روس کی وزارتِ خارجہ نے امریکا اور اسرائیل کی ایران کے خلاف کارروائیوں پر سخت ردعمل دیتے ہوئے اسے ’بڑی شکست‘ قرار دے دیا ہے اور فوری طور پر سفارتی حل پر زور دیا ہے۔

روسی وزارتِ خارجہ کی ترجمان ماریا زاخارووا نے ایک بیان میں کہا کہ امریکا اور اسرائیل نے 28 فروری کو ایران کے خلاف یکطرفہ، جارحانہ اور بلا اشتعال حملہ شروع کیا، جس کا نتیجہ ایک بدترین اور کچل دینے والی شکست کی صورت میں سامنے آیا۔

انہوں نے روسی ریڈیو اسپوٹنک سے گفتگو کرتے ہوئے کہا کہ روس نے ابتدا ہی سے واضح کیا تھا کہ اس تنازع کا کوئی فوجی حل ممکن نہیں اور خطے میں طاقت کے ذریعے امن قائم کرنے کی کوششیں ناکام ہوں گی۔ ان کا کہنا تھا کہ ایسے اقدامات خطے میں مزید عدم استحکام پیدا کرتے ہیں۔

ماریا زاخارووا نے زور دیا کہ صورتحال کو فوری طور پر قابو میں لانے کے لیے حقیقی سیاسی اور سفارتی عمل کا آغاز ضروری ہے۔

انہوں نے کہا کہ مذاکرات کے ذریعے ہی پائیدار حل ممکن ہے، جس میں تمام فریقین کے مؤقف کو سنجیدگی سے مدنظر رکھا جائے۔

روسی حکام کے اس بیان کے بعد مشرقِ وسطیٰ کی صورتحال پر عالمی سطح پر نئی بحث شروع ہو گئی ہے، جہاں مختلف ممالک جنگ بندی اور مذاکرات کے ذریعے کشیدگی کم کرنے کی کوششوں پر زور دے رہے ہیں۔

ایران میں امریکہ اور ایران کے درمیان جنگ بندی کے بعد خوشی کی لہر دوڑ گئی، جہاں شہریوں نے سڑکوں پر نکل کر جشن منایا اور پاکستان کا شکریہ ادا کیا۔

سوشل میڈیا پر سامنے آنے والی ویڈیوز اور تصاویر میں ایرانی عوام کو پاکستانی پرچم اٹھائے خوشی کا اظہار کرتے دیکھا جا سکتا ہے جبکہ تہران سمیت مختلف شہروں میں جشن کا سماں ہے۔

ذرائع کے مطابق پاکستان کی سفارتی کوششوں کے نتیجے میں ایران اور امریکہ کے درمیان جنگ بندی ممکن ہوئی جس سے خطے میں بڑھتی کشیدگی میں کمی آئی۔

تجزیہ کاروں کا کہنا ہے کہ بروقت اقدامات کے باعث ممکنہ بڑے تصادم کو ٹال دیا گیا، جبکہ لاکھوں افراد کو ممکنہ تباہی سے بچانے میں مدد ملی۔

دوسری جانب ڈونلڈ ٹرمپ کی جانب سے سخت مؤقف اور دھمکیوں کے باعث خطے کی صورتحال انتہائی کشیدہ ہو چکی تھی، تاہم جنگ بندی کے بعد حالات میں بہتری آنے کا امکان ظاہر کیا جا رہا ہے۔

آٹھ سالہ معصوم بچی کے ساتھ نازیبا حرکات کرنے والے دکاندار کو پولیس نے گرفتار کرلیا۔

حکام کے مطابق راولپنڈی میں صدر بیرونی تھانے  کی پولیس نے بروقت کارروائی کرتے ہوئے 8 سالہ بچی کے ساتھ نازیبا حرکات کرنے والے شخص کو گرفتار کر لیا۔ ملزم نے کریانہ اسٹور پر آنے والی بچی کے ساتھ گھناؤنی حرکت کی۔

متنِ مقدمہ کے مطابق متاثرہ بچی دکان پر سودا سلف لینے گئی تو درندہ صفت دکاندار نے اسے اپنی ہوس کا نشانہ بنایا اور نازیبا حرکات کیں۔ واقعے  کی اطلاع ملتے ہی صدر بیرونی پولیس نے فوری مقدمہ درج کرکے ملزم کو حراست میں لے لیا۔

ایس پی صدر انعم شیر نے واقعے پر سخت ردعمل دیتے ہوئے کہا کہ خواتین اور بچوں کو ہراساں کرنا یا زیادتی کرنا کسی صورت ناقابل برداشت ہے۔ زیر حراست شخص کو ٹھوس شواہد کے ساتھ جلد عدالت میں چالان کیا جائے گا۔