ایف آئی اے نے ضلع نوشہرہ تحصیل پبی میں پیٹرول اور ڈیزل کی غیر قانونی ذخیرہ اندوزی کے خلاف کارروائی کرتے ہوئے 1 لاکھ 5 ہزار لیٹر پیٹرول اور ڈیزل تحویل میں لے لیا۔

ابتدائی تحقیقات کے مطابق تحصیل پبی ضلع نوشہرہ کے علاقے میں ایک چھاپہ مار کارروائی کے دوران نجی پارکنگ سے چھ (06) گاڑیوں کو تحویل میں لیا گیا۔

ابتدائی تحقیقات سے معلوم ہوا کہ یہ گاڑیاں بالترتیب 27 مارچ، 30 مارچ اور 01 اپریل 2026 کو ایک فیول ڈپو سے روانہ ہوئیں اور انہیں غیر قانونی طور پر مذکورہ نجی مقام پر ذخیرہ اندوزی کی غرض سے کھڑا کیا گیا تھا۔

یہ گاڑیاں مختلف تاریخوں میں فیول ڈپو سے روانہ ہوئیں اور نجی پارکنگ میں ذخیرہ کی گئی تھیں۔ کارروائی کے دوران مجموعی طور پر تقریباً 105,000 لیٹر پیٹرولیم مصنوعات برآمد کی گئیں۔ تمام گاڑیاں اور پیٹرولیم مصنوعات متعلقہ اسسٹنٹ کمشنر کے حوالے کر دی گئیں اور ذخیرہ اندوزی کے لیے استعمال ہونے والی جگہ سیل کر دی گئی۔

گورنر خیبر پختونخوا فیصل کریم کنڈی اور گورنر پنجاب سردار سلیم حیدر کی پیڈل ٹینس کھیلتے ہوئے ویڈیو وائرل ہوگئی۔

تفصیلات کے مطابق گورنر خیبر پختونخوا اور گورنر پنجاب کے درمیان پیڈل ٹینس کا دوستانہ میچ لاہور کے ایک نجی اسپورٹس کلب میں کھیلا گیا۔

دونوں گورنرز کے درمیان سنسنی خیز مقابلہ دیکھنے کو ملا۔ مقابلے میں دونوں جانب سے زبردست کھیل کا مظاہرہ کیا گیا۔

میچ میں سلیم حیدر کا ساتھ صحافی علی فرقان جبکہ فیصل کنڈی کا ساتھ لیگی رہنما ذیشان نقوی نے دیا۔

اس موقع پر دونوں گورنرز نے عوام کو پیغام دیا کہ پیڈل ٹینس، فٹنس، تفریح اور رابطے کا بہترین ذریعہ ہے، صحت مند سرگرمیاں، مضبوط معاشرہ۔

گورنر خیبر پختونخوا فیصل کریم کنڈی نے کہا کہ پیڈل ٹینس صحت مند سرگرمیوں کے فروغ کی بہترین مثال ہے، کھیلوں کے فروغ سے معاشرے میں مثبت رجحانات پیدا ہوتے ہیں۔

فیصل کریم کنڈی کا کہنا تھا کہ پیڈل ٹینس نہ صرف فٹنس بلکہ ذہنی سکون کا بھی ذریعہ ہے۔ نوجوانوں کو کھیلوں کی طرف راغب کرنا وقت کی ضرورت ہے، کھیل انسان کو متحرک اور پرجوش رکھتا ہے۔

گورنر پنجاب سردار سلیم حیدر نے کہا کہ پیڈل ٹینس تیزی سے مقبول ہوتا ہوا جدید کھیل ہے، یہ ہر عمر کے افراد کے لیے موزوں کھیل ہے۔

سردار سلیم حیدر نے مزید کہا کہ صحت مند معاشرے کے لیے کھیلوں کا فروغ ناگزیر ہے، نوجوان نسل کو اسپورٹس میں آگے آنا چاہیے۔ کھیلوں سے ٹیم ورک اور نظم و ضبط سیکھنے کو ملتا ہے۔