وزیراعلیٰ پنجاب مریم نواز نے پبلک ٹرانسپورٹ کی طرز پر گڈز ٹرانپسورٹ کو بھی سبسڈی دینے کا اعلان کردیا۔

سماجی رابطے کی سائٹ ایکس (ٹویٹر) پر پوسٹ میں انہوں نے لکھا کہ ‏بین الاقوامی سطح پر تیل کی قیمتوں میں اضافے اور جاری عالمی بحرانوں اور جنگی صورتحال کے باعث ایندھن کی قیمتوں پر دباؤ ناگزیر ہے، ‏اس بوجھ کو کم کرنے کے لیے ماہانہ ٹارگٹڈ سبسڈی دی جا رہی ہے، رجسٹرڈ گڈز ٹرانسپورٹ کے لیے 70,000 روپے، بڑی گاڑیوں کے لیے 80,000 روپے، اور پبلک سروس بسوں کے لیے 100,000 روپے ماہانہ ہے۔

In light of the surge in international oil prices driven by ongoing global crises and conflict, pressure on domestic fuel costs has become unavoidable.

To mitigate this impact, Punjab has introduced a targeted monthly subsidy: Rs. 70,000 for registered goods transport vehicles,…

— Maryam Nawaz Sharif (@MaryamNSharif) April 3, 2026

انہوں نے کہا کہ ‏چونکہ یہ سبسڈی آپ کے بوجھ کو کم کرنے کے لیے دی گئی ہے، میں پاکستان بھر کے ٹرانسپورٹرز، خصوصاً پنجاب سے پُرزور اپیل کرتی ہوں کہ عوام کا ساتھ دیں اور اس اضافے کا بوجھ مسافروں اور صارفین پر منتقل نہ کریں، ‏حکومت صورتحال کی قریب سے نگرانی اور مؤثر ریگولیشن کرے گی تاکہ یہ ریلیف حقیقی معنوں میں عوام تک پہنچے، ‏یہ وقت ہے ذمہ داری، ہمدردی اور یکجہتی کا ہے۔
 

ایران جنگ کے تناظر میں اقوام متحدہ کی جانب سے خلیجی ممالک کی خودمختاری کی حمایت کا اعلان کیا گیا ہے۔

میڈیا رپورٹس کے مطابق اقوام متحدہ کا یہ اعلان ایک اہم سفارتی پیغام سمجھا جارہا ہے خاص طور پر موجودہ علاقائی کشیدگی کے تناظر میں۔

یہ اعلان بنیادی طور پر اس بات پر زور دیتا ہے کہ خلیجی ممالک اپنی سرزمین، وسائل اور پالیسیوں پر مکمل اختیار رکھتے ہیں۔ کسی بھی بیرونی مداخلت یا دباؤ کو عالمی قوانین کے خلاف سمجھا جائے گا۔

مزید برآں اعلان میں یہ بھی کہا گیا کہ علاقائی تنازعات کو طاقت کے بجائے سفارتکاری کے ذریعے حل کیا جانا چاہیے۔

ان خلیجی ممالک میں سعوی عرب، امارات، قطر، کویت، عمان اور بحرین شامل ہیں۔ مشرقِ وسطیٰ میں بڑھتی ہوئی کشیدگی خصوصاً ایران، امریکا اور اسرائیل جنگ کے تناظر میں توانائی کی عالمی سپلائی کا ان ممالک پر انحصار ہے۔ آبنائے ہرمز جیسے حساس بحری راستوں کی سیکیورٹی بھی زیر غور ہے۔

اقوامِ متحدہ کا یہ اعلان واضح کرتا ہے کہ عالمی برادری خلیجی ممالک کی خودمختاری، سلامتی اور استحکام کو اہم سمجھتی ہے اور خطے میں کسی بڑے تصادم سے بچنے کے لیے سفارتکاری کو ترجیح دینے پر زور دیتی ہے۔