پاکستان کا افتتاحی پیڈل ٹور 2026 کامیابی کے ساتھ اختتام پذیر ہوگیا۔

انٹرنیشنل پیڈل فیڈریشن، پیڈل ایشیا اور پاکستان پیڈل فیڈریشن کے تحت منعقدہ مقابلوں میں  پاکستان بھر سے ابھرتے ہوئے 76 نوجوانوں نے چار جونیئر کیٹیگریز انڈر 12، انڈر 14، انڈر 16 اور انڈر 18 بوائز میں شرکت کی۔

انڈر 12میں پہلی پوزیشن محمد اذان اور محمد عرش نے جبکہ دوسری پوزیشن عمر زمان اور احمد جواد نے حاصل کی۔

انڈر 14میں پہلی پوزیشن ریان فیضان اور محمد بن حارث نے جبکہ دوسری پوزیشن وقاص خان اور طارق رفیع نے حاصل کی۔

انڈر 16 میں پہلی پوزیشن معیز اللہ والا اور اشعر اللہ والا نے جبکہ دوسری پوزیشن ریان فیضان اور محمد بن حارث نے حاصل کی۔

انڈر 18میں پہلی پوزیشن اسماعیل آفتاب اور ابراہیم شیراز نے جبکہ دوسری پوزیشن معیز اور عاشر نے حاصل کی۔

اختتامی تقریب میں پاکستان پیڈل فیڈریشن کے صدر محمد متین نے آفتاب قائمخانی، ڈائریکٹر اسپورٹس کے ایم سی کے ہمراہ انعامات تقسیم کیے۔

سید ریحان الدین نے بطور مین ریفری اور قدسیہ راجہ نے بطور اسسٹنٹ ریفری خدمات انجام دیں۔

پیڈل ٹور کا اگلا ایڈیشن اگست 2026 میں کراچی میں ہی منعقد ہوگا۔

اسلام آباد:

صحافی مطیع اللہ جان کے کیس میں اصل منشیات فرانزک رپورٹ گم ہو گئی ۔

انسداد دہشت گردی عدالت کو اسلام آباد پولیس  کی جانب سے اس حوالے سے باضابطہ طور پر آگاہ کردیا گیا ہے، جس کے بعد پولیس نے فرانزک رپورٹ کی فوٹو کاپیز عدالت میں جمع کرا دیں ۔

اسلام آباد پولیس کی جانب سے چالان عدالت میں جمع کروا دیا گیا ہے، جس میں بتایا گیاہے کہ فرانزک رپورٹ خط و کتابت میں گم ہو گئی  ہے۔ فرانزک رپورٹ نیگیٹو آنے سے منشیات کا چارج نہیں لگتا ۔

پولیس نے عدالت سے استدعا کی ہے کہ سپلیمنٹری چالان کو کیس فائل کا حصہ سمجھا جائے۔

لاہور:

ہوٹل ملازم نے 7 سالہ بچی کو اپنی ہوس کا نشانہ بنا ڈالا۔

صوبائی دارالحکومت میں گلبرگ چوکی فردوس مارکیٹ پولیس نے 15 کال پر کارروائی کرتے ہوئے ملزم کو گرفتار کرلیا۔ پولیس کے مطابق ہوٹل ملازم نے 7 سالہ بچی سے زیادتی کی۔

بچی اپنی والدہ کے پاس چھوٹے بھائیوں کے ساتھ سیون اپ پھاٹک کے قریب کھیل رہی تھی  کہ کھیلتے کھیلتے قریبی نجی ہوٹل میں چلی گئی، جہاں ہوٹل ملازم شریف عرف اللہ رکھا نے بچی کو ہوٹل میں زیادتی کا نشانہ بنایا ۔

بچی کی حالت غیر ہونے پر والدہ نے اُس سے دریافت کیا، جس پر بچی نے زیادتی سے متعلق بتایا ۔

ایس پی ماڈل ٹاؤن  نے کہا کہ ملزم کے خلاف مقدمہ درج  کرکے اُسے جینڈر سیل کے حوالے کردیا گیا ہے۔ انہوں نے کہا کہ بچوں کا استحصال کرنے والے کسی رعایت کے مستحق نہیں ۔