Connect with us

Today News

آئی سی سی کا ویمنز ٹی ٹوئنٹی ورلڈ کپ 2026 کیلیے ریکارڈ انعامی رقم کا اعلان

Published

on


انٹرنیشنل کرکٹ کونسل (آئی سی سی) نے ویمنز ٹی ٹوئنٹی ورلڈ کپ 2026 کے لیے ریکارڈ انعامی رقم کا اعلان کر دیا ہے۔

تفصیلات  کے مطابق آئی سی سی کی جانب سے ایونٹ کے لیے 87 لاکھ 64 ہزار 615 امریکی ڈالر انعامی رقم مقرر کی گئی ہے۔

یہ رقم 2024 کے ایڈیشن کے مقابلے میں 10 فیصد زیادہ ہے اور پہلی بار ٹورنامنٹ میں 12 ٹیمیں حصہ لیں گی۔

فاتح ٹیم کو 23 لاکھ 40 ہزار ڈالر جبکہ رنر اپ کو 11 لاکھ 70 ہزار ڈالر ملیں گے۔

سیمی فائنل میں شکست کھانے والی ٹیموں کو 6 لاکھ 75 ہزار ڈالر دیے جائیں گے، جبکہ ہر گروپ میچ جیتنے پر 31 ہزار 154 ڈالر ملیں گے۔

تمام ٹیموں کو کم از کم 2 لاکھ 47 ہزار 500 ڈالر کی ضمانتی رقم بھی دی جائے گی۔

ایونٹ کا آغاز 12 جون کو برمنگھم کے ایجبسٹن گراؤنڈ میں انگلینڈ اور سری لنکا کے درمیان میچ سے ہوگا۔

یہ ٹورنامنٹ 33 میچز پر مشتمل ہوگا جو 24 دنوں میں سات مختلف مقامات پر کھیلا جائے گا، جن میں پاکستان سمیت بڑی ٹیمیں شریک ہوں گی۔

ایونٹ سے قبل ٹرافی ٹور بھی شروع ہو چکا ہے، جو یورپ کے مختلف ممالک اور میزبان شہروں کا دورہ کرے گا، تاکہ شائقین میں جوش و خروش بڑھایا جا سکے۔





Source link

Continue Reading
Click to comment

Leave a Reply

Your email address will not be published. Required fields are marked *

Today News

پی ایس ایل 11: ملتان سلطانز کا پشاور زلمی کیخلاف ٹاس جیت کر فیلڈنگ کا فیصلہ

Published

on



پاکستان سپر لیگ (پی ایس ایل) 11 میں پشاور زلمی نے ملتان سلطانز کے خلاف ٹاس جیت کر فیلڈنگ کا فیصلہ کیا ہے۔

نیشنل اسٹیڈیم کراچی میں شیڈول ایونٹ کے 22 ویں میچ میں ملتان سلطانز کے کپتان ایشٹن ٹرنر نے ٹاس جیت کر پشاور زلمی کو پہلے بیٹنگ کی دعوت دے دی۔



Source link

Continue Reading

Today News

فٹبال ٹیم کی بس پر مسلح افراد کی فائرنگ، نوجوان فٹبالر قتل

Published

on



گھانا میں ایک افسوسناک واقعہ پیش آیا جہاں مقامی فٹبال کلب کے نوجوان کھلاڑی ڈومینک فریمپونگ مسلح افراد کے حملے میں جان کی بازی ہار گئے۔

غیر ملکی میڈیا رپورٹس کے مطابق یہ واقعہ اس وقت پیش آیا جب فٹبال ٹیم گھانا پریمیئر لیگ کا میچ کھیلنے کے بعد واپس جا رہی تھی۔ راستے میں نامعلوم مسلح افراد نے ٹیم کی بس کو روک کر فائرنگ شروع کر دی۔

حملے کے دوران ڈرائیور نے بس کو پیچھے ہٹانے کی کوشش کی جبکہ کھلاڑی اور عملہ جان بچانے کے لیے قریبی جھاڑیوں میں چھپ گئے۔ تاہم 20 سالہ فریمپونگ کو سر میں گولی لگی اور وہ شدید زخمی ہوگئے، بعد ازاں وہ زخموں کی تاب نہ لاتے ہوئے دم توڑ گئے جبکہ بس میں سوار دیگر افراد محفوظ رہے۔

گھانا فٹبال ایسوسی ایشن نے واقعے پر گہرے دکھ اور افسوس کا اظہار کیا۔ پولیس نے حملہ آوروں کی تلاش شروع کر دی ہے جبکہ فٹبال حلقوں میں اس واقعے پر شدید غم و غصہ پایا جا رہا ہے۔



Source link

Continue Reading

Today News

عاصم اظہر کا لائیو کنسرٹ میں اپنی شادی کا اعلان، کیا دلہن ہانیہ عامر ہیں؟

Published

on



گلوکار عاصم اظہر اور اداکارہ ہانیہ عامر کے درمیان تعلقات کی افواہیں تو کافی عرصے سے گردش میں ہیں، مگر اب ایک نیا لمحہ سوشل میڈیا پر دھوم مچا رہا ہے جس نے مداحوں کی دلچسپی مزید بڑھا دی ہے۔

امریکا کے شہر ہیوسٹن میں اپنے کنسرٹ کے دوران عاصم اظہر نے اسٹیج پر شادی سے متعلق بات چھیڑ دی، جس پر ہال میں موجود شائقین نے فوراً ہانیہ عامر کا نام لینا شروع کر دیا۔ یہ منظر دیکھتے ہی دیکھتے سوشل میڈیا پر وائرل ہوگیا اور ہر طرف اسی پر بحث چھڑ گئی۔

عاصم اظہر نے مسکراتے ہوئے کہا، “دعا کرو، جب بھی شادی ہو آپ کو خیر خیریت سے بتا دوں، سب لوگ آنا میری شادی میں باراتی بن کر۔” ان کا یہ جملہ بظاہر ہلکے پھلکے انداز میں کہا گیا، لیکن مداحوں نے اسے سنجیدگی سے لے لیا اور فوراً اسے ہانیہ عامر سے جوڑ دیا۔

ویڈیو وائرل ہونے کے بعد سوشل میڈیا صارفین کی جانب سے طرح طرح کی قیاس آرائیاں سامنے آ رہی ہیں۔ کچھ مداحوں کا ماننا ہے کہ یہ ایک اشارہ ہے، جبکہ دیگر اسے محض مزاحیہ لمحہ قرار دے رہے ہیں۔

فی الحال نہ تو عاصم اظہر اور نہ ہی ہانیہ عامر کی جانب سے اس حوالے سے کوئی باضابطہ بیان سامنے آیا ہے، مگر مداح اب بھی اسی سوال میں الجھے ہوئے ہیں، کیا واقعی کچھ پک رہا ہے یا یہ سب صرف کنسرٹ کا ایک دلچسپ لمحہ تھا؟



Source link

Continue Reading

Trending