ گر گیا اور درجنوں افراد ملبے تلے دب گئے۔
ریسکیو ٹیموں نے فوری طور پر جائے وقوعہ پر پہنچ کر امدادی کارروائیاں شروع کر دیں اور ملبے تلے دبے افراد کو نکالنے کا عمل شروع کر دیا۔ حکام کے مطابق متعدد افراد کے زخمی ہونے کی اطلاعات ہیں جنہیں قریبی اسپتال منتقل کیا جا رہا ہے۔
اسپتال انتظامیہ کے مطابق برآمدہ گرنےت کی وجہ سے 2 افراد جاں بحق اور 40 زخمی ہوئے جن میں بعض کی حالت تشویشناک ہے۔حکام نے شہریوں کو خراب موسم کے دوران کمزور عمارتوں اور برآمدوں کے نیچے کھڑے ہونے سے گریز کرنے کی ہدایت کی ہے۔
-
Magazines2 weeks ago
STREAMING: CHOPRA’S PIRATES – Newspaper
-
Magazines2 weeks ago
STREAMING: BUILT FOR ACTION – Newspaper
-
Sports2 weeks ago
Pumped up Pakistan face Bangladesh in ODI series decider – Sport
-
Sports2 weeks ago
Pakistan win toss, opt to bowl in final ODI against Bangladesh – Pakistan
-
Entertainment2 weeks ago
Emaan Fatima’s Latest Message after Reconciliation News
-
Entertainment2 weeks ago
Sana Faysal Replies To Saba Faisal’s Viral Statement
-
Entertainment2 weeks ago
Faiza Hasan Reveal’s Husband’s Reaction To Daughter Becoming Actress
-
Sports2 weeks ago
Buttler ready to continue England career despite ‘poor’ T20 World Cup – Sport