اسلامی پاسداران انقلاب نے فضائی حملے میں شہید ہونے والے علی محمد کے بعد نیا ترجمان مقرر کردیا ہے۔

میڈیا رپورٹس کے مطابق  پاسدارانِ انقلاب نے بریگیڈیئر جنرل حسین محبی کو اپنا نیا ترجمان مقرر کیا ہے۔

یہ تبدیلی علی محمد کی شہادت کے بعد سامنے آئی ہے۔ نئے مقرر ہونے والے ترجمان بریگیڈیئر جنرل حسین محبی پہلے میڈیا کمیونیکیشن میں کور کے سرکاری نمائندے کے طور پر کام کر چکے ہیں۔

اس تقرری کو عبداللہ حاجی صادقی کے دستخط کردہ ایک فرمان کے ذریعے باضابطہ شکل دی گئی، جو پاسداران انقلاب میں سپریم لیڈر کے نمائندے کے طور پر کام کرتے ہیں۔

پشاور میں سی این جی اسٹیشنز اچانک بند کر دیے گئے جس کے باعث شہریوں کو شدید مشکلات کا سامنا ہے۔

ذرائع کے مطابق گلبہار، جی ٹی روڈ اور یونیورسٹی روڈ سمیت مختلف علاقوں میں سی این جی اسٹیشنز کی سپلائی معطل کر دی گئی جبکہ اندرون شہر بھی تمام اسٹیشنز بند ہیں۔

سی این جی اسٹیشنز کی اچانک بندش کی وجوہات تاحال سامنے نہیں آ سکیں تاہم شہریوں نے متعلقہ حکام سے فوری نوٹس لینے کا مطالبہ کیا ہے۔

پیٹرول کی قیمت میں گزشتہ شب 80 روپے کی کمی سے شہری غیر مطمئن ہیں جبکہ حکومتی  اعلان کے باوجود بائیک رائیڈرز تاحال رعایت ملنے کے منتظر ہیں۔

ایکسپریس نیوز کے مطابق وزیر اعظم شہباز شریف کی جانب سے پیٹرول کی قیمت میں گزشتہ شب کمی کے اعلان پر مکمل عملدرآمد شروع ہوگیا ہے۔

وفاقی حکومت نے پٹرول 458 روپے سے کم کر کے 378 روپے فی لیٹر مقرر کر دیا ہے، جس کے بعد پیٹرول پمپس پر نئی قیمتوں میں پیٹرول فروخت کیا جا رہا ہے۔

دوسری جانب ملک گیر احتجاج کے بعد پٹرول 80 روپے سستا ہونے پر شہریوں نے اس کمی کو مسترد کر دیا ہے۔  شہریوں کا کہنا ہے کہ پیٹرول کی قیمتیں اب بھی عوام اور تنخواہ داروں کی دسترس سے باہر ہیں۔

شہریوں کے مطابق مہنگا پیٹرول ہونے کے نتائج تمام شعبہ زندگی پر پڑتے ہیں، جس کی وجہ سے مہنگائی کا ایک نیا طوفان آ چکا ہے، جس میں عام آدمی کا گزارہ کرنا ناممکن ہو چکا ہے۔

دریں اثنا حکومتی اعلان کے باوجود موٹر سائیکل سواروں کے لیے 100 روپے فی لیٹر کی رعایت سے متعلق ایس او پیز تاحال عملی شکل میں سامنے نہیں آ سکیں، جس سے بائیک رائیڈرز میں شدید تشویش پائی جاتی ہے۔

علاوہ ازیں ڈیزل کی قیمت میں کمی نہ کرنے کے باعث ٹرانسپورٹ کے کرایوں میں اضافہ بھی برقرار ہے۔ ٹرانسپورٹ گاڑیاں ڈیزل استعمال کرتی ہیں جو اب بھی ریکارڈ سطح پر مہنگا ہے، جس کی وجہ سے اسٹاپ ٹو اسٹاپ کرایہ 60 روپے تک پہنچ چکا ہے اور عوام پریشان ہیں۔