سندھ ہائی کورٹ نے متوفی کوٹے پر شہری کو تقرری کا لیٹر جاری کرنے کا حکم دے دیا۔

محکمہ بلدیات میں متوفی کوٹہ پر ملازمت فراہم نہ کرنے کے خلاف درخواست پر سماعت ہوئی، جس میں عدالت نے درخواست گزار کو ایک ماہ میں تقرری کا لیٹر جاری کرنے کا حکم جاری کیا۔

عدالت نے قرار دیا کہ محکمے  کی جانب سے 6 برس تک درخواست پر فیصلہ نہ کرنا ناقابل قبول ہے۔

وکیل نے عدالت میں مؤقف اختیار کیا کہ درخواست گزار کے والد محکمہ بلدیات میں دوران ملازمت انتقال کرگئے تھے۔ درخواست گزار زین احمد  کی جانب سے 2020 میں مرحوم کوٹہ پر ملازمت کی درخواست دائر کی گئی تھی۔ درخواست پر تاحال کوئی فیصلہ نہیں کیا گیا ہے۔

سرکاری وکیل نے عدالت کو بتایا کہ درخواست گزار کی طلب کی گئی جونیئر کلرک کی اسامی خالی نہیں ہے۔

عدالت نے حکم دیا کہ سندھ سول سرونٹس رولز 1974 کے تحت درخواست گزار کو متوفی کوٹہ پر ملازمت کا حق حاصل تھا۔ سپریم کورٹ کے فیصلے کے بعد یہ کوٹہ ختم کیا جاچکا ہے، تاہم طے شدہ اصول ہے کہ ایسے حقوق جو پہلے ہی پیدا ہوچکے ہوں، وہ ختم نہیں ہوتے۔

فیصلے میں  مزید کہا گیا ہے کہ وفاقی آئینی عدالت کے فیصلے کے مطابق ملازمت کا حق والد کی وفات کے وقت ہی پیدا ہو جاتا ہے۔ بعد میں قانون میں تبدیلی اس حق کو متاثر نہیں کرتی۔ قانون کے تحت گریڈ 1 سے 11 تک کسی بھی مناسب اسامی پر تقرری کی جا سکتی ہے۔ موزوں اسامی فراہم کرنا محکمہ کی ذمہ داری ہے۔

عدالت نے حکم دیا کہ متعلقہ محکمہ ایک ماہ میں درخواست گزار کو مناسب اسامی پر تقرری کا لیٹر جاری کرے۔

ایرانی افواج کے جنرل اسٹاف کے ترجمان بریگیڈیئر جنرل ابوالفضل شیکرچی نے کہا ہے کہ جنگ میں ایران کی اسٹریٹجی امریکی افواج کو عرب ممالک سے نکالنا ہے۔ 

میڈیا رپورٹس کے مطابق شیکرچی نے ایرانی حکمت عملی کا خاکہ پیش کیا جس میں انہوں نے کہا کہ اس خطے کو امریکی فوجی اہلکاروں کے لیے ناقابل برداشت بنایا جائے گا۔ 

انہوں نے زور دے کر کہا کہ ایران امریکی افواج پر اس وقت تک شدید دباؤ ڈالتا رہے گا جب تک وہ وہاں سے نہیں نکل جاتے۔

انہوں نے اس عزم کا اظہار کیا کہ ایران خطے میں امریکی اڈوں کو نشانہ بناتا رہے گا۔ امریکی فوجیوں کو حملوں سے بچنے کے لیے ہوٹلوں اور بندرگاہوں میں پناہ لینے پر مجبور کیا گیا ہے۔

انہوں نے مزید کہا کہ کسی بھی امریکی زمینی کارروائی کو “قتل گاہ” میں تبدیل کر دیا جائے گا جس کا مقصد اتنا بھاری نقصان پہنچانا ہے کہ آنے والی امریکی نسلیں فوج میں شامل ہونے سے خوفزدہ ہو جائیں گی۔

آبنائے ہرمز سے متعلق انہوں نے کہا کہ آبنائے ہرمز کو امریکی اور اسرائیلی جہازوں کے لیے بند کر دیا گیا ہے۔ انہیں کسی بھی بہانے تک رسائی کی اجازت نہیں دی جائے گی۔

بھارتی فلمساز سنتوش کمار نے رنویر سنگھ کی ایکشن تھرلر ’دھُرندھر‘ کی اسکرپٹ پر چوری کا الزام لگاتے ہوئے دعویٰ کیا کہ یہ فلم ان کی اسکرپٹ پر مبنی ہے  جس پر ادتیہ دھر نے بھی خاموشی دوڑ دی۔  

بھارت کی حالیہ متازع فلم ’دھرندھر‘ نے باکس آفس پر تو متعدد ریکارڈ قائم کرلیے ہیں لیکن اب یہ فلم سرقہ کے تنازعے کا مرکز بن گئی ہے، جو عدالتوں کی طرف بڑھ رہا ہے۔

الزام کیا ہے؟
کرناٹک کے ایک فلم ساز سنتوش کمار آر ایس نے عوامی طور پر دعویٰ کیا ہے کہ دھُرندھر: دی ریونج ان کی 2023 میں لکھی گئی اسکرپٹ ’ڈی صاحب‘ پر مبنی ہے۔

ان کا کہنا تھا کہ مجھے یہ مشابہت فلم دیکھنے کے بعد محسوس ہوئی، فلم دیکھنے کے بعد مجھے پتا چلا کہ یہ میری اسکرپٹ اور کہانی ہے، میں نے اسے 2023 میں بہت محنت سے لکھا تھا۔

سنتوش کے مطابق ان کی کہانی کا مرکزی خیال ایک نوجوان کے گرد گھومتا ہے جس کے خاندان پر مجرموں نے حملہ کیا، وہ انتقام میں 10 افراد کو قتل کرتا ہے اور بعد میں گرفتار ہوجاتا ہے۔ اس کی بہادری سے متاثر ہو کر اسے جاسوس کے طور پر بھرتی کیا جاتا ہے۔

سنتوش کا دعویٰ ہے کہ یہ بنیادی کہانی دھُرندھر: دی ریونج میں استعمال کی گئی ہے جب کہ آدیتیہ دھَر بہت ہوشیار ہیں، انہوں نے صرف میری فلم کے اہم خطوط لیے اور سیاسی پروپیگنڈا شامل کردیا۔ 

انہوں نے یہ بھی بتایا کہ انہوں نے اس اسکرپٹ کو کئی بڑے پروڈکشن ہاؤسز کو پیش کیا، جن میں سونی پکچرز، زی اسٹوڈیوز، ٹی-سیریز اور دھرمہ پروڈکشنز شامل ہیں۔ 

دوسری جانب، آدیتیہ دھَر کی ٹیم نے سختی سے ان الزامات کی تردید کی ہے۔

بھارتی میڈیا کے مطابق سنتوش کے تمام الزامات کہ دھُرندھر بنانے والوں نے ان کی اسکرپٹ چرا لی یا یہ ان کے حقوق کی خلاف ورزی ہے، بے بنیاد، غلط اور ناقابل قبول ہیں۔

فلم کی ٹیم نے دعویٰ کیا کہ دھُرندھر کی کہانی ایک اصل آئیڈیا ہے، جسے ادتیہ دھر نے خود لکھا اور ستمبر 2023 میں رجسٹر کروایا جب کہ یہی دعویٰ سنتوش نے بھی کیا ہے کہ جن کا کہنا ہے کہ انہوں نے اپنی اسکرپٹ اسکرین رائٹرز ایسوسی ایشن میں نومبر 2023 میں رجسٹر کروائی۔