حزب اللہ کے سربراہ نعیم قاسم نے کہا ہے کہ اسرائیل خطے میں اپنے توسیع پسندانہ عزائم کو عملی جامہ پہنانا چاہتا ہے اور اس مقصد کے لیے امریکا اس کی مدد کر رہا ہے۔

عالمی خبر رساں ادارے کے مطابق اپنے خصوصی پیغام میں حزب اللہ کے سربراہ نعیم قاسم نے کہا کہ وزیر اعظم نیتن یاہو کی حکومت نام نہاد “گریٹر اسرائیل” منصوبے پر عملدرآمد کی کوشش کر رہی ہے۔

حزب اللہ کے سربراہ نے کہا کہ اسرائیل نے مقبوضہ مغربی کنارے، غزہ اور پڑوسی ممالک جیسے اردن، لبنان، شام اور مصر کے بعض حصوں کو گریٹر اسرائیل میں شامل کرنے کا منصوبہ بنا رکھا ہے۔

نعیم قاسم نے شکوہ کیا کہ سفارتی کوششیں اب تک کوئی مؤثر نتائج نہیں دے سکیں۔ حزب اللہ کے جنگجو اس وقت خطے میں ناجائز قبضے کے خلاف مزاحمت کر رہے ہیں۔

انھوں نے بتایا کہ اسرائیل مسلسل لبنان پر حملے کر رہا ہے اور جنوبی علاقوں میں پیش قدمی کر رہا ہے جس کے لیے صیہونی ریاست کو امریکا کی مکمل حمایت حاصل ہے۔

میٹرک بورڈ کراچی کے امتحان میں نقل کروانے پر امتحانی مرکز کے انچارج محمد حنیف کے خلاف مقدمہ درج کرلیا گیا۔

تفصیلات کے مطابق امتحانی مرکز میں پانچ ہزار روپے رشوت لینے کے بعد بچوں کو نقل کروانے پر انچارج امتحانی مرکز محمد حنیف کے خلاف مقدمہ درج کرلیا گیا۔

مقدمہ محکمہ تعلیم کے ملازم کی مدعیت میں درج کای گیا جس میں کہا گیا ہے کہ محمد حنیف کی ویڈیو وائرل ہوئی جس میں وہ نقل کے عوض پانچ ہزار روپے طلب کررہے تھے۔

سینٹر انچارج کو ویڈیو میں بچوں کے والدین سے پیسے طلب کرتے دیکھا گیا تھا۔

مقدمہ متن میں لکھا گیا ہے کہ ویڈیو منظر عام پر آنے کے بعد متعلقہ سینٹر نینشل گرامر اسکول شادمان ٹاؤن اور گریس اکیڈمی لرننگ سیکنڈری اسکول قائد آباد کو بلیک لسٹ کردیا گیا ہے۔