فیفا کے صدر گیانی انفانٹینو نے واضح کیا ہے کہ ایران اپنے ورلڈ کپ 2026 کے میچز طے شدہ مقامات  یعنی امریکا میں ہی کھیلے گا۔

انفانٹینو کے اس بیان نے ان قیاس آرائیوں کو ختم کرنے کی کوشش کی ہے جن میں کہا جا رہا تھا کہ ایران اپنے میچز امریکا کے بجائے میکسیکو منتقل کروانا چاہتا ہے۔

ایرانی فٹبال فیڈریشن نے حال ہی میں تصدیق کی تھی کہ وہ سیکیورٹی خدشات کے باعث میچز کی منتقلی پر بات چیت کر رہی ہے، جبکہ میکسیکو کی صدر نے بھی عندیہ دیا تھا کہ ان کا ملک ایران کے ابتدائی میچز کی میزبانی کے لیے تیار ہے۔

تاہم انفانٹینو نے دوٹوک مؤقف اپناتے ہوئے کہا کہ تمام میچز ڈرا کے مطابق ہی ہوں گے۔

واضح رہے کہ امریکا، میکسیکو اور کینیڈا مشترکہ طور پر اس ٹورنامنٹ کی میزبانی کریں گے، جس کا آغاز 11 جون سے ہوگا۔

ایران اپنا پہلا میچ نیوزی لینڈ کے خلاف لاس اینجلس میں کھیلے گا۔

چند روز قبل امریکی صدر ڈونلڈ ٹرمپ نے ایرانی ٹیم کو سیکیورٹی خدشات کی دھمکی دیتے ہوئے ورلڈکپ میں شرکت نہ کرنے کا مشورہ دیا تھا جس ایران نے سخت ردعمل دیا تھا۔

فیفا بھی نے اس بات پر زور دیا ہے کہ تمام ٹیمیں ایونٹ میں شرکت کریں گی اور فٹبال کو امن اور یکجہتی کے فروغ کے لیے استعمال کیا جائے گا۔

کراچی:

جوڈیشل مجسٹریٹ ایسٹ کی عدالت نے غیر قانونی کال سینٹر کے ذریعے شہریوں کو لوٹنے کے مقدمے میں نامزد تمام ملزمان کی ضمانت منظور کر لی۔

ملزمان میں نادر، عادل اور ان کے دیگر ساتھی بھی شامل ہیں۔ عدالت نے تمام ملزمان کو رہا کرنے کے عوض ایک ایک لاکھ روپے کے مچلکے جمع کروانے کا حکم دیا ہے۔

یاد رہے کہ این سی سی آئی اے نے شاہراہِ فیصل پر قائم اس کال سینٹر پر خفیہ اطلاع پر چھاپا مار کارروائی کی تھی۔

حکام کے مطابق ملزمان بینکوں کے نمائندے بن کر شہریوں سے فراڈ کرتے تھے۔ کارروائی کے دوران حساس مالیاتی ڈیٹا اور اسپوف کالنگ سافٹ ویئر بھی برآمد ہوئے ہیں۔

ملزمان کے خلاف پیکا ترمیمی ایکٹ 2025 کے تحت مقدمہ درج کیا گیا تھا۔