پاکستان پیپلز پارٹی کے سابق رکن قومی اسمبلی نواب میر بابل خان جکھرانی انتقال کرگئے۔

نواب میر بابل خان جکھرانی چیف وہپ (قومی اسمبلی) ایم این اے میر اعجاز خان جکھرانی کے والد ہیں۔ مرحوم کی نمازِ جنازہ آج شام ان کے آبائی شہر جیکب آباد میں ادا کی جائے گی۔

پیپلزپارٹی کی مرکزی ترجمان شازیہ مری، سینئر صوبائی وزیر شرجیل انعام میمن، صوبائی وزیر جام اکرام اللہ دھاریجو سمیت دیگر رہنماؤں نے نواب میر بابل خان جکھرانی کے انتقال پر افسوس کا اظہار کیا ہے اور انکے لواحقین کیلئے صبر جمیل کی دعا کی۔

شہر قائد میں بارش کا سلسلہ تھمنے کے بعد آج معمول سے تیز ہوائیں چلنے کا امکان ہے۔

محکمہ موسمیات کی ارلی وارننگ سینٹر پیش گوئی کے مطابق بدھ اور جمعرات کو کراچی میں زیادہ تر دھوپ رہنے کی توقع ہے۔

حیدرآباد، ٹنڈو محمد خان، جامشورو، سجاول، بدین، ٹھٹھہ، تھرپارکر اور عمر کوٹ میں بھی تیز ہوائیں چل سکتی ہیں۔

محکمہ موسمیات کے مطابق سندھ کے دیگر اضلاع میں موسم خشک رہنے کا امکان ہے۔